Efesios 6:11 - Nuevo Testamento Toba Sombrero Negro

¹¹ A'ueuoĝoñiyot da'me dojo' 'leuoĝonaĝa't joñe'me Dios jo'ne ami yanema, qaedi yataqata adaloi'tagueta yema gaa'me payac letaĝaloĝoco.

Nuevo Testamento Toba Sur

¹¹ Qataq qai'añiiñi qome 'enauac na npaqtaxanaxatpi mayi ÿan ñi Dios, yaqto' ishit da qanaloÿa'aguet 'enauac na latenataxanaxacpi so shiÿaxaua lma'na.

La'aqtaqa Ñim Lo'onatac 'Enauacna 2013

¹¹ Qataq qaupaqtaxañiỹa qome nam no'ogoxonaxatpi maye qami' ỹanema Ñim Lo'onatac 'Enauacna, yaqto' da qami' iloquiaxa'n so pa'aguenataxanaxaic, nache ishet da qauataiỹa'aguet.

Efesios 6:11 Referans Kwoze

2 Corintios 10:4

Ga'me qat'euoĝonaĝat jo'ne jaconaĝa ja aleua le'ec, dite da'me mach'e lañoqotaĝanaĝac ñe'me Dios jo'ne 'yañoqotet ta'le yolaĝachigui joda'me ja no'en. Qama'le naq'aeta da'me jolaĝataĝaye da'me qo'mi qoyepoleguelo'te,

Romanos 13:12

Joote qo'mi nedalo'te da'me pi'yaq, yamta'le da'me nete'. Chane'eja jaĝanaĝadiñi gaa'me 'lonataqa da'me 'lalaĝa, qama'le janaĝaiñe da'me yoqochiñe, ena'am ga'me coico le'ec yaqataĝata't nale 'uo ga'me nalada't.

1 Ts 5:8

qalaĝaja da'me qo'mi jo'ne mach'e qadoĝot joga'me nolo', 'noota ta'le nach'e eta't jauoqo joga'me yataqata 'noota jo'ne qoyiyamaĝaden, ja jadenaĝataq jogaa'me taĝayaqa. 'Noota qom janaĝadiñi da'me qadepe'e choqoda'me qadoqopich'i nach'e ena'am ta'le quejaĝanaĝai, nataq'aen 'noota qom ñaĝat'onaĝa'ña da'me qadajoĝonataĝanaĝac queda'me qo'mi qonec'alaĝatedegue, nach'e ena'am ta'le jaĝa'to jo'ne laicaua.

Efesios 6:13

Chane'eja, yataqata auañidiñe yemeda gaa'me mach'e qoye'n qat'euoĝonaqa'te, qaedi yataqata a'nañaĝachi qom male ami novitalo gaa'me noloqo'ote jo'ne yataqata ja 'noe'n, qama'le yataqata auaqanachichi ta'le ja anajeñe'tegueta gaa'me adaute'udi'.

1 Pedro 5:8

Ena'te a'uochiitac, dite da'me a'nañaĝachela't, qa'a ñe'me adauteuai jo'ne payac ena'am ga'me jauaĝaic da'me 'loĝoyaĝac qama'le nomitetaque ga'me jetaque nolaĝachiñe.

2 Corintios 2:11

qaedi ja yepitaqatenac ga'me qo'mi 'yeteque ñe'me Satanás, qa'a joote yataqachiñe jatetona' naa'me ja 'noe'n lelnataĝaco.

Efesios 4:14

Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.

Colosenses 3:10

Nataq'aen joote auaiñiñe da'me dalaĝaic at'oyaĝaqui 'me nichiquetajeguem, chayovida'a da'me ena'am da'me 'loyaĝac ñe'me Dios, nach'eñe jo'ne A'netoqo'chi, qaedi yataqachiñe nedo'ta't da'me auatetoñi.

Romanos 13:14

Ena'te jelaqaque joga'me neloiquiaĝac, dite da'me janaĝaiñe da'me Jaliaĝanec Jesús nataq'aen ena'te ñetaqaque gaa'me aleua lamaico.

2 Corintios 11:3

Qalaĝaja jo'oyapega ta'le aueñiya'am jadi'me Eva ca'li ñe'me nanaic yoqovin, 'me ja naqala'te' da'me loqovinaĝanaĝac. Nach'e ena'am da'me ami qom yovida'a da'me ami qoyoqovi'n, qama'le uotaĝa aĝañiñi da'me ami nedo'ta't nataq'aen yataqatelo'te da'me oquiyegue ñe'me Cristo.

