Filipenses 1:7 - Nuevo Testamento Toba Sombrero Negro

⁷ Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.

Nuevo Testamento Toba Sur

⁷ Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

La'aqtaqa Ñim Lo'onatac 'Enauacna 2013

⁷ Qaq ỹataqta ỹaỹamaqchiguiñi da iuennataxac da 'enauac qami' seuennategalo, cha'aye ỹataqta qami' sauoteque, cha'aye qami' nataqa'en qanhuañiỹaua'a da no'onataxanaxac maye chegaqaigui da lsoxoyec Ñim Lo'onatac 'Enauacna maye aỹem ipataxalec. Qaq da aỹem qaicoñettai' huo'otaq aỹem qaỹataxaato'ot ca nmit ca nasouaxashetpi, qalaq qami' nache 'eetai' da aỹem qatauñiitac da yaqto' setaqlec da 'eesa lataxac dam no'on na'axaỹaxac.

Filipenses 1:7 Referans Kwoze

2 Corintios 7:3

Ja ñenaĝategue da'me dojo' qaedi ja no'en ga'me auanomiyeguet, qa'a joote ami ja'aĝatema ca'li queda'me qaya'te nauaneguet da'me ami joqopitalo, uotaĝa da'me ñec'alaqataye nayi uotaĝa da'me qom qadeleu.

Filipenses 1:5

qa'a jouaĝat ca'li jayem alecochiiya qaedi ja'aĝatetac jena'me jenjo' nec'alaĝa ladic, ca'li yemta chayovida'a nayi.

2 Timoteo 2:9

Nach'ena jena'me jenjo' 'naqataĝanaĝac jayem qoyajouaĝatec, qama'le jayem qoyecoñedetac, qoyene'tem ta'le jayem etaĝaloĝoic. Qalaĝaja gaa'me 'laqataqa ñe'me Dios ja qoyaqanatet ta'le qoyecoñe't,

Colosenses 4:18

Jayem Pablo, mach'e ñepoquena ledii's dojo' yamaic jo'ne ami jedenaqatenalo. Anetoviñetac queda'me jayem necoñetaejec. 'Noota qom Dios ami yanema da'me anichoĝodenataguequi, ena'uaque da'me ami.

Filipenses 4:14

Qalaĝaja yataqata 'noota da'me auauoyi quelqaya da'me jayem alecochiiya, yajouaĝat da'me 'uo da'me yaqalaic ca'li.

Efesios 6:20

Joñe'me Qadejaliaĝanec jayem yamaĝalegue ca'li jena'me jenjo' qaedi ja'aĝatetac jenjo' jo'ne 'lonataĝanaĝac, nach'ena jayem yajouaĝat nayi da'me male jayem qoyecoñedetac. Chane'eja anachoĝodeñiyot joñe'me Dios qaedi yataqata ya'uo ga'me 'yañaĝac, qaedi maliaĝa jequeta da'me ja'aĝa'tape naajo' 'naqataqa.

Efesios 3:1

Jayem Pablo jo'ne jayem necoñetaejec jouaĝat da'me je'etetac da'me Jesucristo en 'yonatac da'me en jayem anapaĝaguenoqo't, da'me ami jo'ne ja ami 'te judiopi.

Hechos 20:23

Nach'edata da'me jayaten queda'me yemeda gaa'me noyaqa jo'ne jec'atapegalo, ñe'me Dios Lepaqal jo'ne ja 'nalegue jayem 'yaĝatem queda'me jayem yeuatetaque da'me ñecoñetaguec nataq'aen jalcote da'me yachoĝodec qomle.

1 Juan 3:14

Jayatenaq queda'me jachiyajaqaue da'me neleuaĝa qama'le nayi jaĝaue da'me qadec'alaĝa; dojo' jayatenaq qa'a qadoqopitalo gaa'me qadaqaya'olqa. Ga'me jo'ne ja noqopita ga'me laqaya maliaĝa uetaue da'me neleuaĝa.

2 Pedro 1:13

Da'me cha'li maliaĝa jec'aletaye, 'uo da'me yelnataĝac da'me jeetapega 'noota ta'le nach'e eta't ami ñetouenaĝanaĝaneque da'me dojo' napaĝaguenataĝanaĝac.

1 Pedro 4:13

Nach'edata da'me ami made'tape, yajouaĝat da'me nach'e ena'am ami ua'ajopa daa'me lachoĝodeco joñe'me Cristo, qaedi nach'e ena'am najaĝaye da'me adamaiqui qom yataqachiñe di'yoq da'me 'lonaĝa joñe'me da'me yitaĝa novitequena jo' qomle.

Hebreos 3:1

Chane'eja, ami yaqaya'olqa, da'me ami jo'ne ami liquiyaqa joñe'me Dios qaedi male en mach'e ami lec'oqo'tepi, 'noota qom auenache'ta joñe'me Jesús jo'ne Lamaĝajec joñe'me Dios, nataq'aen nach'eñe ñe'me Qadejaliaĝanec mach'e Qadetaĝayaĝanaĝanec jo'ne dajo'tot joñe'me Dios.

2 Timoteo 1:8

Chane'eja ena'te anepocoĝolegue da'me dojo', da'me a'uaĝate'tape jogaa'me chiyaqayilo joñe'me Qadejaliaĝanec, nataq'aen ena'te jayem anepocoĝolegue, da'me jayem necoñetaejec, jayem qoyajouaĝatec joñe'me Qadejaliaĝanec. Qama'le qomle male am qoyanem ga'me adachoĝodec, am qoyajouaĝatec da'me 'noota; Dios am nelochi'ña jo' qomle, ya'uo at'añaĝac.

