Efesios 5:3 - Nuevo Testamento Toba Sombrero Negro

³ Da'me ami, joote ami Dios lec'oqo'tepi, chane'eja 'noota ta'le ja ami 'te chimaqapegouelo ta'le 'uo ga'me nequejeguetaĝa, uotaĝa ta'le ami paĝachiguilo q'ae'n, uotaĝa ta'le yaguegue ga'me auepichítapega.

Nuevo Testamento Toba Sur

³ Qaq cha'ayi qami' lalamqa'te ñi Dios, qaq no'on da sa ishit qome da qami' chimaxanguilo da huo'o ca quishishaxac qataq 'enauac nam laÿipi mayi ishit da deshipaxanaqtaxan, huo'otaq da qaÿoqopita'a ca ÿaqa'a.

La'aqtaqa Ñim Lo'onatac 'Enauacna 2013

³ Qaq cha'aye qami' lalamaqa'ate Ñim Lo'onatac 'Enauacna, ỹoqo'oye no'on da saishet da qami' chemaxanguilo da huo'o ca quisheguetaxac qataq 'enauac nam laỹepi maye ishet da deshepaxanaqtaxan, huo'otaq da qaiqopita'a ca ỹaqa'a.

Efesios 5:3 Referans Kwoze

Colosenses 3:5

Chane'eja 'noota qom aueñe'tem ta'le yeleu da'me anejiyaĝauayaĝaqui 'me toijec; 'noota qom qaya'te taue da'me lequejeguetaĝa, uotaĝa ta'le ye't ga'me paĝachiguilo, uotaĝa ta'le quetapegue'to gaa'me jo'ne yachoĝode'n nale nataq'aen ga'me ja 'noe'n lamaico, uotaĝa ta'le jetaque yauec da'me lamaic joda'me neuoyaĝac, qa'a dojo' ena'am da'me qonetameno't ga'me nequi'i.

Efesios 5:5

Da'me ami yataqata auayachiñe queda'me uo'oe gaa'me jo'ne ja yaqanate't ta'le tadoue da'me lejaliaĝa joñe'me Cristo choqoñe'me Dios; nach'egaua jo'ne quejeguetaĝayaqa nataq'aen gaa'me yadenaĝa't ga'me paĝachigui nataq'aen gaa'me pitaĝanaqataqayaqa (jo'ne ena'am ta'le e'n nedios da'me jo'ne yepiteda'a.)

1 Ts 4:3

Ga'me yataqata 'yamaqaten joñe'me Dios, 'noota ta'le ga'me at'oyaĝaqui yataqata aueñi 'noota, chayovida'a da'me ja 'nalegue, nataq'aen ena'te 'uo joga'me leuaua jaga'me ja loua.

1 Corintios 6:18

Qo'che' ami ja'aĝatema queda'me ¡'noota qom auajoye'guem da'me nequejeguetaĝa! Gamachaqaega qadoec laqaya jo'ne jauoqo nale ja 'naĝat da'me qadapachidiyaĝac. Qalaĝaja ga'me jo'ne taue da'me nequejeguetaĝa 'uo da'me loec jo'ne 'naĝat da'me mach'e lapachidiaĝac.

1 Ts 4:7

Qa'a auayachiñe joñe'me Qadet'a qo'mi yiyaĝanalo qaedi yataqata ja 'nalegue da'me qat'oyaĝac. Chane'eja ena'te oquiyegue joga'me yataqata ja no'en.

1 Corintios 6:13

Nataq'aen aueñiyapega chimaqachiñe ga'me adoequi nale aueñiyapega't: “Ga'me jaliguinaq qoya'uo qaedi taue jana'me qadeta'am, nataq'aen jana'me qadeta'am qoya'uo qaedi jenaĝa taue ga'me jaliguinaq.” Jaja'a, yataqachiñe eja da'me dojo', qalaĝaja Dios yapalaĝa't qomle jana'me qadeta'am nataq'aen ga'me jaliguinaq. Qama'le nach'e ena'am na'me qadapat: 'noota ta'le ja jenaĝa taue da'me nequejeguetaĝa, dite da'me qolaĝague ñe'me Jaliaĝanec, qa'a nach'eñe ñe'me jo'ne qo'mi yanema ga'me jouenaqataque.