2 Corintios 6:7

Queda'me 'uo da'me qadañoqotaĝanaĝac 'me qo'mi yanema ñe'me Dios, male ja'aĝataqatac joda'me 'naqataĝanaĝac jo'ne yataqatelegue. Nale uo'oe ga'me qadaqalaico qama'le jajoyaqa'agueta, qama'le ena'am ta'le je'euoĝonaqatapecot da'me qat'oyaĝac 'me yataqatelegue queda'me je'etaqatac nataq'aen nach'e eta't ñenaĝataĝaye ga'me jo'ne chimaqachiñe.

Apocalipsis 2:24

Qama'le da'me ami Tiatira laje' jo'ne ja oqui'tegue da'me dojo' napaĝaguenataĝanaĝac jo'ne ja eja, qama'le ja auovidiya'a da'me auayachiñe da'me jo'ne qoyetapega joga'me ja di'yoq jo'ne chiyaqayi joñe'me payac Satanás, ami ja'aĝatema da'me qaya'te 'uo ga'me ami jachalo'te nayi,

Efesios 4:24

nataq'aen yataqata auacoñiyeguet da'me at'oyaĝaqui dalaĝaic jo'ne 'lonatac joñe'me Dios, qaedi male di'yoq da'me ami yataqatelo'te nataq'aen ami ja 'nalo'te.

Hebreos 7:25

Qo'che' yataqata yaqanatet ta'le nach'e eta't da'me nec'alaĝatedegue joga'me jiyaĝadipi, jogaa'me jo'ne 'yamaqate'n joñe'me da'me jetaque yec'adeta joñe'me Dios. Qa'a naqaeñe jo'ne nach'e eta't da'me nec'aletaye, qama'le nach'e eta't da'me nachoĝodetapelo'te jogaa'me.

Judas 1:24

Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.

2 Corintios 4:4

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

1 Corintios 10:13

Nataq'aen qom 'uo da'me anapiyenaguequi, anetoviñetac queda'me jiyaĝa'u laqaya' nach'e ena'am joote tadoue ga'me napiyenague'j. 'Noota ta'le auep'iiya'a joñe'me Dios, qa'a ñe'me ja yajeta ta'le ami qo'yiyeneque ga'me jo'ne ja auaqanachichi ta'le anapogaĝadeñiyeguet, dite da'me ami yanema ga'me adadiqui nataq'aen ami yanema da'me at'añaĝaqui qaedi adaloi'taguet.

Marcos 13:22

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye, qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Apocalipsis 12:9

qama'le qoyamaĝaye ñe'me jiyac let'adaic jo'ne ena'am ta'le ñaĝadiaq da'me 'loyaĝac, nach'eñe ñe'me nanaic jo'ne 'uaechiñe 'uo joca'li jo'ne lenaĝat da'me Payac nataq'aen lenaĝat laqaya da'me Satanás, jo'ne yoqovi'n yema ga'me aleua laje'pi. Ñe'me Satanás nataq'aen ena'uaque jogaa'me mach'e lalemaĝajetpi male qonajaĝadi'ña jena'me aleua.

Apocalipsis 19:20

Qama'le ñe'me jiyac polio' male paja'a da'me qoyecoñe' choqoñe'me jo'ne ja eja da'me lapaĝaguenataĝanaĝac, ñe'me jo'ne nach'eñe 'me yachiyoĝotayi da'me yauo'oe naa'me 'nanaqa jo'ne chiyaqayi q'aen da'me uo'oe gaa'me yoqovi'n jo'ne yaje'tema da'me yanayelo joga'me mach'e lenaĝat ñe'me jiyac polio', chayovida'a da'me qoyi'yoĝode'n ca'li joga'me jiyac polio' lequi'i. Qama'le ñe'me jiyac polio' choqoñe'me jo'ne ja eja da'me lapaĝaguenataĝanaĝac male qoyajaĝadiñgui jaga'me limaĝañi jo'ne uetañgui ga'me dole' let'adaic.

Santiago 4:7

Auoqochiiya joñe'me Dios, nataq'aen da'me a'nañaĝachiyeguet ñe'me payac, qama'le ñe'me ami dajoo'yema qomle.