Filipenses 1:10 - Nuevo Testamento Toba Sombrero Negro

¹⁰ qaedi auayachiñe joga'me a'vichi nale, qaedi qom yitaĝa 'niyelaq joñe'me Cristo, male yataqata qaya'te adoequi, nataq'aen da'me yataqata ami ja 'nalo'te.

Nuevo Testamento Toba Sur

¹⁰ yaqto' ishit da qauaÿajñi da qalca'aiua'a ca ÿataqta ÿaÿamaqchiguiñi. Qataq yaqto' ishit da qui'itta da qanachaalataxaqui, qataq sa ishit da huo'o ca qami' qaÿasaxalguete qadasouaxashichi qom ivita da ñi'iguelaq so Cristo.

La'aqtaqa Ñim Lo'onatac 'Enauacna 2013

¹⁰ yaqto' ishet da qauaỹaañi da qalca'aiua'a ca ỹataqta no'on. Yaqto' da ivita da ñe'eguelaq So Jesucristo, nache qaica ca qarasouaxashechi, qataq qaica ca qami' ỹasaxaleguete ca qarasouaxashechi.

Filipenses 1:10 Referans Kwoze

Romanos 12:2

Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.

1 Ts 3:13

Nataq'aen yataqata 'yañaĝachilo jonaa'me adai'lidi', qaedi yataqata ami uauelo joga'me ja 'nalegue, nataq'aen da'me yataqata ami ejoda yataqata qaya'te adoecodi' da'me ami nelotapi'ñalo joñe'me ja 'nalegue mach'e Qadet'a Dios, qom male 'niyelaq joñe'me Qadejaliaĝanec mach'e Jesús qama'le naequetedapegue' yema joga'me Dios lec'oqo'tepi jo'ne ja 'nalo'te. Jaja'a, nach'e naq'aeta da'me dojo'.

1 Ts 5:23

'Noota qom Dios male naqaeñe jo'ne chiyoqo'ot da'me 'nemaĝac, male yataqata ami 'yeteque da'me male jalcote da'me ja ami 'te 'nalo'te, nataq'aen yataqata netela yema da'me at'oyaĝaqui, uotaĝa na'me adepaqali jo'ne ami uetauelo, nataq'aen netela na'me adai'lidi', choqona'me adapa'chidi', qaedi male yataqata qaya'te ami netayelo jo'ne ja no'en, chayovida'a qom male 'niyelaq joñe'me Qadejaliaĝanec mach'e Jesucristo.

Romanos 2:18

Auateton da'me loequenataĝanaĝac ñe'me Dios nataq'aen daa'me namaĝajoĝonaĝacpi am qoyapaĝaguenec da'me oquegue ga'me 'noota.

Efesios 5:10

Qama'le 'noota qom anapaĝagueñiyalo gaa'me yataqata yiyamaĝade'n joñe'me Qadejaliaĝanec qama'le auauoyi nale.

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

Filipenses 1:6

Yataqata 'noota da'me 'lonataĝanaĝac joñe'me Dios jo'ne ami uauelo ca'li yemta, qama'le naajo' noloqo'ote male en nichiquetedaye da'me auep'iiya'a joñe'me, chayovida'a ga'me nolo' qom yitaĝa 'niyelaq joñe'me Jesucristo.

1 Ts 5:21

'Noota qom auapiyeñi ena'uac, qaedi male auacoñiya joga'me yataqata 'noota ladic.

1 Corintios 1:8

Nach'eñe ami 'yañaqate't chayovida'a ga'me p'ategue nolo', qaedi qaya'te ja no'en adejamaĝataĝaqui qom yovita ga'me nolo' da'me 'niyelaq joñe'me.

Apocalipsis 2:2

Joote jayaten yema da'me auauoyi, nataq'aen jayaten da'me 'uo da'me laqalaic da'me jo'ne at'onataĝanaĝaqui, choqoda'me nach'e eta't da'me ja aĝañiñi, nach'e ena'am jayaten da'me ja auaqanachichi ta'le anapogaĝadeñiyegueta jogaa'me jiyaĝa'u jo'ne ja 'noe'n, qama'le nach'e ena'am jayaten da'me analoqochiñe nale jogaa'me jo'ne eetapela'ajalo Dios lamaĝa's qalaĝaja ja naqaegaua, qama'le auanomiya'a da'me nach'egaua jo'ne pecayaqa.

Efesios 5:27

qaedi jonaqa'tajop joñe'me da'me 'uo da'me qat'onaĝac, male qo'mi onaĝayaqa nataq'aen yoqovite' nataq'aen 'noote'; yataqata ja qo'mi 'te 'nalo'te, qaya'te qanaviyaqataguec.

Juan 1:47

Mane'e da'me yauana ñe'me Jesús da'me nec'ata ñe'me Natanael qama'le eetac: —Jenjo' jo'ne naequena yataqachiñe yataqatelegue Israel le'ec, nach'ena jo'ne qaya'te loqovinaĝanaĝac.

Mateo 16:23

Jesús 'viyelaq ca'li qama'le enapega ñe'me Pedro: —¡Jayem oca'e, Satanás, qa'a ena'am ta'le am japoguelaĝatapecot! Qa'a ja auenate'talo gaa'me uo'oe 'me loqo'te ñe'me Dios, dite gaa'me ch'e lelnataĝaco ga'me jiyaĝaua.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

Romanos 12:9

'Noota qom qaya'te lale'gue da'me onolqa'tape anoqopichiyapega't. A'uoitapeguet joda'me ja no'en nataq'aen anaviquila't joda'me 'noota.

