Efesios 5:26 - Nuevo Testamento Toba Sombrero Negro

²⁶ qama'le qo'mi 'yaĝatema da'me 'laqataĝanaĝac qaedi male yataqata e'n qo'mi loqo'te nataq'aen da'me qo'mi e'n yoqovite' da'me qo'mi qonachilaĝa'n,

Nuevo Testamento Toba Sur

²⁶ Qaq 'eetec de'eda somayi, cha'ayi nshitaique da iqui'itaxatta na 'amqajnataxanaxaicpi, idolec na 'etaxat da iÿo qataq da l'aqtac.

La'aqtaqa Ñim Lo'onatac 'Enauacna 2013

²⁶ Ỹo'ot Somaye de'era, cha'aye ỹauotaique da iqui'itaxatta na 'amqaanataxanaxaicpi, irolec na 'etaxat da iỹo qataq da la'aqtac.

Efesios 5:26 Referans Kwoze

Juan 15:3

Da'me ami joote ami yoqovite', chiyaqayi da'me joote auacoñiyeguet da'me 'yaqataĝanaĝac.

Hebreos 10:22

Chane'eja 'noota qom ñichiyaĝa'uo joñe'me Dios, da'me yoqovichiguilo naa'me qadai'li nataq'aen qaya'te 'uo ga'me qadoqoleguetaĝanaĝac da'me yataqata jep'iyaqa joñe'me, da'me joote qoye'n yoqovite' naa'me mach'e qadelnataĝaco, nach'e ena'am da'me joote qoyiyodingui naa'me mach'e qadoje' ga'me noĝop jo'ne qaya'te lale'gue.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

1 Corintios 6:11

Uo'oe gaa'me naq'aeta ca'li da'me 'loyaĝa'j. Qalaĝaja male ami qonachilaĝa'n; male joote ami qoyiyota'alo qaedi oviyo'ot ñe'me Dios; male ami qoye'n yataqatelo'te q'ae'n; nach'eda lañoqotaĝanaĝac ñe'me Jaliaĝanec Jesucristo nataq'aen Lepaqal 'me ja 'nalegue ñe'me Qanedios jo'ne ami 'yetema da'me dojo'.

Efesios 6:17

Nataq'aen jetaque da'me adec'alaqai ami de'uolo'te, ena'am ga'me jaĝa'to jo'ne laicaua 'me de'uolegue na'me laqaic ga'me coico le'ec. Nach'e ena'ama daa'me Dios 'laqataqa jo'ne ena'am ta'le daĝanaĝat 'me ami yanema ñe'me Dios Lepaqal, qama'le yataqata noma't na'me adauteua.

1 Juan 5:6

Joda'me lovidaĝaquena joñe'me Jesucristo 'nanec qoyen joga'me noĝop ca'li qonachilaĝan, nataq'aen jaga'me letauo' naliñi qoyen ca'li qoyalat; ja nach'egata ga'me noĝop, dite da'me nach'e ena'am noĝop nataq'aen letauo'. Joñe'me Dios Lepaqal nach'eñe jo'ne dechoqotaĝanec da'me dojo', nach'eñe jo'ne yataqata eja.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Hebreos 10:10

Chane'eja ñe'me Dios joote qo'mi e'n yoqovite' q'ae'n, yajouaĝat da'me 'lonatac joñe'me Jesucristo jo'ne yoqo'cha da'me lelnataĝac joñe'me Dios, qama'le 'yaĝateuo da'me mach'e 'loyaĝac qaedi qoyalat. Ch'e onolec da'me nalataguec, qaedi nale'en da'me qo'mi yoqovite' q'ae'n.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

Hechos 22:16

Nayi, ena'te anayaloĝoden. Oñijeguem qama'le auaconeguet da'me nachilaĝanataĝanaĝac nataq'aen aneyoediñe ga'me adoeco, da'me a'uamaqaten joñe'me Jesús mach'e Adejaliaĝanec.»

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

Judas 1:1

Jayem Judas 'me jayem lalemaĝajet joñe'me Jesucristo, nataq'aen jayem lanoqolec joñe'me Santiago, ami janema naa'me naajo' yedii's, da'me ami jo'ne ami noqopitalo joñe'me Qadet'a Dios nataq'aen ami netelalo joñe'me Jesucristo, qa'a joote ami yiyaĝanalo joñe'me Qadet'a, ami yiyota'alo qaedi yataqachiñe ami e'n lec'oqo'tepi.

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Juan 17:7

Qama'le nayi yayate'n da'me yema gaa'me jo'ne jayem auanema yataqata am chiyoqodayi;

Santiago 1:18

Qa'a naq'aeta da'me jo'ne mach'e lelnataĝac joñe'me, da'me qo'mi yanema da'me nec'alaĝa jo'ne chiyaqayilo naa'me 'laqataqa jo'ne ejoda, qaedi ena'am ta'le qo'mi jala jo'ne 'uaechidiñe da'me mach'e 'lonataĝanaĝac.