Efesios 5:12

¡Yataqata jepocoĝolegue da'me ja'aĝatetac joga'me 'yetedac nale te'me yoĝotedapiñe, yataqata ja no'en ga'me yauotedac!

Mateo 15:19

Qa'a gaa'me chiyoqodaue na'me lauel ga'me jiyaĝaua nach'egaua jo'ne chiyoĝogueta naa'me lelnataĝaco 'me ja 'noe'n, da'me nalataĝanaĝac, da'me leuaua jaga'me ja yataqachiñe loua, da'me nequejeguetaĝa, da'me noqovinaĝanaĝac choqoda'me nejenaĝanaĝac.

Apocalipsis 2:21

Te'me jeuate'ta ta'le 'niyeloqot joñe'me Dios, qalaĝaja jañe'me ja jetaque yaĝañi da'me lequejeguetaĝa.

1 Corintios 10:8

'Noota qom ja ñemenaĝaue da'me nequejeguetaĝa, qa'a joca'li uo'oe gaa'me naq'aeta da'me yauote, qama'le nach'ega nolo' yele'u veintitrés mil joga'me.

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Apocalipsis 2:14

Qalaĝaja uo'oe daa'me jo'ne ja ami 'te ja'amaqateneque: queda'me uo'oe jogaa'me ami uetauelo jo'ne ja jetaque yaĝadiñi da'me lapaĝaguenataĝanaĝac jodi'me Balaam, naqaedi jo'ne yapaĝaguen joca'li ñe'me Balac qaedi yejomaĝana'ape jogaa'me Israel lec'oqo'tepi, da'me jetaque en yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda, qama'le nach'e ena'am da'me en tadoue da'me nequejeguetaĝa.

1 Corintios 5:1

Ami yaqaya'olqa, ena'uac qo'yaĝatetac da'me ami uetauelo joda'me 'nonáĝac 'me ja no'en, queda'me 'uo ga'me ami uetauelo jo'ne 'uoneguet jaga'me mach'e lajoĝoua. Jenjo' 'nonáĝac ja no'en yataqachiñe lama'aja, chayovida'alo gaa'me Roma laje'pi ja yajete'n ta'le qoya'uo da'me dojo'.

Apocalipsis 9:21

Nach'e ena'am da'me ja jetaque yaĝadiñi da'me lalataĝanaĝa'j uotaĝa da'me napine'j uotaĝa da'me lequejeguetaĝa'j uotaĝa da'me lecachaĝa'j.

2 Pedro 2:3

Yajouaĝat da'me lamai'j jaga'me laicaua, ami yapaĝagueneque da'me jo'ne ja ejoda qaedi yañoĝo't da'me naqa't jana'me anaicauai. Qalaĝaja jogaa'me ja yaĝa'n da'me ne'uaĝanague'j jo'ne male dajo'talo jogaa'me, qa'a jalchi'ena joca'li da'me joote qoyaqataĝañi.

Hebreos 12:16

Ena'te ami quejeguetaĝayaqa, chayovida'a da'me ena'te a'uotañi ga'me jo'ne chiyoqo'ot joñe'me Dios, qa'a naq'aeta da'me ya'uo ca'li ñe'me Esaú, da'me yemen jo'me te'me qoyen mach'e loĝot queda'me nach'eñe ñe'me nec'oĝot jo'ne nipiloĝot, ca'li en tayí da'me ya'uo onolec niqui'yaĝac.

