Filipenses 2:1 - Nuevo Testamento Toba Sombrero Negro

¹ Joñe'me Cristo yataqata ami 'yañaqate't, jouaĝat da'me ademii'teguet joñe'me, nataq'aen da'me loqopich'i joñe'me male ami loyaĝanate'tape. Nataq'aen nach'eñe joñe'me Lepaqal jo'ne ami uetauelo, chayovida'a da'me yataqata ami joĝodayaqa nataq'aen ami choĝodenataĝanaĝayaqa.

Nuevo Testamento Toba Sur

¹ Qaq ÿoqo'oyi so Cristo da qami' i'añaqchi't, qataq da qami' machiyiñi naq'en da lauotaxanaqtaic somayi, qataq da qami' hueta'agueta so n'Espíritu, qataq da qauauattoñi da nauotaxanaqtaic qataq da nchoxonnataxanaxac,

La'aqtaqa Ñim Lo'onatac 'Enauacna 2013

¹ Aỹem saỹateeta da So Cristo qami' ỹanema da na'añaxac da yaqto' qaua'añaqchichi na qaraỹepi. De'era qarsoxoyiqui maye qami' hueto'oto, damaye qami' ỹauegalo da ishet da qaua'añaqchichi ca qarỹai, qataq saỹaten da 'enauac da qoñiita qami' hueto'oto So Saqcha'a Na'añaxac, ỹoqo'oye qami' choxonnataxanaxaiqa.

Filipenses 2:1 Referans Kwoze

Colosenses 3:12

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

1 Juan 4:12

Jalchi'ena qaya'te ta'le yauana joñe'me Dios; qalaĝaja qom ñoqopitaqapega't, qama'le joñe'me Dios qo'mi netauelo nataq'aen joda'me loqopich'i yataqata qo'mi qoyiyamaĝatetouelo.

Colosenses 2:2

Jeloquitac qaedi 'uo da'me 'lañaĝa'j naa'me adai'lidi' nataq'aen qaedi a'nañaĝachiyec da'me noqopich'i jo'ne ami nalotapega't q'ae'n nataq'aen nejaqachiguilo da'me yataqatelegue netadenataĝanaĝac, qaedi auaqanachichi ta'le auatetoñi joda'me lelnataĝac ñe'me Dios jo'ne ja di'yoq joca'li, jo'ne nach'eñe ñe'me Cristo.

1 Corintios 12:13

Qa'a joca'li qo'mi qonachilaĝa'n, nach'eñe ñe'me Dios Lepaqal qo'mi 'yeteque da'me ena'am ta'le onolec da'me qat'oyaĝac, joga'me griegopi nach'e ena'am joga'me judiopi, jogaa'me nelataqa nataq'aen jogaa'me yiyamaqachidiñe, qama'le Dios qo'mi ena'uac yecodelo'te nach'eñe ñe'me mach'e Lepaqal.

Gálatas 5:22

Qalaĝaja ñe'me Lepaqal ñe'me Dios qo'mi noqopitaĝanaĝaneque jogaa'me qadaqaya'olqa, nach'e eta't jouaqataue da'me qo'mi made'tape nataq'aen jouaqataue da'me qat'emaĝac da'me jouaqa'tajopa gaa'me qadaqaya'. Qo'mi e'n ñapogaĝadenaq nataq'aen qo'mi qopitaĝanaqataqayaqa, nataq'aen nach'e eta't 'noota ga'me je'etaĝaque jogaa'me qadaqaya', jep'iyaqa ñe'me Dios.

Gálatas 4:6

Qama'le nayi queda'me ena'am ta'le yataqachiñe qo'mi lec'oqo'tolqa, Dios namaĝaquena ñe'me Lepaqal 'me ja 'nalegue jo'ne chiyaqayi ñe'me mach'e Lec'oĝot qaedi qo'mi uetauelo. Qo'che' nale ñetamenoqot ñe'me Dios, ñe'me Lepaqal qo'mi yaje'tema da'me jiyaĝanoqot: “Am Qadet'a 'me am qadoqopita.”

Hechos 4:32

Ena'uaque joga'me p'etaqadaiquipi jo'ne jalcote nach'ega nale ga'me nometeguet nataq'aen lelnataĝa'j. Qaya'te gamachaqaega eetapega mach'e loĝot ga'me jo'ne te'me yauana, dite da'me nach'e ena'am loĝo't gaa'me jiyaĝa'u laqaya'.

1 Juan 3:24

Jogaa'me jo'ne yoqochideta daa'me lamaĝajoĝonaĝaco joñe'me Dios, nach'egaua neteda'ajop joñe'me, nataq'aen joñe'me netauelo jogaa'me. Nataq'aen dojo' jayatenaq queda'me qo'mi uetauelo: qa'a jouaĝat joñe'me Lepaqal jo'ne qo'mi yanema.

Juan 17:13

“Nayi male am jec'ata, qalaĝaja ja'aĝatetac da'me dojo' da'me cha'li joue'ta jenjo' aleua, qaedi naa'me naajo' male najaĝayelo da'me namaic jo'ne yataqatelegue da'me jo'ne jayem ue'tajop.

1 Juan 4:16

Naq'aeta da'me male jayatenaq queda'me yataqachiñe da'me Dios qo'mi noqopitalo. Da'me noqopich'i chiyoĝoguet joñe'me Dios, qama'le gamachaqaega jo'ne nach'e eta't 'uo da'me loqopich'i, nach'ega ne'tajop joñe'me Dios, nataq'aen joñe'me Dios netaue joga'me.