Juan 15:8

Qom jalcote da'me anejalayaĝaqui qama'le auovidiya'a da'me ami yataqatelo'te yapaĝaguenataqa: nach'eda da'me dojo' jo'ne yaloĝon da'me 'lonaĝac ñe'me Taĝadena'.

Juan 13:10

Qalaĝaja Jesús 'yateguet: —Ga'me jo'ne yemta nachi'l ja youetaque ta'le yitaĝa niyola't, yejamache naa'me lapia'te, qa'a joote yema da'me yoqovita. Qama'le da'me ami joote ami yoqovite', mate mane'e ja ademiya.

Romanos 10:8

Chane'eja, ¿jach'e ga'me eeta da'me 'yaĝatetac? “Da'me 'naqatac am davi'teguet, na'me anedegaĝat nataq'aen na'me adelnataĝac.” Jenjo' 'naqatac nach'eda 'yaĝatetac da'me nepe'e jo'ne japaĝaguenataĝanaĝac.

2 Corintios 11:2

Dios jayem 'yetem da'me qaedi ami jenate'talo. Da'me jepaquetapega ta'le yataqachiñe ami yataqatelo'te onolec oquiyegue ñe'me Cristo, uotaĝa ena'am ta'le aueñiya'am jaga'me nojaĝaua jo'ne joote qo'yaĝateguet da'me 'lonaĝac qomle, jo'ne en yataqatelegue onolec q'aen ga'me lojaĝaua, qama'le 'nañaĝatela't.

Colosenses 3:16

'Noota qom Cristo 'laqataĝanaĝac nach'e eta't jaqachiguilo q'ae'n naa'me adai'lidi'. Nataq'aen ami yatenaĝanaĝayaqa da'me anapaĝagueñiya't nataq'aen anequeuoquitalo nale gaa'me adaqayadi'. Nataq'aen da'me 'uo da'me lamai'j naa'me adai'lidi' qama'le a'nonaĝachigui joñe'me Dios, a'uoñe'tape joga'me nalaco jo'ne Dios Lepaqal ami yanema.

Hebreos 4:12

Qa'a da'me 'laqatac joñe'me Dios yataqata nec'aletaye nataq'aen 'uo da'me lañoqotaĝanaĝac. Nach'eda jo'ne nichaĝajoĝonaĝat jo'ne p'ajaye, napacalegue ga'me nedaĝanaĝat jo'ne dos naa'me lia'a, qama'le yaqanatet ta'le yeda'uo ga'me lauel ga'me jiyaĝaua, chayovida'a da'me yovidauo ga'me lepaqal, ena'am ta'le yededa'uo gaa'me loiquiaqa'te naa'me lep'inaqa nataq'aen na'me lap'iyoĝo. Qama'le nach'eda jo'ne ya'uo da'me lec'atenaĝanaĝac, naloqote'n gaa'me lelnataĝaco ga'me jiyaĝaua nataq'aen gaa'me jo'ne mach'e lamaico.

Hebreos 10:14

Qa'a da'me jo'ne onolec joga'me najaqajec, chiyaqayi da'me dojo' male qoya'uo da'me nach'e eta't da'me qoye'n yataqatelo'te jogaa'me liquiyaqa joñe'me Dios.

Hebreos 10:29

Qama'le nayi, ¿qo'li ja yaguegue ga'me ne'uaĝanague'j qoyen jogaa'me jo'ne 'yota'n ñe'me Dios Lec'oĝot? Qa'a nach'egaua gaa'me jo'ne ja 'yamaqate'n jaga'me letauo' joñe'me, nach'aga jaga'me letauo' jo'ne naliñi qoyen joca'li qaedi en yepaquichigui da'me 'namaqatenataĝanaĝac dalaĝaic, qama'le en qoyapalaĝa't gaa'me qadoeco. Nach'e ena'am jogaa'me ye'uetedac ñe'me Dios Lepaqal jo'ne qo'mi yichoĝode'tape.

Hebreos 13:12

Qama'le nach'e ena'am ñe'me Jesús qoyen p'aye ga'me noic da'me 'uo da'me lachoĝodec ca'li yeleu, qaedi qodoĝotaĝaneque gaa'me loeco ga'me jiyaĝadipi, yajouaĝat da'me naliñi qoyen jaga'me mach'e letauo'.

2 Pedro 1:9

Qalaĝaja ga'me jo'ne ja yaconeguet da'me dojo', nach'ega jo'ne ena'am ga'me qanam uotaĝa ga'me jo'ne jaqaloq da'me lec'atenaĝanaĝac, queda'me ja netouenec da'me joote qoyiyo'y jogaa'me loeco toye's.