Filipenses 1:8 - Nuevo Testamento Toba Sombrero Negro

⁸ Dios joote yayaten da'me yataqata eja da'me ami ñetonata'n, nataq'aen da'me yataqata ami joqopitalo, nach'eda da'me yoqopich'i jo'ne jayem yanem ca'li joñe'me Jesucristo.

Nuevo Testamento Toba Sur

⁸ Qaq ñi Dios ÿaÿateeta da ÿataqta sauotec 'enauac da qoñiita, da shiita'am da lauotaxanaqtaic so Jesucristo da qoñiita.

La'aqtaqa Ñim Lo'onatac 'Enauacna 2013

⁸ Qaq Ñim Lo'onatac 'Enauacna ỹaỹateeta da ỹataqta saishet da choche satenataxaatac da qami' saquicotrapigui, qataq da ỹauoche da qoñiita souaxat da lsoxoyec So Jesucristo maye aỹem ỹami'.

Filipenses 1:8 Referans Kwoze

Filipenses 4:1

Ami yaqaya'olqa, jalcote da'me ami joqopitalo qama'le yataqata ami ñetonata'n. Yataqata jayem matac, qa'a ena'am ta'le ami yi'yoĝodaqa'te nayi. Chane'eja, ¡ena'te aĝañiñi da'me oqui'tegue joñe'me Qadejaliaĝanec!

Romanos 1:9

Ñe'me Dios jo'ne nach'eñe jo'onataĝaneuo'o, qama'le yataqata 'ñañaĝatec da'me japaĝaguenataĝatapec da'me 'laqataĝanaĝac ñe'me C'oĝot, nach'eñe yayaten da'me nach'e eta't ami ñetouetapeque.

2 Timoteo 1:4

Nale jenate'ta da'me anoyetac quelqaya, qama'le jalcote yamaic ta'le yitaĝa am jauana, qaedi yitaĝa 'uo da'me yamaic.

1 Ts 2:8

Qo'mi yataqata jalcote da'me ami qadoqopitalo. Chane'eja ja nach'edata da'me 'laqataĝanaĝac ñe'me Dios jo'ne jetaque ami janemaĝama, dite da'me nach'e ena'am jetaque ami janemaĝama da'me mach'e qat'oyaĝac. Qa'a ¡nayi yataqata ami qanauotaĝa'u!

Romanos 9:1

Queda'me jep'iya'a ñe'me Cristo, male ja'aĝatetac da'me eja yataqatelegue, ja joqovinaĝatac. Uoja'eda, da'me yetadenataĝanaĝac 'me equegue ñe'me Dios Lepaqal jayem yayataĝadenec queda'me yataqachiñe eja da'me dojo'.

Filemón 1:12

Nayi am ji'iyelaĝatot, aue'tem jo' qomle da'me ena'am ta'le naqayem.

Colosenses 2:1

Chane'eja da'me jayem jetaque auayachiñe da'me yataqata jayem t'añi da'me yeloiquiaĝac yajouaĝa't da'me ami choqogaa'me Laodicea laje', nataq'aen ena'uaque jogaa'me jo'ne ja jayem 'te yateto'n.

Gálatas 4:19

Ena'am ta'le ami yalaqa da'me ami joqopitalo, qalaĝaja qom cha'li ja auovidiya'a da'me aueñiya'am ñe'me Cristo, qama'le jalcote auauoyi yachoĝodec, ena'am lachoĝodec jaga'me yauo nale yemta niyiñe ga'me c'oĝot.

Gálatas 1:20

Yataqachiñe eja da'me dojo' ami ja'aĝatema. ¡Dios jayem yayaten queda'me ja joqovinaĝatac!

2 Corintios 7:15

Tito netouetac queda'me yema auoqochiiya nataq'aen a'nonaĝachigui ca'li aueloyeguet. Qo'che' jalcote ami yauoteque.

2 Corintios 6:12

Qo'mi jalcote ami qadoqopitalo, qalaĝaja ami ja aualoqoichichigui da'me a'viyelaĝachiyeguet qaedi qo'mi auañema da'me adoqopich'i.

Lucas 1:78

Qa'a da'me let'adaic lichoĝodenataĝanaĝac ñe'me mach'e Qanedios, Qama'le qo'mi namaĝalo ñe'me Qadec'alaĝaiqui, jo'ne chiyaqaje'ma di'me p'ajeguem, ena'am ta'le nolo' jo'ne dalaĝaic,

1 Juan 3:17

Qalaĝaja qom 'uo ga'me yauana leuoyaĝac jenjo' aleua, nataq'aen yauana ga'me laqayolec jo'ne 'uo da'me louenaĝanaĝac, qalaĝaja ja yichoĝoden joga'me, qama'le ¿teua'atoqo' netaye ga'me lauel joda'me Dios loqopich'i?

Filemón 1:20

Naq'aeta da'me dojo', am yaqaya. Aua'uo jo' da'me ñachoĝodenaĝac, qa'a am yepi'iyaĝaua da'me qademe'teguet joñe'me Qadejaliaĝanec; aloyaĝanatet na'me yeuel qa'a mach'e qo'mi naqaya' da'me jep'iyaqa joñe'me Cristo.

1 Ts 2:5

Qa'a ami joote auayachiñe da'me ja auañiya ta'le ch'e ji'yoĝodenaqatac ga'me qadojaĝac, uotaĝa ta'le 'uo ga'me qadapaĝaguenataĝanaĝac jo'ne jenaĝa chiyaqayi ga'me qo'mi qoyejete'n. Jena'me jenjo' yataqata Dios joote yayaten nach'eñe qo'mi nelota'ñalo.

Colosenses 3:12

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

Filipenses 2:26

qa'a joñe'me yataqata ami netonata'n qama'le jalcote da'me lamaic ta'le yitaĝa ami yauanalo. Nataq'aen jalcote joda'me lachitataic joñe'me qa'a joote auayachiñe quelqaya da'me 'uo joda'me lapite'na ca'li.

Filipenses 2:1

Joñe'me Cristo yataqata ami 'yañaqate't, jouaĝat da'me ademii'teguet joñe'me, nataq'aen da'me loqopich'i joñe'me male ami loyaĝanate'tape. Nataq'aen nach'eñe joñe'me Lepaqal jo'ne ami uetauelo, chayovida'a da'me yataqata ami joĝodayaqa nataq'aen ami choĝodenataĝanaĝayaqa.

2 Corintios 13:9

Qo'che' jaconaĝaguet da'me qadamaic nale qo'mi choĝolaĝayaqa, qom yataqata ami 'uañaĝayaqa. Qama'le jaldata qolaqatalegue da'me qanetamenaĝac qaedi auovidiya'a da'me yataqachiñe ami yataqatelo'te.

Gálatas 3:26

Ami joote auep'iiya'a ñe'me Jesucristo, qo'che' ena'uaque ami joote ami Dios lec'oqo'tepi,