Filipenses 2:22 - Nuevo Testamento Toba Sombrero Negro

²² Qalaĝaja da'me ami joote auayachiñe joda'me 'loyaĝac joñe'me Timoteo, yataqata 'noota joñe'me, ena'am ta'le yalec, qama'le yataqata jayem lecochiya ca'li qadalo'ta't da'me ja'aĝataqatac da'me Dios 'laqataĝanaĝac.

Nuevo Testamento Toba Sur

²² Qalaxayi qami' mashi qauaÿajñi da 'eetec da no'on lataxac so Timoteo, qataq da 'eetec da ñitauaatapegue' da sa'axataqtac da n'aqtac, qaq somayi 'eeta'am ca ñalec da itauan ca lta'a.

La'aqtaqa Ñim Lo'onatac 'Enauacna 2013

²² Qalaxaye qami' mashe qauaỹaañi da 'eetec da no'on lataxac ñi Timoteo, qataq da 'eetec da ñetaueetague' da sa'axataqtac da na'aqtac, 'eeta'am da maiche ỹalec.

Filipenses 2:22 Referans Kwoze

1 Corintios 4:17

Qo'che' joote ami jamaĝalo ñe'me Timoteo, jo'ne joqopita, ena'am ga'me yalec 'me equegue ñe'me Jaliaĝanec, nataq'aen jep'etec ñe'me. Nach'eñe ami netouenaĝaneque qomle da'me yadic queda'me jequegue ñe'me Jesucristo, da'me jo'ne nach'e eta't japaĝaguenataĝanec ena'uaque gaa'me nemaĝaiqui' gaa'me jec'atapegalo.

2 Timoteo 1:2

Yamaic yitaĝa am janem, am Timoteo jo'ne ena'am ta'le am yalec 'me yataqata am joqopita. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

1 Timoteo 1:2

Yamaic am janem, am Timoteo jo'ne yataqata am yalec queda'me aua'uo da'me yepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

2 Corintios 2:9

Jaga'me yediije jo'ne ami jedenaqatenalo nach'edata da'me jetaque jayaten qom oqui'teguelo nataq'aen auoqochiiyalo daa'me yoqotenaĝanaĝaco.

1 Timoteo 1:18

Am yalec Timoteo, nayi am janem jenjo' 'yelopaĝac qaedi oquetalo'te jogaa'me 'laqataqa gaa'me qadaqaya' jo'ne am yachedalegue ca'li, qaedi yataqata eja joga'me at'onatac nale aueloiquitapegue' ga'me ja no'en.

2 Corintios 8:22

Naajo' dojolqa jo'ne je'elopaĝaque da'me dojo', uoja'ae ñe'me qadaqaya jo'ne jamaĝajoq 'me quetapegue' ñe'me Cristo jo'ne nach'e eta't, nataq'aen yodapecache ga'me 'loyaĝac q'aen da'me jetaque ya'uo lecochaĝac, qama'le p'ajaye nayi jetaque ye'et, qa'a jalcote ami p'eteque.

Tito 1:4

Yamaic am janem am Tito, am jo'ne ena'am ta'le yataqachiñe am yalec qa'a qademaye da'me dojo' qadepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanem da'me anichoĝodenataguec nataq'aen da'me at'emaĝac.

2 Timoteo 3:10

Qalaĝaja da'me am, joote auaconegueta yemeda daa'me yapaĝaguenataĝanaĝaco, nataq'aen da'me auadenaĝat da'me 'yoyaĝac nataq'aen ga'me jetaque ja'uo nale, da'me yepi'iyaĝac, da'me ñapogaĝadenaĝac, da'me yoqopich'i nataq'aen da'me qoyen 'yañaĝac qaedi yema jalo'oguet nale.

Filipenses 2:20

Nach'eñeta ñe'me Timoteo jo'ne 'uo da'me lelnataĝac ena'am da'me mach'e yelnataĝac, qaya'te 'uo ga'me laqaya. Qama'le yataqata 'uo da'me lepagaĝac joda'me ami, qa'a jouaĝat da'me yataqata ami noqopitalo.

2 Corintios 8:24

Qo'che' aualoĝoñiyalo da'me adoqopich'ii, qaedi jogaa'me p'etaqadaiqui jo'ne yama' naajo' lamaĝa's yataqata yayate'n queda'me qo'mi ejoda da'me qani'yoĝodenaĝac jouaĝat ami.

2 Corintios 8:8

Ja naqaeda ta'le ami janema ga'me yamaĝajoĝonaĝac. Jaldata da'me jetaque auayachiñe da'me eeta da'me yauote lajaqaje' jogaa'me qadaqaya'olqa jo'ne p'etaqadaiquipi, qaedi ami auaqanachichi ta'le aualoĝoñi da'me adoqopich'ii jo'ne qaya'te lale'gue.

Hechos 16:2

qama'le jogaa'me qadaqaya'olqa 'me Listra laje' nataq'aen di'me Iconio, ena'uaque 'nonaĝachidegue ñe'me.

Romanos 5:4

Qama'le da'me qo'mi t'añidañe, male qo'mi e'n mataĝanaĝayaqa, nataq'aen da'me qo'mi na'yalo q'ae'n da'me qadeuataqataĝanaĝac.

1 Corintios 16:10

Qom ami yovitalo ñe'me qadaqaya Timoteo, 'noota qom ja auauoyi loqolanaĝa da'me ami uetauelo ñe'me, queda'me yema'eguet ye'et da'me 'lonatac jo'ne yanem ñe'me Jaliaĝanec ena'am da'me jayem.

Filipenses 1:5

qa'a jouaĝat ca'li jayem alecochiiya qaedi ja'aĝatetac jena'me jenjo' nec'alaĝa ladic, ca'li yemta chayovida'a nayi.

Filipenses 1:7

Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.

Filipenses 1:12

Ami yaqaya'olqa, 'noota qom auayachiñe joda'me jayem qo'eetec quelqaya, qa'a jenjo' ma'ejama'le jayem lecochiya da'me ja'aĝatetac jena'me jenjo' 'noota ladic.

Filipenses 1:16

qama'le 'yaĝatetedac jena'me jenjo' 'noota qa'a 'uo da'me lepagaĝac da'me jayem noqopideta, nataq'aen yayate'n joñe'me Dios nach'eñe jayem yanem jena'me jenjo' 'yonatac qaedi je'uolegue jena'me jenjo' qadepe'e ladic.

1 Timoteo 4:6

Qom auapaĝaguenataĝaneque naa'me naajo' namaĝajoĝonaĝaco jogaa'me adaqaya', qama'le am yataqata eja nataq'aen onaĝaic lamaĝajec joñe'me Cristo Jesús. Qa'a nataq'aen yataqata aue'n ejoda naa'me 'naqataqa jo'ne en t'añi da'me qadepe'e, nach'enaua jo'ne joote oquetapegue'to 'me napaĝaguenataĝanaĝaco jo'ne yataqata onaĝayaqa.