Filipenses 2:2 - Nuevo Testamento Toba Sombrero Negro

² Chane'eja nayi yitaĝa ami ñachoĝodenouelo qaedi aueñi onolec da'me adelnataĝaqui, nach'e eta't anoqopichiyapega't nataq'aen onolec da'me auepaquitapega, qaedi yataqata adaloi'ta't. Qom auauoyi yema daa'me daajo' qama'le yataqata let'adaic da'me yamaic jo' qomle.

Nuevo Testamento Toba Sur

² qaq no'on qone' da qauauo'oi qome ca ñitonaxac. Ÿataqta qaica ca ÿaqpeuga da qoñiita. 'Oonolec ca qancoñiyiitagui nsoxoyic, qataq 'oonolec ca qadhuennataqai qataq cam qoñiitapeguec.

La'aqtaqa Ñim Lo'onatac 'Enauacna 2013

² Qaq ỹoqo'oye qami' seỹaxanoiguilo 'enauac da qoñiita da qauauo'oi ca lta'araic ñetonaxac, qoviitaigui da qaica ca ỹaqpegueuga da qoñiita qataq ñi 'oonolec ỹataqta ỹauotec ca lỹa. Qataq qanaỹaañeta't da huo'o ca qauennacheetega qataq 'oonolec ca qaryaxayiqui.

Filipenses 2:2 Referans Kwoze

Romanos 12:16

'Noota qom onolqa'tape ami adaloi'ta't qaya'te neyota'ya. Ena'te ami 'yoĝodenaĝayaqa, dite da'me aueñe'tem da'me adaloyetapegueta joga'me jo'ne jaleca da'me letadenataĝanaĝac. Ena'te aueñetapela't ami yatenaĝanaĝayaqa.

1 Corintios 1:10

Ami yaqaya'olqa, ñe'me Qadejaliaĝanec Jesucristo jayem namaĝaquena qaedi ami ñachoĝodenoto queda'me 'noota ta'le adaloi'ta't nale 'uo ga'me anenaĝachiyegue. 'Noota qom ja yodapecache naa'me ademiyapelo'te, dite ta'le ena'uaque ami ademi'ta't, nataq'aen 'noota qom ena'uaque ami onolec ga'me adelnataĝaqui.

2 Corintios 13:11

Ami yaqaya'olqa, queda'me nach'e jana'ña ga'me 'yaqatac nayi, jepaquetapega ta'le ami made'tape, aueloyaque da'me liyamaĝac joda'me at'oyaĝaqui. Auacoñiyeguet da'me at'añaĝaqui nataq'aen adaloitapega't da'me adajoĝoqui nataq'aen da'me 'nemaĝac. Ñe'me Dios 'me chiyoqo'ot da'me noqopich'i choqoda'me 'nemaĝac, nach'eñe jo'ne nach'e eta't ami uetauelo.

3 Juan 1:4

Nataq'aen da'me dojo' yamaic jo'ne p'ajaye queda'me jayate'n jogaa'me yalaqapi queda'me 'nañaĝatela'ajalo quetedalegue da'me jo'ne chimaqachiñe.

Filipenses 2:16

Ena'te aĝañiñi da'me a'uaĝachetac da'me dojo' 'naqataĝanaĝac, nach'eda jo'ne chiyaqayi da'me 'noyaĝac 'me ja 'naidena'a. Qom oquitague jena'me jenjo' qama'le nach'e eta't jayem aueñi matac, qama'le ga'me nolo' qom yitaĝa 'niyelaq joñe'me Cristo, male jayaten da'me 'yonataĝanaĝac nataq'aen jo'me 'yañaĝac ja ch'e yijamaĝajaye dite da'me yataqata 'uo da'me chiyaqayi.

Hechos 2:46

Yemeda gaa'me noloqo'ote yec'adeta ga'me tamenaĝaiqui let'adaic qaedi yema'a't, nataq'aen onolec ga'me 'nachaqa' ueda'a nale neuachidigui ga'me pan, 'uo da'me lamai'j nale dajotedaye ga'me yali'j nataq'aen ja diyachiyaqayaqa naa'me lai'li.

2 Juan 1:4

Yataqachiñe jayem matac queda'me uo'oe gaa'me jauanalo jo'ne am chiyoqodayi da'me quetedalegue joda'me jo'ne eja, naq'aeta da'me jo'ne Qadet'a Dios qo'mi yamaĝalo'te.

