Filipenses 1:23 - Nuevo Testamento Toba Sombrero Negro

²³ Nale jenate'ta jena'me jenjo', yataqata 'uo joda'me jen laqalaic joga'me jetaque ja'uo, qa'a qom ua'ña da'me jeleu, male jajoya'aguet joñe'me Qadejaliaĝanec Jesucristo, jo'ne nach'ena yataqata jepaquetapega.

Nuevo Testamento Toba Sur

²³ Ÿataqta huo'o da lqalaic ñaq'en cam ÿoqta llica'ateu'a naamayi. Cha'ayi da lÿa iuennataxa 'eeta': Aÿim ñishitaique da seleu, yaqto' nachi 'eetai' da soota'aguet so Cristo. Cha'ayi damayi ÿataqta ÿacteec da 'onaxaic ñaqshin.

La'aqtaqa Ñim Lo'onatac 'Enauacna 2013

²³ Ỹataqta huo'o da lqalaic ñaqa'en cam ỹoqta lleca'ateua'alo ne'enaua dos. Cha'aye huo'o da lỹa iuennataxa maye 'eeta': Aỹem ñeshetaique da seleu yaqto' ñeqo'ona So Cristo. Cha'aye damaye ỹataqta ỹactec da 'onaxaic ñaqa'en.

Filipenses 1:23 Referans Kwoze

2 Corintios 5:8

Ja lichiguilo naa'me qadai'li, mate mane'e jepagaqa'tapega ta'le qolaqa'e da'me qanejiyaĝauayaĝac qaedi jec'otaĝa ñe'me Jaliaĝanec qama'le nale'en jouaqa'tajop.

Apocalipsis 14:13

Qama'le jomachiya ga'me nejamaĝa jo'ne chiyaqaje'ma di'me piyem jo'ne eetac: “Auediñe da'me yataqata made'tape jogaa'me yele'u jo'ne chiyoqo'tegue nayi male yele'tedot joñe'me Qadejaliaĝanec.” Qama'le 'yateguet joñe'me Dios Lepaqal, enaac: “Naq'aeta da'me dojo', qa'a male 'nomatedegue, joote yem da'me lachoĝode'j, qama'le nach'e eta't di'yo't da'me 'lonataqa jogaa'me.”

Hechos 7:59

Mate mane'e da'me qoyajaĝaque ga'me qadipi, Esteban enaac ca'li netamen: “Jaliaĝanec Jesús, ¡auaconeguet jena'me yepaqal!”

Lucas 23:43

Jesús 'yateguet: —Eja da'me am ja'aĝatem queda'me nayi jenjo' nolo' jayem oue'tajop queda'me nayi jayem qoyaconeguet da'me daja' 'lachaqa' da'me namaic.

2 Timoteo 4:6

Qa'a da'me jayem male nadi'ta da'me laloqo' da'me naliñi jana'me yetauo' da'me jayem qoyalat, male joote jelo'ta da'me jeca'e jena'me aleua.

Juan 17:24

“Am Taĝadena', naa'me naajo' jo'ne jayem auanema, da'me jayem jetaque nach'e ena'ama jayem ueteda'ajop, ga'me jo'ne jona'ña qomle, qaedi yauata da'me 'yonaĝac, nach'eda jo'ne am chiyaqayi, jouaĝat da'me jalchi'ena jayem adoqopita ca'li cha'li jona'li 'uo jena'me aleua.

Juan 12:26

Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

1 Ts 4:17

Qom yem jena'me jenjo' jo' qomle, qama'le jogaa'me maliaĝa nec'aletedaye, qom p'iida'a joñe'me Jaliaĝanec, male naqaegaua nataq'aen qoyachi'y quetegue joñe'me, qama'le nach'e ena'am qadalote'ta jo' qomle jogaa'me, jaĝauelo jogaa'me piyem loje', qama'le male jauanaĝa joñe'me Qadejaliaĝanec, jouaqataue ga'me ch'e layat, qo'mi p'adijeguem qama'le nale'en jouaqa'tajop joñe'me Qadejaliaĝanec.

Juan 14:3

Chane'eja qom yem da'me jec nataq'aen da'me jiyamaĝateta't gaa'me at'achaqachidi', qama'le yitaĝa 'ñiyelaq qaedi male ami yequiaĝa'u, qaedi ami nach'e eta't da'me oñiya'ña di'me jo'ne 'nachaqa' di'me jo'ne nach'edi 'nachaqa' jo'ne joneta'ña.

Lucas 12:50

Jaue qomle da'me ñapiyenaguec jo'ne 'uo da'me lichic, nataq'aen ¡degueja da'me yachoĝodec chayovida'a qom yepacalegue da'me dojo'!

1 Ts 2:13

Chane'eja da'me qo'mi, nach'e eta't da'me janemaĝam da'me qadamaic joñe'me Dios, yajouaĝat da'me auomachiiya ca'li ga'me qadapaĝaguenataĝanaĝac, jo'ne mach'e 'laqataqa ñe'me Dios, qama'le yataqata auacoñiyeguet ga'me, ja aueñetapega ta'le ch'e jiyaĝaua 'laqatac. Qa'a eja yataqata Dios mach'e 'laqataqa, qama'le yataqata eja 'uo joga'me ami chiyaqayilo, da'me ami jo'ne male yataqata eja auep'iiya'a.

Juan 13:1

Ca'li jona'li yovita ga'me neualaĝayaĝaiqui jo'ne Pascua, qama'le Jesús joote yayaten da'me yovida'a ga'me laloqo' da'me male ca'e jena'me aleua qaedi yec'ata ñe'me Let'a qama'le yitaĝa na'ajop. Joote yaloĝonalo da'me loqopich'i jogaa'me lapaĝaguenataqa jo'ne neteda'ña jena'me aleua, qama'le naq'aeta da'me noqopitalo jogaa'me chayovida'a qom yovita da'me loiquiaqa'.

Lucas 8:38

Qalaĝaja ñe'me jiyaĝaua jo'ne qoyachiyoĝotauelo gaa'me payagodipi nachoĝodenot joñe'me Jesús qaedi yajeta da'me equegue joñe'me, qalaĝaja Jesús yamaĝalegue da'me ue'tedi, nataq'aen enaac:

1 Ts 2:1

Ami qadaqaya', yataqata auayachiñe joga'me qadeuoĝoc ja ch'e yijamaĝajaye da'me ami jec'ataĝalo.

2 Corintios 6:12

Qo'mi jalcote ami qadoqopitalo, qalaĝaja ami ja aualoqoichichigui da'me a'viyelaĝachiyeguet qaedi qo'mi auañema da'me adoqopich'i.

Filipenses 1:24

Qalaĝaja jayaten da'me auepaquitapega da'me nach'e eta't jayem 'uo, qa'a jayem auoviñetaque nale.