Filipenses 1:17 - Nuevo Testamento Toba Sombrero Negro

¹⁷ Qalaĝaja gaa'me jo'ne ja jayem 'te 'yamaqate'n, da'me lapaĝaguenataĝanaĝa'j ja yataqatelo'te, yauote jena'me jenjo' qa'a ch'e 'yoĝodenaĝayaqa nataq'aen jetaque yañodelegue joga'me qoyen yaviyaĝajet da'me jonetaue jana'me janjo' coñetaĝanaĝaiqui.

Nuevo Testamento Toba Sur

¹⁷ Qalaxayi nam laÿipi ÿataqta quetaigui da lauotaxanaqtaic, cha'ayi namayipi ÿaÿaten da aÿim soota'a ne'ena, da yaqto' setaqlec da n'aqtac mayi chigaqaigui da nca'alaxa.

La'aqtaqa Ñim Lo'onatac 'Enauacna 2013

¹⁷ Qaq ne'ena maye aỹem nquiỹatega, namayepi saishet da huesota; ỹo'ottac damaye cha'aye choche lqopitaxanaqtaic, qataq nacherata da huotaique da nquigaxatec da ñeque'eenaxac da sootaigui ana ncoñetaxanaxaqui.

Filipenses 1:17 Referans Kwoze

Filipenses 2:3

Ena'te ani'yoĝodeñila't uotaĝa ch'e aueloiquiitapega't, dite da'me onolqa'tape da'me ami 'noota qom joĝodaic na'me lauel, qaedi nach'e eta't eetapegalo gaa'me laqaya' ta'le yataqata p'ajodaye.

Filipenses 1:7

Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.

2 Timoteo 4:16

Jo'me nolo' ca'li yemta te'me 'ñañaĝatela't da'me jajoya'agueta jogaa'me jaliaĝanaqa, yataqata qaya'te yequiaĝaua ta'le maqachaĝa jayem yotauan, yema jayem ca'e; qalaĝaja jepaquetapega qaedi Dios yichoĝode'n naa'me.

1 Timoteo 2:7

Nach'ena jenjo' qoyen ja'aĝatetac uotaĝa jayem aqataĝanaĝaic naa'me naajo' 'naqataqa, qama'le jayem yamaĝalo joga'me ja judiopi qaedi japaĝaguetapeque gaa'me ejoda jo'ne 'laqataĝanaĝaco joñe'me Jesús. Jenjo' jo'ne ja'aĝatetac yataqata eja, ja joqovinaĝatac.

Hechos 26:24

Ca'li nenaĝatedegue naa'me naajo' ñe'me Pablo da'me yedo'ogueta gaa'me naviyaqatagueco, Festo niyaĝajeguem: —¡Am jalaĝaic, Pablo! Yajouaĝat da'me am yapaelegue da'me anapaĝaguela't qama'le am jalaĝaic.

Hechos 26:1

Chane'eja Agripa enaac da'me male dajoya'aguet ñe'me Pablo: —Am cha'li aua'uo ga'me at'aqatac. Pablo nodijeguem ga'me louaq qama'le doje, enaac:

Hechos 22:1

“Ami yaqaya'olqa, nataq'aen ami net'alpi, anaquiaĝañiya da'me ami ja'aĝatema jo'ne ami jedo'ogueta.”

Lucas 21:14

Qalaĝaja, auacoñiyeguet da'me ja diyachitapiyelo naa'me adai'lidi' da'me jach'e jogamaĝa anenaĝachiyegue qomle a'uaĝachi,

Romanos 2:8

Qalaĝaja yedolo'te da'me lalemataic ñe'me Dios da'me ya'uo ne'uaĝanague'j joga'me qoleguetaĝanaĝaiquipi nataq'aen gaa'me ja yoqochideta da'me yataqatelegue dite da'me yauote da'me ja no'en.

Filipenses 1:18

Qalaĝaja naajo' ja jayem 'te yeloiquiaĝa'n, qa'a nach'e ena'am 'yaĝatetedac joñe'me Jesucristo, te'me ja yataqatelo'te qalaĝaja yataqata en jayem matac naa'me naajo', chayovida'a gaa'me noloqo'ote jo'ne na'te',

2 Timoteo 2:9

Nach'ena jena'me jenjo' 'naqataĝanaĝac jayem qoyajouaĝatec, qama'le jayem qoyecoñedetac, qoyene'tem ta'le jayem etaĝaloĝoic. Qalaĝaja gaa'me 'laqataqa ñe'me Dios ja qoyaqanatet ta'le qoyecoñe't,