2 Corintios 12:21

Nach'e ena'am jo'oyapega nale jenate'ta, qom ami jejapichiyalo, ñe'me Ñedios janomeguet q'aen da'me yepocoĝo jouaĝat ami jo'ne chayovida'a ñoyen, qa'a jouaĝat gaa'me qayoĝode' ami jo'ne ja yaĝadiñi gaa'me loeco jo'ne 'ye'tape nataq'aen da'me yauote ga'me ja no'en choqoda'me quetedalegue da'me nequejeguetaĝa nataq'aen gaa'me namanaĝanaĝaco 'me napaĝaguenalo.

Tito 2:3

Nach'e naq'aete' gaa'me 'yaĝainadi' 'noota qom yataqatelegue da'me 'loyaĝa'j, nataq'aen ja quejaĝail, uotaĝa ta'le lataĝa lete'. 'Noota qom yauote da'me onaĝaic qaedi qoyadenaĝa't

2 Timoteo 3:2

qa'a male uo'oe qomle gaa'me jiyaĝa'u jo'ne ch'e noqopitela'ajalo, quetedapegue' loqopich'i jaga'me laicaua, 'yoĝodenaĝayaqa, otanaĝanaĝayaqa, nataq'aen 'uenaĝanaĝayaqa. Male ja naquiaĝanalo jogaa'me let'al, yataqata chiyoĝo's, nataq'aen male jetaque yapalaĝa't da'me qadepe'e.

Hechos 15:20

Jaldata da'me jedenaqatenaĝalo jaga'me qadediije qaedi queda'e yema ga'me jo'ne t'aĝanataĝa'n nale jouaĝat ga'me qop'iyapegalo, 'noota ta'le t'oida'aguet ga'me nonáĝaco jo'ne ja qoyajeta nataq'aen 'noota ta'le ja yali'j ga'me lapat ga'me jiyac jo'ne ouaĝaic uotaĝa jaga'me tauo'.

2 Pedro 2:14

Qaga'te yauo ta'le ja yepiteda'a; ja noua'l da'me yauote da'me loe'j. Gamachaqaega nenaĝatedegue qaedi gaa'me jo'ne choĝolaĝaic da'me lepe'e' male e'n made'tape q'ae'n; qa'a yayate'n da'me mach'e latenataĝanaĝa'j; nach'egaua jiyaĝadipi jo'ne uetedalegue da'me let'adaic ne'uaĝanague'j.

2 Pedro 2:10

Joñe'me Jaliaĝanec yataqata ye'uaĝa'n qomle ena'uaque jogaa'me jo'ne ja yaĝadiñi da'me quetalo'te naa'me namaico jo'ne ja 'noe'n nataq'aen da'me ja yacoteguet da'me lamaĝajoĝonaĝac ñe'me Jaliaĝanec. Yataqachiñe t'añi'y jogaa'me nataq'aen p'aguenataĝanaĝayaqa, choqoda'me qaya'te loqolanaqa' da'me yojoue'n gaa'me neteda'ague di'me piyem jo'ne 'uo da'me 'lonaĝa'j.

1 Pedro 5:2

'Noota qom yataqata adechiliyalo jogaa'me 'naĝanaĝatel jo'ne Dios lec'oqo'tepi 'me ami qoyanema qaedi adechiliyalo. 'Noota qom anoualaĝañetape'to, qa'a naqaeda da'me jo'ne Dios 'yamaqaten, qama'le ena'te aueñe'tem da'me ch'e ami qoyamaqatalo'te, uotaĝa ta'le aueñi adelnataĝaqui da'me ami qoyejeteneque jaga'me laicaua, dite da'me nach'e eta't da'me anejapachita.

Tito 1:11

Naa'me naajo' jiyaĝa'u 'noota qom anauañiyegueta qa'a yemeda gaa'me 'nachaqa'te 'naĝa't jogaa'me queda'me jetaque ch'e qoyejete'n qama'le dapaĝaguenataĝatec ga'me jo'ne ja naq'aeta.

