Efesios 5:20 - Nuevo Testamento Toba Sombrero Negro

²⁰ Nataq'aen nach'e eta't auañem da'me adamaiqui joñe'me Dios jo'ne mach'e Qadet'a, jouaĝat da'me ademii'teguet joñe'me Qadejaliaĝanec Jesucristo.

Nuevo Testamento Toba Sur

²⁰ Qataq nachi 'eetai' qome da qai'añiitacot da qantonaxaqui ñi qadta'a Dios souaxat 'enauac na lataxaguesat, cha'ayi qami' qoviito'ot so qadataxala' Jesucristo.

La'aqtaqa Ñim Lo'onatac 'Enauacna 2013

²⁰ Qataq nache 'eetai' da qaỹa'añiitacot da qana'achecỹaxaqui Ñim Lo'onatac 'Enauacna souaxat 'enauac na lataxaguesat, chegoqchigui qanqa'eñi So Qarataxala' Jesucristo.

Efesios 5:20 Referans Kwoze

Colosenses 3:17

Nataq'aen ena'uaque gaa'me jo'ne auauoyi uotaĝa anenaĝachiyegue, a'viche'tape nale jogaa'me qa'a jouaĝat da'me ademii'teguet joñe'me Qadejaliaĝanec Jesucristo. Nataq'aen auañem da'me adamaiqui ñe'me Dios nale, yajouaĝat da'me jo'ne Cristo ami yanema.

1 Ts 5:18

Auañem adamaiqui joñe'me Dios, qa'a nach'ena jena'me jenjo' yataqata paquetapega da'me ami, jouaĝat da'me ami p'etaqadayaqa, yataqata auep'iiya'a joñe'me Cristo Jesús.

Hebreos 13:15

Chane'eja nach'e eta't da'me 'ñonaĝataĝaye ñe'me Dios, da'me jenaq chiyaqayi ñe'me Jesucristo jenjo' qadi'yoĝodenataĝanaĝac jo'ne ena'am ta'le qadajaqajec da'me janemaĝam, qa'a nach'edaua daa'me qat'aqataqa mach'e qadajaqajec, nale jechoĝotaq da'me naqaeñe mach'e Qadejaliaĝanec.

Filipenses 4:6

Ena'te aueñi lichiguilo naa'me adai'lidi' nale, dite da'me nach'e eta't anetameñetac, qama'le anachoĝodeñitapecot joñe'me Qadet'a Dios nale 'uo joga'me auoviñetaque, nataq'aen auañem da'me adamaiqui nale.

Efesios 5:4

Ena'te anenaĝachidegue gaa'me 'naqataqa jo'ne yataqata ja 'noe'n, uotaĝa gaa'me 'naqataqa jo'ne qaya'te yelo'teguet nale, uotaĝa ch'e nipi'ico, qa'a naajo' ja ami 'te lecochiyalo, dite da'me auañem da'me adamaiqui joñe'me Dios.

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.

2 Ts 2:13

Qalaĝaja da'me qo'mi nach'e eta't janemaĝam da'me qadamaic joñe'me Dios jouaĝat da'me ami. Dios yataqata ami noqopitalo nataq'aen nach'eñe da'me ami yiyaĝanalo ca'li, qaedi ja oviyaue joga'me nachoĝodec jo'ne na'ta. Ami yiyaĝanalo ca'li en ami nayelo joñe'me Nepaqal, qaedi male ami qoye'n lalemaĝaje'te joñe'me, nataq'aen da'me auacoñiyeguet da'me 'naqatac jo'ne 'yaĝatetac da'me yataqatelegue.

1 Pedro 2:5

Nataq'aen da'me ami, ena'am ta'le ami qadi jo'ne nec'aletedaye, naqa'ami jo'ne 'lonataqa joñe'me Dios da'me 'noĝojeguem ga'me tamenaĝaiqui jo'ne ja 'nalegue, qaedi ami jo'ne ademii'teguet joñe'me Jesucristo male ami qoye'n letaĝayaĝanaĝanaqa ga'me jiyaĝadipi, da'me auajaqaedeuo joga'me najaqajecpi 'me ja di'yo't, nach'egaua jo'ne yataqata 'yamaqate'n joñe'me Dios.

1 Corintios 1:4

Nach'e eta't ami jenate'talo chane'eja janem yamaic joñe'me Dios qa'a ami yaloĝonalo da'me lichoĝodenataĝanaĝac chiyoqotelegue ca'li yemta oquiyegue joñe'me Jesucristo.

Juan 15:16

Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

1 Pedro 4:11

Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.

Filipenses 1:3

Ami yaqaya'olqa, nale ami jenate'talo nach'e eta't janem da'me yamaic joñe'me Dios.

Hechos 5:41

Jogaa'me Jesús lamaĝa's yenoĝodegue, queda'ae ga'me ueteda'a gaa'me jaliaĝanaqa, yataqachiñe made'tape queda'me Dios yaje'tem da'me qoya'uo lachoĝode'j qa'a yajouaĝat da'me lenaĝat ñe'me Jesús.

1 Ts 3:9

Qama'le ¿jach'e ga'me jenaqatec qaedi yataqata jalcote da'me janemaĝam da'me qadamaic joñe'me Qadet'a Dios, queda'me ami chiyaqauelo joga'me t'adaic qadamaic nale yataqata qo'mi nelochi'ñalo joñe'me Qadejaliaĝanec?

Romanos 1:8

Da'me 'uaeñe ja'aĝatetac, chiyaqayi ñe'me Jesucristo da'me janem yamaic ñe'me Dios jouaĝat onolqa'tape ami, qa'a yema qo'yaĝatetac da'me adepi'i.

1 Corintios 15:24

Qom yem da'me dojo', qama'le novi' ga'me loiquiaqa'yaĝac jena'me aleua, qom Cristo doĝotaĝaneque ena'uaque gaa'me payagodipi 'lañaĝaco nataq'aen lañoqotaĝanaĝaco qama'le yanem da'me nejaliaĝa ñe'me mach'e Qadet'a Dios.