Filipenses 1:5 - Nuevo Testamento Toba Sombrero Negro

⁵ qa'a jouaĝat ca'li jayem alecochiiya qaedi ja'aĝatetac jena'me jenjo' nec'alaĝa ladic, ca'li yemta chayovida'a nayi.

Nuevo Testamento Toba Sur

⁵ Cha'ayi qami' nataq'en qanhuañiÿau'a da qau'axachi da no'on qad'axaÿaxac, chigoqchiguiña so na'a'q co'ollaq chita'ague da qauacoñiiguet, chochi ivitta'a nagui.

La'aqtaqa Ñim Lo'onatac 'Enauacna 2013

⁵ Cha'aye qami' nataqa'en qanhuañiỹaua'a da qaua'axache da no'on na'axaỹaxac, chegoqchiguiña so na'a'q co'ollaq cheta'ague da qauacoñiiguet, choche ivitta'a nagui.

Filipenses 1:5 Referans Kwoze

Hebreos 3:14

Qa'a da'me qo'mi, male qo'mi lequiaĝa'u ñe'me Cristo, qom nach'e eta't 'ñañaĝataĝac da'me qadepe'e jo'ne 'uaechiñe 'me qo'mi uetauelo.

Filemón 1:17

Chane'eja, qom auen jayem adepi'iyaĝaua, qama'le auaconeguet jo' qomle ñe'me Onésimo, aualoqochichigui da'me ena'am ta'le naqayem.

Filipenses 1:7

Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.

1 Juan 1:3

Qama'le naq'aeta da'me ami jechoĝotaqatapema da'me jo'ne joote jauanaĝa nataq'aen jomachaĝa, qaedi qo'mi ademii'tegueta, nach'e naq'aeta da'me qadema'aguet joñe'me Dios jo'ne Qadet'a nataq'aen ñe'me Lec'oĝot Jesucristo.

Efesios 3:6

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

2 Corintios 8:1

Ami yaqaya'olqa, jetaque ami ja'aĝatema da'me loqopich'i ñe'me Dios jo'ne uetauelo gaa'me p'etaqadaiqui di'me aleua jo'ne Macedonia.

Romanos 15:26

Qa'a joga'me Macedonia laje'pi nataq'aen joga'me 'lachaqa't di'me Acaya onaĝaic da'me yauote da'me yemata'a't jaga'me lajaqaje' qaedi yamaĝalo jogaa'me qadaqaya'olqa jo'ne choĝodache 'me neda'ña di'me Jerusalén.

1 Juan 1:7

Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.

2 Pedro 1:1

Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

Filipenses 2:12

Ami yaqaya'olqa, ca'li maliaĝa ami jouetauelo, yataqata jayem auoqochiiya nale 'uo ga'me ami jamaĝalo'te. Qama'le nayi da'me jayem qaya'a, jetaque nach'e ena'am auauoyi nale ga'me ami jamaĝalo'te. Chane'eja nach'e eta't a'nañaĝachi da'me a'nonaĝachiyegui joñe'me Dios qaedi yataqata ami 'noote', qaya'te auoviñetaque.

1 Corintios 1:9

Dios nach'e eta't en yepaquetelegue ga'me jo'ne joote 'yaĝatetac, nataq'aen nach'eñe joñe'me joote ami yiyaĝanalo ca'li qaedi ademii'teguet ñe'me C'oĝot Jesucristo, mach'e Qadejaliaĝanec.

Romanos 11:17

Jaga'me epaq jo'ne olivo, nach'ena 'me yelo'tegueta jena'me judiopi, tayapiye uo'oe gaa'me qoyichaĝadegue gaa'me lepeel, qama'le ga'me chiyaqa'ña qoyejechi'ñeguet jaga'me olivo 'me viaĝaje, jo'ne mach'e am. Naq'aeta da'me maqachaĝa anetauana'uo ga'me onolec pata', nataq'aen nach'eda da'me 'loyaĝac jaga'me olivo.

Hechos 2:42

Nataq'aen yataqachiñe 'nañaĝatela'ajalo ca'li da'me yiyamaĝa't da'me lapaĝaguenataĝanaĝa'j jogaa'me Jesús lamaĝa's nataq'aen en lecochaĝanaĝa't ga'me yauata; nataq'aen yema'a't nale yauo'oe gaa'me netamenaĝaco, nataq'aen necolaĝachidiye ga'me pan.

Romanos 12:13

Gaa'me louenaĝanaĝaco gaa'me Dios lec'oqo'tepi 'me ja 'nalo'te, 'noota qom anaviquila't; a'nonaĝachiyeguilo gaa'me jo'ne ami dejapichiyalo.

Filipenses 1:12

Ami yaqaya'olqa, 'noota qom auayachiñe joda'me jayem qo'eetec quelqaya, qa'a jenjo' ma'ejama'le jayem lecochiya da'me ja'aĝatetac jena'me jenjo' 'noota ladic.

Filipenses 1:16

qama'le 'yaĝatetedac jena'me jenjo' 'noota qa'a 'uo da'me lepagaĝac da'me jayem noqopideta, nataq'aen yayate'n joñe'me Dios nach'eñe jayem yanem jena'me jenjo' 'yonatac qaedi je'uolegue jena'me jenjo' qadepe'e ladic.

Filipenses 1:27

Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.

Filipenses 2:22

Qalaĝaja da'me ami joote auayachiñe joda'me 'loyaĝac joñe'me Timoteo, yataqata 'noota joñe'me, ena'am ta'le yalec, qama'le yataqata jayem lecochiya ca'li qadalo'ta't da'me ja'aĝataqatac da'me Dios 'laqataĝanaĝac.

Filipenses 4:3

Qama'le da'me am jo'ne eja yataqata am yecochaĝaua jena'me jenjo' qat'onatac, nataq'aen am ñachoĝodenot qaedi alecochiyalo naajo' yauo' jo'ne 'yonataĝanaĝa'u ca'li japaĝaguenataĝatapec da'me Dios 'laqataĝanaĝac, qama'le ueteda'ajop ñe'me Clemente nataq'aen yemeda jogaa'me yecochaĝa'u laqaya' joca'li. Yema naa'me naajo', joote qoyedidiñe gaa'me lenaqa'te jaga'me nede jo'ne uedalegue yema jogaa'me lenaqa'te jogaa'me Dios lec'oqo'tepi, nach'egaua jo'ne 'uo da'me 'loyaĝa'j dalaĝaic.