Efesios 5:21 - Nuevo Testamento Toba Sombrero Negro

²¹ Nataq'aen anecochiyapega't nale onolqa'tape da'me ami, yajouaĝat da'me yataqata a'nonaĝachiyegui joñe'me Cristo.

Nuevo Testamento Toba Sur

²¹ Ñi 'oonolec qome da qoñiita ÿataqta ipacapegue' ca lÿa, souaxat da ÿataqta huo'o naq 'enec qanqashiñi ñi Dios.

La'aqtaqa Ñim Lo'onatac 'Enauacna 2013

²¹ Ñi 'oonolec qome da qoñiita ỹataqta ipacapegue' ca lỹa, souaxat da ỹataqta huo'o naq 'enec qanqa'eñi Ñim Lo'onatac 'Enauacna.

Efesios 5:21 Referans Kwoze

Filipenses 2:3

Ena'te ani'yoĝodeñila't uotaĝa ch'e aueloiquiitapega't, dite da'me onolqa'tape da'me ami 'noota qom joĝodaic na'me lauel, qaedi nach'e eta't eetapegalo gaa'me laqaya' ta'le yataqata p'ajodaye.

Efesios 5:24

Chane'eja, gaa'me yauo', 'noota ta'le nach'e eta't yoqocha'alo jogaa'me loua', nach'e ena'am ta'le da'me qo'mi jo'ne qo'mi Dios lec'oqo'tepi yataqata joqochaĝa joñe'me Cristo.

Efesios 5:22

Gaa'me yauo', 'noota ta'le yataqata yoqocha'alo jogaa'me loua', nach'e ena'am ta'le yoqochideta joñe'me Qadejaliaĝanec.

1 Pedro 5:5

Nach'e ena'am da'me ami joĝodipi, 'noota qom a'nonaĝachiguilo jogaa'me 'yaĝaicachidi jo'ne 'uo da'me lejaliaqa'. Nach'e ena'ama ena'uaque da'me ami, a'nonaĝachiguilo onolqa'tape gaa'me adaqayadi' qama'le ena'te ami 'yoĝodenaĝayaqa, qa'a naa'me nedii's jo'ne joote qoyedidiñe joca'li eet'oi: “Joñe'me Dios en lauteua jogaa'me 'yoĝodenaĝayaqa, Qalaĝaja jogaa'me choĝodache lecochaĝanegueta da'me lichoĝodenataĝanaĝac.”

Hebreos 13:17

Ñaa'me adajoĝola'chidi', 'noota qom auoqochiiyalo, nataq'aen da'me aueñi eja ga'me ami yapaĝagueneque, qa'a nach'eñaua jo'ne ja 'nomatedegue da'me ami netelalo, queda'me yayate'n da'me Dios naloqoten qomle da'me mach'e 'lonataĝanaĝa'j. Chane'eja anapogoĝoiñitapec da'me 'uo da'me lamai'j joñaa'me nale yauote da'me dojo', ena'te aueñi co'yaq da'me 'lonata'j, qa'a ta'le naq'aeta qama'le qaya'te 'uo da'me anaviquila't.

1 Pedro 2:17

Auañema yema da'me aviyamaĝache'tape, nataq'aen yataqata adoqopichiyalo jogaa'me adaqayadi', choqoda'me a'nonaĝachiyegui joñe'me Dios, nataq'aen auoqochiiya ñe'me Roma le'ec jo'ne nejaliaĝatelo'te yema joga'me jiyaĝadipi.

1 Timoteo 3:4

'Noota qom nach'eñe yelolegue ga'me 'lachaqa', qaedi gaa'me c'oqo'te yataqachiñe machaqayaqa nataq'aen onaĝayaqa loec.

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

1 Timoteo 2:11

Nale qoyapaĝague'n gaa'me yauo', 'noota ta'le yataqata naquiaĝata qama'le yauote, qama'le male quetede'egue joga'me domachita;

1 Corintios 16:16

Jepaquetapega ta'le oquiyeguelo jogaa'me jo'ne ena'ama jogaa'me, nataq'aen gamachaqaega qadaqaya yotauan da'me 'lonata'j joga'me.

1 Pedro 2:13

Auoqochiyalo ena'uaque jogaa'me jaliaĝanaqa jo'ne ch'e jiyaĝa'u, yajouaĝat da'me adoqopichiya joñe'me Jaliaĝanec: auoqochiya ñe'me jaliaĝanec jo'ne Roma le'ec, qa'a nach'eñe jo'ne yelolo'te yema ga'me jiyaĝadipi,

2 Corintios 7:1

Ami yaqaya'olqa, Dios joote qo'mi yaqataĝana'aque da'me 'laqatac. Qo'che' 'noota qom ja jauoqo ga'me ja no'en, dite da'me nach'e eta't jenaĝa qaya'a ga'me qadoec qaedi Dios qo'mi yaconegueta. 'Noota qom 'ñonaĝataĝaye ñe'me Dios, nataq'aen 'noota qom ja'aedenaqatac da'me ja 'nalegue ena'am joñe'me.

2 Corintios 5:11

Qa'a joote jayatenaq queda'me 'noota ta'le joqochaĝa joñe'me Dios nataq'aen da'me 'ñonaĝataĝaye. Qo'che' ja'aedenaqatac da'me ñauegaĝala'ajalo jo' gaa'me jiyaĝa'u laqaya' qaedi nach'e ena'am p'iida'a joñe'me. Ñe'me Dios yataqachiñe qo'mi yateto'n, qama'le jepaquetapega ta'le nach'e ena'am da'me ami yataqachiñe qo'mi auatetoñi'.