Romanos 8:7

Jogaa'me jo'ne uenatetedapega da'me ch'e nejiyaĝauayaĝa'j nach'egaua nauteta ñe'me Dios qa'a ja jetaque 'yamaqate'n nataq'aen ja jetaque uetedo'ot da'me lamaĝajoĝonaĝac.

Mateo 26:33

Pedro 'yateguet: —Mate mane'e ena'uaque ja netouetec da'me am p'iida'a, jayem qamqa'me ja am 'te jeca'e.

Filipenses 1:16

qama'le 'yaĝatetedac jena'me jenjo' 'noota qa'a 'uo da'me lepagaĝac da'me jayem noqopideta, nataq'aen yayate'n joñe'me Dios nach'eñe jayem yanem jena'me jenjo' 'yonatac qaedi je'uolegue jena'me jenjo' qadepe'e ladic.

Efesios 6:24

'Noota qom joñe'me Dios yataqata yichoĝode'n onolqa'tape naa'me jo'ne yataqata ja yaĝadiñi da'me noqopideta joñe'me Qadejaliaĝanec Jesucristo, nach'e eta't ja pal.

Efesios 4:15

Chane'eja 'noota ta'le da'me qadoqopich'i nach'ena qo'mi yaloĝo'talo qaedi nach'e eta't ja'aĝataĝatac da'me eja, chayovida'a da'me nach'e eta't ñaqaloĝodaqataje'ma joñe'me Cristo, jo'ne nach'eñe qo'mi nejaliaĝatelo'te yemeda naa'me noloqo'ote.

Gálatas 5:11

Ami yaqaya'olqa, ta'le japaĝaguenataĝatapec da'me auoviñetaque da'me auacoñiyeguet da'me nichaĝajoĝonaĝac, qama'le gaa'me yaute'upi male ja jayem 'te yecaatedac nataq'aen da'me yapaĝaguenataĝanaĝac jo'ne 'yaĝatetac da'me leleuaĝa ñe'me Cristo male ja yalemataĝanaĝa'n jogaa'me.

2 Corintios 8:8

Ja naqaeda ta'le ami janema ga'me yamaĝajoĝonaĝac. Jaldata da'me jetaque auayachiñe da'me eeta da'me yauote lajaqaje' jogaa'me qadaqaya'olqa jo'ne p'etaqadaiquipi, qaedi ami auaqanachichi ta'le aualoĝoñi da'me adoqopich'ii jo'ne qaya'te lale'gue.

2 Corintios 6:3

'Noota qom qaya'te eetapela't 'yotan da'me qat'onatac. Qo'che' 'ñañaĝataq qaedi ja jaloĝonaq gamachaqaega ja no'en ga'me qo'mi qoyec'ateneque.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

1 Corintios 10:32

Ena'te auauoyi gamachaqaega jo'ne chiyaqayi ta'le dalemata'tape jogaa'me adaqayadi', ga'me judiopi uotaĝa ga'me griegopi, uotaĝa gaa'me mach'e adaqayadi' jo'ne adepi'iyaĝa'udi',

1 Corintios 8:13

Chane'eja, qom ga'me jalic chiyaqayi da'me ya'uo loec ga'me yaqaya, qama'le 'noota da'me ja yitaĝa jalic ga'me lapat, qaedi ja yitaĝa chiyaqajeguem ga'me yaqaya.

Romanos 16:17

Ami ñachoĝodenoto, ami yaqaya'olqa, qaedi aueloi'tegueta jogaa'me jo'ne chiyaqayilo da'me nelagaĝac choqogaa'me naqalaico nataq'aen nauteta da'me napaĝaguenataĝanaĝac jo'ne ami auacoñiyeguet ca'li. 'Noota qom oquiya'ae jogaa'me,

Romanos 7:22

Jena'me yauelyaĝac 'yamaqate'n gaa'me lamaĝajoĝonaĝaco ñe'me Dios.

Romanos 7:16

Qalaĝaja ga'me je'et jo'ne nach'ega ja jetaque ja'uo, jatetoneguet joga'me queda'me yataqachiñe 'noota ga'me namaĝajoĝonaĝac.

Hechos 24:16

Qama'le jouaĝat da'me dojo' nach'e eta't 'ñañaĝat qaedi yoqovita jena'me yeuel qama'le ja jepocoĝoguet ñe'me Dios nataq'aen gaa'me jiyaĝa'u.

Juan 3:20

Chane'eja ena'uaque jogaa'me jo'ne yauote da'me ja no'en 'uo da'me louelaqataĝanaĝac ñe'me necoyadaĝanaĝat, nataq'aen da'me ja nec'adeta joñe'me qaedi ja qoyecoyadelegue da'me 'yetedac jo'ne ja no'en.

Filipenses 2:16

Ena'te aĝañiñi da'me a'uaĝachetac da'me dojo' 'naqataĝanaĝac, nach'eda jo'ne chiyaqayi da'me 'noyaĝac 'me ja 'naidena'a. Qom oquitague jena'me jenjo' qama'le nach'e eta't jayem aueñi matac, qama'le ga'me nolo' qom yitaĝa 'niyelaq joñe'me Cristo, male jayaten da'me 'yonataĝanaĝac nataq'aen jo'me 'yañaĝac ja ch'e yijamaĝajaye dite da'me yataqata 'uo da'me chiyaqayi.