Filipenses 2:11 - Nuevo Testamento Toba Sombrero Negro

¹¹ qaedi male yema qo'yaĝatetedac queda'me nach'eñe joñe'me Jesucristo naqaeñe jo'ne Qadejaliaĝanec. Qama'le naq'aeta da'me yataqata qo'nonaĝachigui joñe'me Dios mach'e Qadet'a.

Nuevo Testamento Toba Sur

¹¹ qataq yaqto' 'enauac qai'axat da ÿoqta 'eesa da so Jesucristo nachiso so qadataxala', nachi ÿataqta qaÿi'oxoden ñi qadta'a Dios.

La'aqtaqa Ñim Lo'onatac 'Enauacna 2013

¹¹ qataq yaqto' 'enauac qaỹauattoota So Jesucristo da nacheso so Nataxala', qataq nache llo'oxoyec Ñim Qarta'a maye Lo'onatac 'Enauacna.

Filipenses 2:11 Referans Kwoze

1 Juan 4:15

Gamachaqaega jo'ne 'yaĝatetac queda'me Jesús mach'e Dios Lec'oĝot, qama'le Dios netaue joga'me, nataq'aen joga'me ne'tajop joñe'me Dios.

Romanos 14:11

Naa'me nedii's jo'ne Dios 'laqatac eet'oi: “Yataqata jayem eja nayi da'me ñec'aletaye, qama'le jayem qoyauana, male yema yejoidiñe naa'me leliquetel, nataq'aen jayem qo'nonaĝachigui.”

Juan 13:13

Da'me ami nale jayem aviyaĝañetapec «Paĝaguenataĝanaĝaic» nataq'aen da'me aueñeetac nale «Jaliaĝanec», qama'le yataqata eja da'me naqayem.

1 Juan 4:2

Qama'le naq'aeta da'me dojo' auatetoñiyegueta jogaa'me jo'ne eja ueteda'ajop joñe'me Dios Lepaqal: yema gaa'me jiyaĝadipi jo'ne dechoqotaĝatec queda'me Jesucristo naequena ca'li, nach'e naq'aeta da'me yataqachiñe jiyaĝaua, nach'egaua yataqata ueteda'ajop joñe'me Dios.

Romanos 14:9

Qa'a joñe'me Jesucristo yeleu nataq'aen yitaĝa 'niyelaĝajeguem qaedi male naqaeñe joñe'me Lejaliaĝane'j jogaa'me joote yele'u nach'e ena'ama jogaa'me maliaĝa nec'aletedaye.

1 Corintios 12:3

Chane'eja, 'noota ta'le auayachiñe queda'me qaya'te yaqanatet ta'le enaac: “¡Yataqachiñe ja no'en ñe'me Jesús!”, qom naqaeñe ñe'me Dios Lepaqal 'me ja 'nalegue yojaĝanaĝan joga'me; nataq'aen qaya'te yaqanatet ta'le enaac: “¡Jesús mach'e Jaliaĝanec!”, qom ja naqaeñe ñe'me Dios Lepaqal jo'ne yojaĝanaĝan joga'me.

Juan 14:13

Qom yataqachiñe jayem ademii'teguet, qama'le ami janema yema ga'me jo'ne auajelaĝañiyaque, qaedi da'me jayem jo'ne jayem Dios Lec'oĝot male jaloĝon da'me 'lonaĝac joñe'me Taĝadena'.

1 Pedro 1:21

Chiyaqayi joñe'me Cristo, da'me ami male auep'iiya'a ñe'me Dios, 'me 'niyelaĝachijeguem joñe'me, yachiyaqaue di'me napa'lpi 'lachaqa', qama'le yanem da'me 'lonaĝac qaedi male auep'iiya'a joñe'me Dios jo'ne anaquichitapega.

1 Corintios 8:6

qalaĝaja qo'mi qamqa'me jayatenaq queda'me 'uo ñe'me Dios jo'ne onolec, mach'e Qadet'a jo'ne 'netoqo't ena'uaque gaa'me uo'oe, nataq'aen qo'mi yanema da'me qat'oyaĝac jeloqot'ot joñe'me. Nach'e naq'aeta queda'me onolec ñe'me Jaliaĝanec Jesucristo nach'eñe necochoqo't ñe'me Dios joca'li ye'et jena'me aleua nataq'aen ena'uaque gaa'me uo'oe, qama'le da'me qo'mi joda'me qat'oyaĝac chiyoĝoguet joñe'me.

Apocalipsis 3:5

Jogaa'me jo'ne yovidedeta da'me noma't joga'me ja no'en, nach'egaua jo'ne naq'aete' da'me pagaĝayaqa na'me louo, qama'le ja japalaĝa't naa'me lenaqa'te jo'ne yededelegue ca'li jaga'me nede jo'ne uetaye da'me nec'alaĝa, dite da'me ja'aĝatot ñe'me Taĝadena' choqoñaa'me lamaĝa's jo'ne piyem laje' queda'me nach'egaua jo'ne jayem yemetede'eguet.

