Filipenses 1:6 - Nuevo Testamento Toba Sombrero Negro

⁶ Yataqata 'noota da'me 'lonataĝanaĝac joñe'me Dios jo'ne ami uauelo ca'li yemta, qama'le naajo' noloqo'ote male en nichiquetedaye da'me auep'iiya'a joñe'me, chayovida'a ga'me nolo' qom yitaĝa 'niyelaq joñe'me Jesucristo.

Nuevo Testamento Toba Sur

⁶ Qaq aÿim ÿataqta 'eesa ñaqshin da ñi Dios mayi chigoqchigui da qami' i'oteque da no'on dalaxaic qadataxaqui, ñimayi queto'ot da i'ottac damayi, chochi ividaxatta'a ca na'a'q qom ñi'iguelaq so Jesucristo.

La'aqtaqa Ñim Lo'onatac 'Enauacna 2013

⁶ Qaq aỹem ỹataqta 'eesa ñaqa'en da Ñim Lo'onatac 'Enauacna maye chegoqchigui da qami' ỹo'oteque da no'on dalaxaic qarataxaqui. Ñimaye queto'ot da ỹo'ottac de'era, choche iviraxatta'a ca na'a'q qom ñe'eguelaq So Jesucristo.

Filipenses 1:6 Referans Kwoze

Filipenses 2:13

Qa'a nach'eñe joñe'me Dios jo'ne ami yanouelo da'me nelnataĝaco jo'ne onaĝayaqa nataq'aen ami yanema da'me at'añaĝaqui qaedi aueñi di'yoq da'me yepaquetapega joñe'me.

Efesios 4:12

Ya'uo ca'li da'me dojo' qaedi yema da'me qo'mi jo'ne jouaqaue jena'me Dios lec'oqo'tepi, jo'ne nach'e ena'am ta'le qo'mi Cristo lapat, yataqata chimaqachiñe da'me qat'onataĝanaĝac, qaedi jauoqo 'lañaĝac ga'me qadepi'iyaĝa'u laqaya'.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

1 Corintios 1:8

Nach'eñe ami 'yañaqate't chayovida'a ga'me p'ategue nolo', qaedi qaya'te ja no'en adejamaĝataĝaqui qom yovita ga'me nolo' da'me 'niyelaq joñe'me.

2 Ts 1:11

Nataq'aen yemeda naa'me noloqo'ote da'me ami jajelaĝanaĝalo'te, da'me ñachoĝodenoqot joñe'me Dios qaedi ami e'n adaloyeguet da'me 'noyaĝac jo'ne auacoñiyeguet ca'li ami qoyiyaĝanalo, nataq'aen qaedi ami yanema ena'uaque daa'me 'noote' jo'ne auepaquitapegalo, qaedi yataqata ami onaĝayaqa nataq'aen qaedi auomachi' gaa'me at'onataqadi' 'me chiyoqodayi da'me adepi'i, qa'a nach'eñe jo'ne qaya'te yaqalaatac.

Hebreos 10:35

Chane'eja ena'te aĝañiñi qomle da'me adeuataqataĝanaĝaqui, qa'a nach'eda jo'ne ami novidaĝa'talo qomle ga'me adomataĝanaĝaqui let'adaic.

Juan 6:29

'Yategueta ñe'me Jesús qama'le enaac: —Da'me jo'ne Dios 'yamaqaten, jetaque jayem auep'iiya'a, qa'a naqayem jo'ne jayem namaĝaquena.

Filipenses 1:10

qaedi auayachiñe joga'me a'vichi nale, qaedi qom yitaĝa 'niyelaq joñe'me Cristo, male yataqata qaya'te adoequi, nataq'aen da'me yataqata ami ja 'nalo'te.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

Filemón 1:21

Am jedenaqatena jenjo' yediijec qa'a jayaten da'me auoqoch'a ga'me jiyaĝanaque, nataq'aen jayaten da'me yaguegue auen ga'me jiyaĝanaque.

Filipenses 1:29

Joote ami qoyaje'tema ta'le ami lalemaĝaje'te joñe'me Cristo, qama'le nayi male auep'iiya'a joñe'me, uotaĝa qom 'uo joga'me qoyen adachoĝodequi jouaĝat joñe'me.

2 Ts 3:4

Nataq'aen janemaĝam da'me qadamaic joñe'me Qadejaliaĝanec Jesucristo yajouaĝat da'me ami 'yañaqate't qaedi auaqanachichi da'me auauoyi ga'me qadaqataĝac nayi, nataq'aen naa'me naajo' noloqo'ote jo'ne na'te'.