2 Ts 2:13

Qalaĝaja da'me qo'mi nach'e eta't janemaĝam da'me qadamaic joñe'me Dios jouaĝat da'me ami. Dios yataqata ami noqopitalo nataq'aen nach'eñe da'me ami yiyaĝanalo ca'li, qaedi ja oviyaue joga'me nachoĝodec jo'ne na'ta. Ami yiyaĝanalo ca'li en ami nayelo joñe'me Nepaqal, qaedi male ami qoye'n lalemaĝaje'te joñe'me, nataq'aen da'me auacoñiyeguet da'me 'naqatac jo'ne 'yaĝatetac da'me yataqatelegue.

Colosenses 2:5

Qa'a temaqaedi da'me ja ami 'te jouetauelo nayi, qalaĝaja ami uetauelo da'me yelnataĝac, qama'le jayem matac yajouaĝat da'me jauana da'me adiyamaqai, nataq'aen da'me a'nañaĝachiyec da'me auep'iiya'a ñe'me Cristo.

Filipenses 4:2

Yataqata ñachoĝodenoto jaga'me Evodia nataq'aen jaga'me Síntique qaedi male ja nautena't, qa'a ami dos joote oviyaue da'me naqayayaĝac 'me chiyoqo'ot joñe'me Qadejaliaĝanec.

Filipenses 2:20

Nach'eñeta ñe'me Timoteo jo'ne 'uo da'me lelnataĝac ena'am da'me mach'e yelnataĝac, qaya'te 'uo ga'me laqaya. Qama'le yataqata 'uo da'me lepagaĝac joda'me ami, qa'a jouaĝat da'me yataqata ami noqopitalo.

2 Corintios 7:7

Nataq'aen ja jaldata qo'mi made'tape da'me jauanaĝa, dite da'me nach'e ena'am jayatenaq queda'me ami chiyaqayilo matac joñe'me. Tito qo'mi 'yaĝatema queda'me jetaque qo'mi auañiyalo, jo'ne ami totelo'te q'ae'n ga'me jo'ne 'uo ca'li, nataq'aen queda'me jayem auenachetapega. Mane'e ca'li jomachiya da'me lep'iquenataĝanaĝac qama'le yataqata nichiyaĝategue da'me yamaic.

2 Corintios 2:3

Qo'che' ami jedenaqatenalo ga'me yediijec, naq'aeta ga'me ja'uo ca'li, qa'a ja jetaque ami jec'atalo qaedi ja jayem 'te a'vichiyigue da'me jayem totelegue, jo'ne naqa'ami chiyaqayilo da'me yamaic. Yataqachiñe jayateta queda'me ami ena'am adoĝochi da'me mach'e yamaic,

Hechos 5:12

Na'yalo qoyen da'me yauo'oe gaa'me qayoĝode' 'nanaqa nataq'aen nañoqotaĝanaĝaco jo'ne qoyaloĝonalo ga'me jiyaĝadipi; nataq'aen ena'uaque jogaa'me yemeda'a nale ga'me Salomón najom.

Hechos 1:14

Ena'uaque jogaa'me nach'e eta't yema'ajalo nale qaedi netame'n, nach'e ena'am uo'oe gaa'me yauo', jañe'me María jo'ne lat'e ñe'me Jesús choqogaa'me lanoqolqa.

Filipenses 1:4

Qama'le nale ñetametac, nach'e eta't 'uo da'me yamaic jo'ne chiyaqayi da'me ami jajelaĝalo'te,

Juan 3:29

Da'me 'nonáĝac, joga'me jo'ne 'uoneguet jaga'me lojaĝaua, nach'ega joga'me nojaĝaua; qalaĝaja joga'me jo'ne ch'e naigaĝaua joga'me nojaĝaua, jo'ne nach'e ena'am ue'ta lae joga'me, qama'le uotaĝa domachiya, qama'le 'uo da'me lamaic queda'me domachiya. Qama'le nach'e ena'am jayem, 'uo da'me yamaic jo'ne yataqachiñe nalo'ta't nayi.

2 Timoteo 1:4

Nale jenate'ta da'me anoyetac quelqaya, qama'le jalcote yamaic ta'le yitaĝa am jauana, qaedi yitaĝa 'uo da'me yamaic.

Hechos 2:1

Ca'li yovita da'me qo'nonaĝachigui di'me nolo' jo'ne Pentecostés ena'uaque joga'me p'etaqadaiquipi cha'li nach'ega ga'me ueteda'a da'me yema'a't.

Filemón 1:20

Naq'aeta da'me dojo', am yaqaya. Aua'uo jo' da'me ñachoĝodenaĝac, qa'a am yepi'iyaĝaua da'me qademe'teguet joñe'me Qadejaliaĝanec; aloyaĝanatet na'me yeuel qa'a mach'e qo'mi naqaya' da'me jep'iyaqa joñe'me Cristo.