1 Ts 5:5

Yema da'me ami ovitaue joga'me yataqata yoqochiñe, yataqata edañgui ena'am joga'me lauaq joga'me nolo', ja qo'mi 'te pi'yaĝadi laje', nataq'aen ta'le jouaqataue joga'me 'naltapiye jo'ne yataqata ja no'en.

Colosenses 4:3

Nach'e ena'am qo'mi auajelaĝañilo'te, qaedi ñe'me Jaliaĝanec 'youatedegue gaa'me qadadico da'me japaĝaguenataĝanaqatapec da'me 'naqataĝanaĝac nataq'aen jechoĝotaqatac da'me 'lonataĝanaĝac ñe'me Cristo, qa'a nach'eda jouaĝat da'me jayem qoyecoñe'.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

2 Corintios 3:2

Qom ga'me jiyaĝadipi jetaque qo'mi yi'yoĝode'tape, nach'edata da'me ami qoyec'ate'n, qama'le da'me qaniyamaĝadenataguec naqa'ami chiyaqayilo, jo'ne ena'am ta'le ami qadediijel jo'ne qoyachauelo naa'me qadai'li. Qama'le jaga'me nediije qaya'te laqalaic ta'le yauata ena'uaque ga'me jo'ne jetaque yauata.

1 Corintios 13:7

Ga'me jo'ne 'uo da'me loqopich'i yema napogaĝadeneguet, nataq'aen ja neli'ñejop da'me 'yamaqaten da'me eja, nach'e eta't 'uo da'me leuataqataĝanaĝac, nataq'aen nalo'oguet yema.

1 Corintios 9:23

Ena'uaque gaa'me jauo'oe, ja'uo qaedi qoyelagaĝategue da'me qo'yaĝatetac da'me onaĝaic 'naqataĝanaĝac, qa'a jetaque nach'e ena'am ñapeteguet joga'me.

Hechos 21:33

Chane'eja ñe'me coicopi lajoĝola' yec'ata ñe'me Pablo qama'le yecoñe' nataq'aen damaĝajoĝolegue qaedi qoyecoñeteque ga'me laicaual. Yem qama'le yachimaĝatec ga'me lenaĝat ñe'me, nataq'aen jach'e ga'me ya'uo ca'li.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

Filipenses 1:12

Ami yaqaya'olqa, 'noota qom auayachiñe joda'me jayem qo'eetec quelqaya, qa'a jenjo' ma'ejama'le jayem lecochiya da'me ja'aĝatetac jena'me jenjo' 'noota ladic.

Filipenses 1:13

Chane'eja nayi yemeda gaa'me coico laje' jo'ne uetedaue ga'me nejaliaĝaiqui nataq'aen yema ga'me jiyaĝadipi joote yataqata yayate'n queda'me jayem qoyecoñedeta't yajouaĝat da'me je'etetac da'me 'lonatac joñe'me Cristo.

Filipenses 1:14

Nataq'aen mane'e da'me jayem qoyecoñedeta't, ma'ejama'le jena'me qadayi da'me 'uo da'me 'lañaĝa'j da'me 'yaĝatetedac da'me 'laqataĝanaĝac joñe'me Dios, male 'uo da'me netonaĝa'j jo'ne chiyoqo'ot joñe'me Qadejaliaĝanec qama'le qaya'te t'oitedac.

Filipenses 2:22

Qalaĝaja da'me ami joote auayachiñe joda'me 'loyaĝac joñe'me Timoteo, yataqata 'noota joñe'me, ena'am ta'le yalec, qama'le yataqata jayem lecochiya ca'li qadalo'ta't da'me ja'aĝataqatac da'me Dios 'laqataĝanaĝac.

Filipenses 4:3

Qama'le da'me am jo'ne eja yataqata am yecochaĝaua jena'me jenjo' qat'onatac, nataq'aen am ñachoĝodenot qaedi alecochiyalo naajo' yauo' jo'ne 'yonataĝanaĝa'u ca'li japaĝaguenataĝatapec da'me Dios 'laqataĝanaĝac, qama'le ueteda'ajop ñe'me Clemente nataq'aen yemeda jogaa'me yecochaĝa'u laqaya' joca'li. Yema naa'me naajo', joote qoyedidiñe gaa'me lenaqa'te jaga'me nede jo'ne uedalegue yema jogaa'me lenaqa'te jogaa'me Dios lec'oqo'tepi, nach'egaua jo'ne 'uo da'me 'loyaĝa'j dalaĝaic.

Filipenses 4:15

Ami yaqaya'olqa jo'ne oñiya'ña di'me Filipos, joote auayachiñe da'me eeta ca'li yemta ja'aĝatetac da'me Dios 'laqataĝanaĝac jo'ne onaĝaic da'me jeca'e di'me Macedonia, queda'me nach'e amite' jo'ne jayem auamaqaiya ga'me adajaqajequi. Qaya'te tamenaĝaiqui laqaya ta'le ya'uo da'me dojo' ca'li.

Filemón 1:13

Taama'le ñaviiñi queda'me jetaque cada'ac jayem ue'tajop, qaedi ena'am da'me am nemeneguet qaedi jayem lecochiya da'me cha'li jonetaue jana'me coñetaĝanaĝaiqui, qa'a jouaĝat da'me onaĝaic 'naqataĝanaĝac jo'ne ja'aĝatetac.