Filipenses 3:3

Qa'a mach'e qo'mi jo'ne yataqata qo'mi qoye'n Dios lec'oqo'tepi. Qalaĝaja da'me dojo' ja chiyaqayi da'me ch'e qoyichaĝaye na'me qadapat, dite da'me chiyaqayi joñe'me Dios Lepaqal jo'ne qo'mi uetauelo. Naqaeñe jo'ne qo'mi yaqataĝata'ajalo qaedi 'ñonaĝataĝaye joñe'me Dios nataq'aen e'n qo'mi made'tape jouaĝat da'me jouaqa'tajop joñe'me Jesucristo.

1 Corintios 3:16

¿Qo'li ja auayachiñe queda'me aueñiya'am ga'me 'lemec ñe'me Dios nataq'aen da'me ami uetauelo ñe'me Lepaqal?

Romanos 8:26

Qama'le naq'aeta ñe'me Dios Lepaqal qo'mi lecochiyalo queda'me 'uo da'me qadachoĝolaĝac. Qa'a ja jayatenaq ga'me yataqachiñe lajoĝoc da'me qanetamenaĝac, qalaĝaja ñe'me Dios Lepaqal nachoĝodenot ñe'me Dios nale qo'mi dajelaĝalo'te, jo'ne 'uo da'me lachotaĝac, da'me qaya'te 'naqatac ta'le qoyadenaĝat ga'me lachotaĝac.

Romanos 5:5

Qama'le da'me dojo' qadeuataqataĝanaĝac ja qo'mi 'te yoqovi'n, qa'a ñe'me Dios najaqachiguilo q'ae'n naa'me qadai'li da'me loqopich'i na'ya q'aen ñe'me Lepaqal jo'ne qo'mi yanema.

Hechos 2:46

Yemeda gaa'me noloqo'ote yec'adeta ga'me tamenaĝaiqui let'adaic qaedi yema'a't, nataq'aen onolec ga'me 'nachaqa' ueda'a nale neuachidigui ga'me pan, 'uo da'me lamai'j nale dajotedaye ga'me yali'j nataq'aen ja diyachiyaqayaqa naa'me lai'li.

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

Hebreos 6:18

Ñe'me Dios ja doqovinaĝan, qama'le uo'oe naa'me naajo' jo'ne dos 'me ja yitaĝa ta'le 'uo ga'me dalaĝaic: nach'ena jo'ne Dios joote qo'mi yaloĝonalo choqoda'me 'laqatac joñe'me jo'ne 'naĝatelegue. Chane'eja da'me qo'mi, 'uo da'me qat'añaĝac jo'ne chimaqachiñe, da'me qo'mi jo'ne jeloqotaque da'me qo'mi de'uolo'te joñe'me Dios, nataq'aen da'me jaconaĝaguet da'me neuataqataĝanaĝac jo'ne qo'mi yanema joñe'me.

Filipenses 1:8

Dios joote yayaten da'me yataqata eja da'me ami ñetonata'n, nataq'aen da'me yataqata ami joqopitalo, nach'eda da'me yoqopich'i jo'ne jayem yanem ca'li joñe'me Jesucristo.

Efesios 4:4

Qa'a jena'me Dios lec'oqo'tepi onolec da'me 'loyaĝac, nataq'aen onolec ñe'me Dios Lepaqal jo'ne qo'mi uetauelo, nataq'aen onolec da'me jepagaqatapega, nach'eda da'me nec'alaĝac jo'ne Dios qo'mi yiyaĝanalo qaedi jaĝaue.

2 Corintios 2:14

Jalcote janem da'me yamaic ñe'me Dios queda'me qo'mi yapetede'uo da'me lomataĝanaĝac ñe'me Cristo, nataq'aen queda'me qo'mi yanema da'me ja'aqataĝanaqatapema ena'uaque gaa'me ale'u lael da'me 'laqataĝanaĝac qaedi naq'aeta da'me ena'uaque yateto'n ñe'me Cristo. Ja'aĝataqatac da'me onaĝaic 'naqataĝanaĝac ena'am ta'le jelagaĝataĝalegue ena'uaque gaa'me ale'u lael ga'me jama da'me laetayaĝac ena'am ga'me yoĝoqui jo'ne davioĝon.

1 Corintios 15:31

Eja, ami yaqaya'olqa, yemeda naa'me noloqo'ote jajoya'aguet nale ga'me jo'ne jetaque jayem yalat. Yataqata eja da'me dojo', ena'am da'me 'uo da'me ñetonaĝac da'me ami ñetotapeque, qa'a male a'uamaqachiñe ñe'me Cristo mach'e Qadejaliaĝanec.

Juan 14:27

“Ami jepotajopa da'me 'nemaĝac. 'Yemaĝac ami janema nayi, qalaĝaja da'me dojo' jo'ne ja'uo nayi, ja ena'am da'me yauotedac nale jena'me aleua laje'pi. Ena'te lichiguilo naa'me adai'lidi', uotaĝa ta'le at'oyiyi.

Juan 14:18

“Da'me jayem ja ami 'te jeca'ae qomle, dite da'me 'ñiyelaq qomle qaedi yitaĝa ami jouetauelo.

Lucas 2:25

Joca'li gaa'me noloqo'ote 'uo ñe'me jiyaĝaua jo'ne na'ña di'me Jerusalén, lenaĝat Simeón, jo'ne yataqatelegue nataq'aen choĝodenataĝanaĝaic, nataq'aen 'uo da'me leuataqataĝanaĝac da'me qoyiyamaĝachiñe ga'me Israel laje'pi. Joñe'me Dios Lepaqal ue'tajop joñe'me,