Efesios 6:8 - Nuevo Testamento Toba Sombrero Negro

⁸ Qa'a joote auayachiñe queda'me yema gaa'me lalemaĝaje'te jo'ne yataqata yiyamaĝatetedac ga'me 'lonata'j, ñe'me Qadet'a ya'uo qomle da'me nejetenague'j.

Nuevo Testamento Toba Sur

⁸ Cha'ayi qami' mashi qauaÿajñi da so qadataxala' ishiiten qome ñi 'oonolec cam ÿaÿamaqchiguiñi l'onataxanaxac, nai'ctaxa ca nlatac, huo'otaq cam sa nlatac.

La'aqtaqa Ñim Lo'onatac 'Enauacna 2013

⁸ Cha'aye qauaỹachiñiita da ỹoqta 'eesa da So Qarataxala' isheeten da qoñiita, souaxat nam ỹaỹamaqchiguiñipi maye qauo'oche, saishet da ỹectega da qami' nlataqa huo'otaq da qami' huesochiyiñi.

Efesios 6:8 Referans Kwoze

Colosenses 3:24

Qa'a joote auayachiñe da'me 'uo qomle ga'me anejetenaguequi, qa'a ñe'me Jaliaĝanec ami yanema qomle ga'me adajo'vii. Da'me ami yataqachiñe a'uonataĝañi'uo joñe'me Cristo, jo'ne yataqatelegue Adejaliaĝanequi.

Lucas 14:14

Qama'le qomle yataqachiñe 'uo da'me adamaic, qa'a mate mane'e jogaa'me ja yaqanate't ta'le am yejete'n, qalaĝaja 'uo qomle da'me anejetenaguec ga'me nolo' qomle 'niyelaĝadijeguem dia'me yataqatelo'te.

Colosenses 3:11

Male qaya'te lajo'viyaĝac da'me am griego uotaĝa am judío, uotaĝa ta'le 'uo ga'me nichaĝajoĝonaĝac uotaĝa ta'le qaya, uotaĝa ta'le am yaqa'a le'ec uotaĝa viaĝa le'ec, uotaĝa ta'le am nelatac uotaĝa ja am 'te nelatac. Nach'eñeta ñe'me Cristo jo'ne yemata'a't yema nataq'aen ena'uaque uetauelo.

2 Corintios 5:10

Qa'a ena'uaque qo'mi jajoyaqa'aguet qomle ñe'me Cristo, jo'ne nach'eñe qanec'atenoqo't. Nach'eñe nimitapiye qomle gaa'me qat'onataqa, qama'le qo'mi yanema ga'me qanejetenaguec qom qadalo'taguet, uotaĝa qo'mi yanema ga'me qane'uaĝanaguec.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Mateo 6:4

Ja auen 'te di'yoq da'me aua'uo. Qama'le ñe'me Adet'a, jo'ne yauana ga'me aua'uo jo'ne ja auen 'te di'yoq, ya'uo qomle ga'me anejetenaguec.

Hebreos 10:35

Chane'eja ena'te aĝañiñi qomle da'me adeuataqataĝanaĝaqui, qa'a nach'eda jo'ne ami novidaĝa'talo qomle ga'me adomataĝanaĝaqui let'adaic.

Hebreos 11:26

Qama'le en lelnataĝac da'me jetaque yaconeguet da'me lachoĝodec jo'ne ena'am da'me jo'ne yachalegue ñe'me Dios liquiyac, da'me jo'ne eetapega yaguegue joda'me lajo'viyaĝac, ja ena'am da'me namaic jo'ne leuoyaĝac di'me Egipto, qa'a joote yelotapega da'me mach'e nejetenaguec jo'ne chiyoqo'ot qomle ñe'me Dios.

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

Mateo 6:1

“Ena'te ch'e aualoĝoñiyalo gaa'me at'onataqadi' jo'ne 'noote' ga'me jiyaĝadipi, qom nach'edata da'me jetaque ami qoyauanalo. Qom naq'aeta da'me auauoyi, ñe'me Adet'ai jo'ne na'ague di'me piyem ja ami 'te yanema ga'me anejetenaguequi.

Mateo 5:12

Auacoñiyeguet da'me adamaiqui, 'noota qom ami made'tapolqa, qa'a auacoñiyeguet qomle ga'me anejetenaguequi jo'ne ua'ague di'me piyem; qa'a ca'li maliaĝa ami qayaua, qanach'e naq'aeta da'me qoyecaa'tape jodia'me Dios 'laqataĝanaĝanaqa.

Lucas 6:35

Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

1 Corintios 12:13

Qa'a joca'li qo'mi qonachilaĝa'n, nach'eñe ñe'me Dios Lepaqal qo'mi 'yeteque da'me ena'am ta'le onolec da'me qat'oyaĝac, joga'me griegopi nach'e ena'am joga'me judiopi, jogaa'me nelataqa nataq'aen jogaa'me yiyamaqachidiñe, qama'le Dios qo'mi ena'uac yecodelo'te nach'eñe ñe'me mach'e Lepaqal.

Colosenses 3:25

Qalaĝaja gaa'me jo'ne ye'tape daa'me ja 'noe'n, nach'egaua qoyejetenec qomle ga'me ja no'en jo'ne nach'ega 'yetetac, qa'a Dios qaya'te yiyota'a da'me lec'atenaĝanaĝac.

Mateo 20:7

Jogaa'me 'yadeteguet: «Qa'a qaya'te qo'mi 'yonataĝanaĝa'n.» Chane'eja enapegalo: «Jamoyi, nach'e ena'am auec'achiya di'me yanaĝanaqa' qaedi a'uonataĝañi.»