Filemón 1:13 - Nuevo Testamento Toba Sombrero Negro

¹³ Taama'le ñaviiñi queda'me jetaque cada'ac jayem ue'tajop, qaedi ena'am da'me am nemeneguet qaedi jayem lecochiya da'me cha'li jonetaue jana'me coñetaĝanaĝaiqui, qa'a jouaĝat da'me onaĝaic 'naqataĝanaĝac jo'ne ja'aĝatetac.

Nuevo Testamento Toba Sur

¹³ Qaq aÿim ishíttaxa da ñillañi namayi, da yaqto' aÿim neto'ot, da yaqto' 'anmenguet da namayi aÿim do'onataxanot nagui da ñaq aÿim qaicoñittai' souaxat da n'aqtac.

La'aqtaqa Ñim Lo'onatac 'Enauacna 2013

¹³ Qaq aỹem ishettaxa da ñellañi namaye, da yaqto' aỹem itauan da 'anmeneguet, nagui da ñaq aỹem qaicoñettai' souaxat da no'on na'axaỹaxac maye sa'axattac.

Filemón 1:13 Referans Kwoze

Filipenses 1:7

Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.

Efesios 3:1

Jayem Pablo jo'ne jayem necoñetaejec jouaĝat da'me je'etetac da'me Jesucristo en 'yonatac da'me en jayem anapaĝaguenoqo't, da'me ami jo'ne ja ami 'te judiopi.

1 Corintios 16:17

Eja jayem matac queda'me novita jena'me jenjo' ñe'me Estéfanas nataq'aen Fortunato choqoñe'me Acaico, qa'a da'me ami ja ovi'tena,

Filemón 1:1

Jayem Pablo, jo'ne necoñetaejec qa'a yajouaĝat da'me japaĝaguenataĝanec da'me dalaĝaic 'naqataĝanaĝac jo'ne onaĝaic 'me chiyaqayi joñe'me Cristo Jesús. Jayem nataq'aen ñe'me qadaqaya Timoteo ja'uo jenjo' yediijec qaedi am jedenaqatena, am qadaqaya Filemón, jo'ne mach'e am qat'onataĝanaĝaua jo'ne am jauotaĝac,

Filipenses 2:30

qa'a ñejo' yamta'le yeleu da'me t'onataĝatape'uo joñe'me Cristo, yataqata yanegue joda'me nejiyaĝauayaĝac qaedi jayem lecochaĝaneguet, da'me jo'ne ja auaqanachichi ta'le auauoyi da'me ami, yajouaĝat da'me ami qaya'alo.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

Filemón 1:10

Qama'le nayi am jiyaĝanot qaedi avichoĝoden jo' qomle ñe'me Onésimo: avichoĝoden joñe'me qa'a mach'e yomataĝanaĝat, qama'le ena'am ga'me yataqachiñe yaleeja da'me jonetaue jana'me janjo' coñetaĝanaĝaiqui.

Filemón 1:12

Nayi am ji'iyelaĝatot, aue'tem jo' qomle da'me ena'am ta'le naqayem.