Efesios 6:1 - Nuevo Testamento Toba Sombrero Negro

¹ Ami ñoqolqa, 'noota qom yataqata auoqochiiyalo nale gaa'me adet'aldi', jouaĝat da'me ami nataq'aen ovi'tajop joñe'me Cristo, qa'a chimaqachiñe ta'le naq'aeta da'me auauoyi.

Nuevo Testamento Toba Sur

¹ Qaq qami' ñaqpiolec, cha'ayi qami' 'amqajnataxanaxaiqa, qaq ÿoqo'oyi ÿataqta qaualaqailguete caua qadta'alli', cha'ayi damayi nachi lataxac.

La'aqtaqa Ñim Lo'onatac 'Enauacna 2013

¹ Qami' ñalaqpi qaualaqaiguet caua qarta'alli', cha'aye qami' lalamaqa'ate So Cristo, cha'aye damaye nachera da ỹataqta ỹaỹamaqchiguiñi da qaỹo'ot.

Efesios 6:1 Referans Kwoze

1 Timoteo 5:4

Qalaĝaja jaga'me p'ai jo'ne uo'oe gaa'me c'oqo'te uotaĝa laua', 'noota ta'le naqaegaua 'uaediñe joote yayate'n ga'me qoyen 'lonata'j da'me lecochiyalo ga'me layi, qa'a ca'li jañe'me yataqata ami noqopitalo, qama'le jena'me jenjo' yataqata Dios yiyamaĝaden.

Romanos 12:2

Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.

Romanos 7:12

Chane'eja, da'me 'loyaĝa'j daa'me naqataĝaco yataqachiñe ja 'nalegue, nataq'aen da'me namaĝajoĝonaĝac ja 'nalegue, nataq'aen chimaqachiñe nataq'aen 'noota.

Lucas 2:51

Chane'eja equeguelo jogaa'me da'me 'viyelaĝa di'me Nazaret, jo'ne mach'e 'lachaqa', nataq'aen naquetaje'mec da'me yoqo'chalo jogaa'me. Jañe'me lat'e yiyamaĝatoue na'me lauel ena'uaque naa'me naajo'.

1 Pedro 2:13

Auoqochiyalo ena'uaque jogaa'me jaliaĝanaqa jo'ne ch'e jiyaĝa'u, yajouaĝat da'me adoqopichiya joñe'me Jaliaĝanec: auoqochiya ñe'me jaliaĝanec jo'ne Roma le'ec, qa'a nach'eñe jo'ne yelolo'te yema ga'me jiyaĝadipi,

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Romanos 16:2

'Noota qom yataqachiñe aualoyeguet, jouaĝat da'me ademii'teguet ñe'me Jaliaĝanec, nach'e naq'aeta nale da'me yauote gaa'me naqaya' jo'ne nepi'iyaĝa'u, nataq'aen alecochaĝanaĝañiya yema ga'me youetaque, qa'a jañe'me qayoĝode' gaa'me lecochiyalo chayovida'a jayem lecochiya.