Colosenses 2:12

Ca'li ami qonachilaĝa'n qama'le ami qoyijediñijop joñe'me Cristo, nataq'aen ca'li 'niyelaĝajeguem qama'le nach'e ena'am a'niyelaqaejeguem, qa'a auep'iiya'a joñe'me Dios jo'ne 'uo da'me lañoqotaĝanaĝac qaedi 'niyelaĝachijeguem joñe'me.

2 Corintios 7:16

¡Yataqachiñe jayem matac queda'me jalcote ami jep'eteque!

Hechos 11:18

Ca'li domachita da'me dojo' jogaa'me laqaya'olqa jo'ne ueteda'a di'me Jerusalén, qama'le 'nemaĝadiñe nataq'aen 'nonaĝachidegue joñe'me Dios, enapega't: —¡Chane'eja nach'e ena'ama ga'me ja judiopi queda'me Dios ya'uo ledaqa't qaedi 'niyelaĝadetot joñe'me nataq'aen yaqanate't ta'le yacoteguet da'me 'loyaĝa'j jo'ne ja 'naidena'a!

Hechos 16:14

'Uo jaga'me lenaĝat Lidia; nach'aga jo'ne 'lachaqa' di'me Tiatira nataq'aen yemanac ga'me ualoq jo'ne yataqata no'en 'me yemalaqalegue da'me 'loyaĝac. Janjo' yauo jo'ne 'nonaĝachigui joñe'me Dios nataq'aen jo'ne naquiaĝan ca'li, joñe'me Jaliaĝanec yataqachiñe yedaĝat ca'li qama'le naquiaĝatelegue ga'me jo'ne Pablo 'yaĝatetac.

Gálatas 5:10

Qalaĝaja ja joqoleguet da'me a'uamaqachiñe ga'me yelnataĝac, qa'a qademe'teguet ñe'me Cristo. Qom 'uo ga'me ja ami 'te yalemaĝa't, qama'le ja joqoleguet da'me Dios ya'uo ne'uaĝanaguec joga'me.

2 Pedro 3:10

Qalaĝaja ga'me nolo' qom 'niyelaĝaquena ñe'me Jaliaĝanec, qama'le nejeteteuo ena'am ga'me cachaĝaic. Ua'a qama'le di'me piyem male 'uo da'me 'loĝoyaĝac let'adaic da'me iyiñe, qama'le 'uo ga'me dole jo'ne yaviyaĝa't yema jogaa'me neteda'ague di'me piyem. Yem qama'le jena'me aleua choqogaa'me jo'ne uetedalegue da'me male tadoue da'me laloqotenaĝanaĝac ñe'me Dios.

2 Corintios 9:4

Ta'le uo'oe gaa'me Macedonia laje' jayem quetegue qama'te maliaĝa ja aviyamaĝacheta't jaga'me adajaqaje, qama'le degueja da'me 'yaloĝo, ja jetaque ñenaĝategue ga'me mach'e auanomiguet ta'le, qama'le ¡jach'e jogamaĝa p'ayapegue da'me ami qauepeteque!

2 Corintios 2:3

Qo'che' ami jedenaqatenalo ga'me yediijec, naq'aeta ga'me ja'uo ca'li, qa'a ja jetaque ami jec'atalo qaedi ja jayem 'te a'vichiyigue da'me jayem totelegue, jo'ne naqa'ami chiyaqayilo da'me yamaic. Yataqachiñe jayateta queda'me ami ena'am adoĝochi da'me mach'e yamaic,

2 Corintios 1:15

Jep'iyaqa da'me dojo', jayem joote jenatetapega da'me ami jec'atalo qaedi ami jauanalo, qama'le naq'aeta da'me ami jichoĝodeneque da'me dos ami jejapichiyalo.

Filipenses 2:12

Ami yaqaya'olqa, ca'li maliaĝa ami jouetauelo, yataqata jayem auoqochiiya nale 'uo ga'me ami jamaĝalo'te. Qama'le nayi da'me jayem qaya'a, jetaque nach'e ena'am auauoyi nale ga'me ami jamaĝalo'te. Chane'eja nach'e eta't a'nañaĝachi da'me a'nonaĝachiyegui joñe'me Dios qaedi yataqata ami 'noote', qaya'te auoviñetaque.

Filipenses 2:16

Ena'te aĝañiñi da'me a'uaĝachetac da'me dojo' 'naqataĝanaĝac, nach'eda jo'ne chiyaqayi da'me 'noyaĝac 'me ja 'naidena'a. Qom oquitague jena'me jenjo' qama'le nach'e eta't jayem aueñi matac, qama'le ga'me nolo' qom yitaĝa 'niyelaq joñe'me Cristo, male jayaten da'me 'yonataĝanaĝac nataq'aen jo'me 'yañaĝac ja ch'e yijamaĝajaye dite da'me yataqata 'uo da'me chiyaqayi.