Tito 1:7

Ñe'me jo'ne nepoda'tape gaa'me p'etaqadaiquipi 'noota ta'le qaya'te lejamaĝataĝac, qa'a netela da'me Dios 'lonataĝanaĝac. Nataq'aen 'noota ta'le ja pagaĝalaic da'me damaĝajoĝonaĝac, 'noota ta'le ja lemataqaic, ja yomaĝaic, uotaĝa ta'le ja dodinataĝanac, uotaĝa ena'am ta'le ch'e naquitetapega da'me nejetenaguec.

1 Timoteo 3:3

'Noota qom ja lataĝa lae't, uotaĝa ta'le ja dodinataĝanac, dite da'me yataqata qopitaĝanaqataqaic, napogaĝadeneguet ga'me ja no'en, nataq'aen ja en 'te p'ajaye jaga'me laicaua.

1 Timoteo 2:10

Qom jaga'me yauo jetaque ya'uo ga'me onaĝaic 'netaĝac, 'noota ta'le en onaĝaic ga'me en yelo'teguet, qa'a nach'eda da'me eeta da'me 'netaĝac jaga'me yauo jo'ne eetapela't 'nonaĝachigui ñe'me Dios.

Filipenses 1:27

Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.

Romanos 16:2

'Noota qom yataqachiñe aualoyeguet, jouaĝat da'me ademii'teguet ñe'me Jaliaĝanec, nach'e naq'aeta nale da'me yauote gaa'me naqaya' jo'ne nepi'iyaĝa'u, nataq'aen alecochaĝanaĝañiya yema ga'me youetaque, qa'a jañe'me qayoĝode' gaa'me lecochiyalo chayovida'a jayem lecochiya.

Romanos 6:13

Ena'te auen at'onataĝanaĝat naa'me at'oyaĝac da'me aue'et ga'me ja no'en uotaĝa ta'le anemenoue ga'me adoec. Ja naq'aeta dite da'me 'noota ta'le anemeñiyot ñe'me Dios, ena'am ta'le da'me ami jiyaĝa'u jo'ne joote adelevi nataq'aen ami qo'niyelaĝachidijeguem, a'vichiyem naa'me adapa'chidi' da'me at'onataĝanaĝac qaedi a'vichi ga'me jo'ne yataqatelegue nale auajoyiya'aguet joñe'me nataq'aen anañila't.

Romanos 1:29

Yataqachiñe nejaqachiguilo da'me 'letaĝaloĝo'j jogaa'me, da'me nequejeguetaĝa, nemite'tae jana'me laicaua, nataq'aen da'me ja no'enpi. P'aguenataĝanaĝayaqa, lataĝanaĝayaqa, loequiaĝaiquipi, qovinaĝanaĝaiquipi, denataĝanaĝaiquipi.

Hechos 20:33

Qaya'te jepaquetaque qaedi mach'e yoĝot uotaĝa laicaua uotaĝa loĝot gamachaqaega;

Lucas 16:14

Jogaa'me fariseopi jo'ne nach'egaua naequetedapegue' jana'me laicaua domachita yema da'me dojo' qama'le ye'uetedac ñe'me Jesús.

1 Timoteo 6:10

Qa'a da'me qoyen p'ajaye jana'me laicaua nach'eda chiyaqayi yema joga'me ja no'en. Qama'le joote uo'oe jogaa'me jo'ne e'n p'ajodaye jaga'me laicaua, qama'le yajouaĝa't da'me queda'e da'me lepe'e', nataq'aen joote yauata t'adaic lachoĝode'j.

Lucas 12:15

Nataq'aen dojapegue'to ena'uaque ga'me jiyaĝadipi, enaac: —'Noota qom achiya'aguet ta'le auepichiya'alo gaa'me adepitaqataĝanaĝacodi', qa'a da'me at'oyaĝaqui ja chiyaqayi da'me ta'le jalcote ga'me auañiyalo jo'ne uo'oe.