Efesios 5:8 - Nuevo Testamento Toba Sombrero Negro

⁸ Ga'me ja yateton joñe'me Dios, ena'am ta'le uetaue joga'me 'naltapiye, ja yayaten joga'me ya'uo. Ca'li da'me ami naq'aeta da'me at'oyaĝaqui, qa'a ja auatetoñi ca'li joñe'me Dios. Qalaĝaja nayi male yataqata auatetoñi joñe'me, qama'le ena'am ta'le male ovitaue da'me yoqochiñe. Chane'eja 'noota qom male auadenaĝachi' gaa'me uetedaue da'me yoqochiñe.

Nuevo Testamento Toba Sur

⁸ Cha'ayi qami' co'ollaxa qoviitaigui na 'ico' napalaxa, qalaxayi nagui da qami' qan'ayiitau'a so qadataxala', nachi qoviitaigui na yi'oqchiguiñi. Qaq ÿoqo'oyi qami' qau'enaxachiichigui qome ca shiÿaxaua mayi huetaigui na yi'oqchiguiñi.

La'aqtaqa Ñim Lo'onatac 'Enauacna 2013

⁸ Cha'aye da sa qaỹauatton Ñim Lo'onatac 'Enauacna, nache damaye 'eeta'am da qanayeetaigui na napalaxa. Qami' co'ollaxa qoviitaigui na 'eco' napalaxa, cha'aye saishet da qauauattoñi Ñim Lo'onatac 'Enauacna. Qalaxaye nagui qami' mashe qauauattoñi Ñimaye, nache qoviitaigui na yo'oqchiguiñi. Qaq ỹoqo'oye qami' ỹataqta qaupaquiichigui qome da lataxac cam ỹataqta ỹauattoota Ñimaye,

Efesios 5:8 Referans Kwoze

Juan 8:12

Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

1 Juan 1:7

Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Colosenses 1:13

Ñe'me Dios joote qo'mi nec'alaĝatedegue, da'me qo'mi yachiyoĝotauelo joda'me 'lañaĝac ga'me 'lalaĝa, qama'le qo'mi yovidaĝateda'a da'me lejaliaĝa ñe'me C'oĝot jo'ne yauotec,

Juan 12:46

Naqayem jo'ne jayem lecoyadaĝanaĝat jenjo' aleua, qama'le ñanaequena qaedi jogaa'me jo'ne jayem p'iida'a ja uedaue ga'me 'lalaĝa.

Efesios 4:18

Naa'me naajo' jiyaĝa'u yataqata qaya'te yayaten, nataq'aen chiyoĝo's, nataq'aen yataqata qaya'te naquiaĝata, qama'le yataqata ja yateto'n da'me 'noyaĝac jo'ne chiyaqayi joñe'me Dios.

Juan 12:36

A'uamaqachiñe ñe'me jo'ne yoqochiñe yatemaliaĝa cha'li ami uetauelo, qaedi da'me ami male aueñiya'am da'me yoqochiñe. Joca'li yem da'me 'yaĝate'tape naa'me naajo' uo'oe, qanach'e male ec ñe'me Jesús, 'nañoĝochi'ñalo joga'me jiyaĝadipi.

Efesios 2:2

Da'me anejiyaĝauayaĝaqui yataqata ja no'en ca'li, oqui'teguelo gaa'me jiyaĝa'u jo'ne ja 'noe'n, nataq'aen oquitapegue' joñe'me payac lepaqal jo'ne nejaliaĝatelo'te yemeda gaa'me payagodipi, nach'eñe jo'ne 'yañaqate't jogaa'me ja p'iida'a joñe'me Dios.

2 Corintios 4:6

Ca'li Dios ye'et jena'me aleua, enaac: “'Noota qom 'uo da'me laqaselegaĝac ga'me yoqochiñe jo'ne nayi 'uo ga'me 'lalaĝa.” Qama'le ca'li qo'mi yaje'tema da'me jayatenaq da'me onaĝaic 'naqataĝanaĝac, nach'e ena'am yecoyadelegue da'me qadetadenataĝanaĝac, qaedi male jatetonaq da'me 'lonaĝac ñe'me Dios 'me chiyoqotelegue na'me latajoĝoc ñe'me Cristo.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

Lucas 16:8

Qama'le ñe'me nadipa yi'yoĝoden ñe'me lamaĝajec jo'ne ja chimaqachiñe ga'me 'lonatac queda'me ja naqala'te da'me mach'e yauo'oe ga'me 'ye't. Qa'a qom jouaĝat da'me mach'e leuoyaĝac, jogaa'me jo'ne yema'alo gaa'me uetedalegue jena'me aleua nayi yataqachiñe ja naqalataĝayaqa, ja ena'ama gaa'me jo'ne uetedaue da'me yoqochiñe.