Mateo 10:32

“Qom 'uo gamachaqaega jayem yotauan nale dajoya'agueta joga'me jiyaĝadipi, qama'le nach'e ena'am da'me jayem jotauan joga'me qom jajoya'aguet ñe'me Taĝadena' 'me na'ague di'me piyem.

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

Hechos 2:36

“Chane'eja auayachiñe jo' da'me dojo', ami Israel c'oqo'tepi, queda'me nach'eñe Jesús jo'ne auep'eñiyajeguem, Dios yejaliaĝat nataq'aen en Liquiyac.”

Juan 9:22

Chane'eja naq'aeta da'me 'laqataĝanaĝa'j gaa'me jo'ne mach'e let'al, qa'a 'uo da'me loqolanaqa', yajouaĝat jogaa'me judiopi lajoĝola'te queda'me joote 'uo da'me nomachidi: ga'me jo'ne 'yaĝatetac ñe'me Jesús da'me naqaeñe ñe'me Dios Liquiyac, nach'ega jo'ne qoyamaĝaye, ca'e qoyen ga'me nemaĝaiqui.

Juan 5:23

qaedi yema jayem qo'nonaĝachigui, da'me nach'e ena'am qo'nonaĝachigui da'me jo'ne yanem joñe'me Taĝadena'. Qa'a joga'me jo'ne ja jayem 'te 'nonaĝachichigui, nach'e ena'am ja 'nonaĝachichigui ñe'me Taĝadena', joñe'me jo'ne nach'eñe 'me jayem namaĝaquena.

2 Juan 1:7

Qa'a uo'oe qayoĝode' gaa'me qovinaĝanaĝaiquipi jo'ne quetedalegue jena'me aleua, jo'ne ja dechoqotaĝatec joñe'me Jesucristo naequena nach'e naq'aeta jiyaĝaua jo'ne yataqatelegue. Ga'me jo'ne naq'aeta, nach'ega qovinaĝanaĝaic nataq'aen nautena joñe'me Cristo.

1 Corintios 15:47

Ga'me 'uaeñe jiyaĝaua qoyachiyoĝotaye ga'me lojoche jena'me aleua ca'li qoye'et nataq'aen chiyaqaue jena'me aleua; ñe'me jiyaĝaua jo'ne p'ategue, nach'eñe Cristo, qamqa'me chiyaqaje'ma di'me piyem.

Romanos 15:9

Nataq'aen naequena joca'li qaedi ga'me ja judiopi nach'e ena'am 'nonaĝachidegue joñe'me Dios, qa'a 'uo da'me lichoĝodenataĝanaĝac, naq'aeta da'me 'yaĝatetac naa'me nedii's jo'ne eet'oi: “Qo'che' am 'ñonaĝachigui da'me jouetauelo gaa'me yodapecache jiyaĝadipi, Nataq'aen jo'o'tape gaa'me nalaco 'me 'yaĝatetedac da'me adenaĝat.”

Juan 20:28

Qama'le joñe'me Tomás 'yateguet joñe'me: —¡Am Yejaliaĝanec jo'ne am Ñedios!

Juan 17:1

Mane'e ca'li yem da'me 'yaĝatetac da'me dojo', qama'le Jesús yeloje'ma di'me piyem qama'le enaac: “Am Taĝadena', nayi male jayem novita da'me yaloqo': 'noota qom jayem a'nonaĝachichigue, qaedi nach'e ena'am da'me jayem male am 'ñonaĝachichigui.

Juan 12:42

Qalaĝaja chayovida'alo gaa'me judiopi lajoĝola'te uo'oe gaa'me qayoĝode' jo'ne p'iida'a joñe'me Jesús. Qalaĝaja ja nechoĝotegueta joga'me fariseopi qa'a 'uo da'me loqolanaqa' nataq'aen da'me qaedi ja qoyamaĝaye joga'me nemaĝaiqui.

Lucas 2:11

Nayi niyi'ña di'me David 'lachaqa' ñe'me adec'alaĝaiqui, nach'eñe Jaliaĝanec jo'ne Dios Liquiyac.

Juan 14:23

Jesús 'yateguet joñe'me: —Ga'me jo'ne jayem noqopita, yoqocha'alo naa'me 'yaqataqa, qama'le Taĝadena' noqopita ga'me, qama'le ñe'me Taĝadena' nataq'aen jayem ñanaĝaquena qaedi jonaqa'ajop joga'me.

Juan 13:14

Chane'eja qom jayem 'me jayem Paĝaguenataĝanaĝaic nataq'aen da'me jayem Adejaliaĝanequi male jiyo'tape naa'me adapia'chidi', qama'le 'noota qom nach'e ena'ama onolqa'tape da'me ami, aviyo'y naa'me lapiachidi' naa'me adaqayadi'.