Efesios 6:12

Qa'a ja jeloquiaĝaye gaa'me jiyaĝa'u jo'ne ch'e napat nataq'aen p'inaqa, qa'a gaa'me qadaute'u nach'egaua gaa'me payagodipi jo'ne lejaliaqa' di'me p'ajeguem, nach'egaua jo'ne nejaliaĝatelo'te gaa'me 'nonataqa jo'ne chiyoqodaue ga'me 'lalaĝa.

2 Corintios 3:18

Qama'le qo'mi ja qo'mi 'te netayelo ga'me ualoq jo'ne yapadelegue na'me qadatajoĝoc. Jenaqa'am ga'me c'atenaĝanaĝaqui jo'ne yaloĝon da'me 'lonaĝac ñe'me Jaliaĝanec, nach'eñe neleguemaĝat da'me qat'oyaĝac qama'le ñichigaqa'ta da'me jenaqa'am joñe'me, yajouaĝat da'me qo'mi t'onataĝanouelo ñe'me Lepaqal 'me ja 'nalegue.

Lucas 1:79

Qaedi yecoyadelo'te gaa'me jo'ne uetedaue da'me 'lalaĝa, gaa'me jo'ne t'oitedapega da'me leleuaqa', Qama'le qo'mi yauequeteda'ague di'me naq'aec jo'ne yelo'ta da'me qat'emaĝac.”

2 Corintios 6:14

'Noota qom qaya'te gamachaqaega aualequiyoue 'me 'lonataqa gaa'me jo'ne ja quetegue ñe'me Cristo. Ga'me 'noota ja qoyaqanatet ta'le qoyapeteneguet ga'me ja no'en. Nach'e ena'am ja yaqanatet ta'le 'uaĝayet ga'me yoqochiñe ga'me 'lalaĝa.

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

Romanos 2:19

Nataq'aen yataqachiñe auayaten da'me auetapela't auaqanatet da'me auaue'j jogaa'me qana'mi nataq'aen auoqoyadelo'te gaa'me uetedaue ga'me 'lalaĝa.

Juan 1:9

Ñe'me necoyadaĝanaĝat jo'ne yataqatelegue nec'achi'ña jena'me aleua qaedi yecoyadelegue ena'uaque gaa'me jiyaĝadipi.

Mateo 4:16

Jena'me qadayi jo'ne uetaue da'me 'lalaĝa, Male yauana ga'me yoqochiñe jo'ne p'ajaye; Nach'ena na'me yoqochiñe jo'ne yecoyadelo'te nayi Ga'me jiyaĝadipi jo'ne te'me uetedaue da'me neleuaĝa.”

Gálatas 5:25

Ta'le ñe'me Dios Lepaqal yadalaĝat da'me loec da'me qat'oyaĝac, 'noota qom yema joqochaĝa.

Romanos 1:21

Qa'a mate mane'e yateto'n ñe'me Dios, qalaĝaja eetede'em da'me ja naqaeñe ñe'me Dios da'me ja 'nonaĝachidegue, uotaĝa ta'le yate'm da'me lamai'j. Ja naq'aeta, dite da'me chayovida'a yovideta da'me nichiyoĝojoĝo'j naa'me lelnataĝaco nataq'aen naa'me lai'li yataqachiñe uetayelo da'me 'lalaĝa.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Hechos 17:30

Qalaĝaja Dios ja yeloyelo gaa'me noloqo'ote ca'li cha'li qaya'te letadenataĝanaĝa'j ga'me jiyaĝadipi, qalaĝaja nayi yamaĝalo'te ena'uaque ga'me jiyaĝadipi qaedi 'niyelaĝadetot joñe'me ena'uaque gaa'me ale'u lael.

Mateo 3:8

'Noota qom qoyauana da'me at'oyaĝaqui queda'me yataqachiñe eja da'me a'viyelaqaiyot joñe'me Jaliaĝanec.

Juan 12:35

Jesús 'yategueta jogaa'me: —Maliaĝa cha'li cada'ac ami uetauelo da'me yoqochiñe. Chane'eja 'noota qom aueuoitac yatemaliaĝa ami uetauelo jenjo' yoqochiñe, qaedi ja ami 'te yepelaĝa't ga'me 'lalaĝa, qa'a ga'me yeuotapiye ga'me 'lalaĝa ja yayaten ga'me ta'ya.

Romanos 13:12

Joote qo'mi nedalo'te da'me pi'yaq, yamta'le da'me nete'. Chane'eja jaĝanaĝadiñi gaa'me 'lonataqa da'me 'lalaĝa, qama'le janaĝaiñe da'me yoqochiñe, ena'am ga'me coico le'ec yaqataĝata't nale 'uo ga'me nalada't.

Colosenses 1:12

Qama'le auañem da'me adamaiqui joñe'me Qadet'a, qa'a joñe'me ami yaqataĝata'ajalo qaedi auacoñiyeguet da'me lejaliaĝa jo'ne yoqochiñe qama'le anetauañiya'uo ga'me yanema yema joga'me c'oqo'tepi joñe'me.