Efesios 5:2 - Nuevo Testamento Toba Sombrero Negro

² Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Nuevo Testamento Toba Sur

² Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

La'aqtaqa Ñim Lo'onatac 'Enauacna 2013

² Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Efesios 5:2 Referans Kwoze

Juan 13:34

Chane'eja nayi male ami janema jenjo' dalaĝaic yamaĝajoĝonaĝac: yataqata anoqopichiya'a't onolqa'tape da'me ami. Aueñe'tem da'me jayem da'me yataqata ami joqopitalo, nach'ena jenjo' auauoyi da'me anoqopichiya'a't qomle.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

Colosenses 3:14

Anapaquiyalo'te naa'me naajo' qom anaviquila't joda'me adoqopich'ii, nach'eda necoñeteguet da'me yataqatelegue naqayayaĝac.

2 Corintios 2:15

Qa'a naqaqo'mi jenaqa'am ga'me jama da'me laetayaĝac jo'ne nach'e Cristo yanem ñe'me Dios, qama'le yataqata uayoĝonegue da'me laetayaĝac, yovida'yalo jogaa'me joote nec'aledegue nataq'aen jogaa'me maliaĝa uetedaue da'me lejomaĝa'j.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

1 Corintios 16:14

Nataq'aen yema ga'me auauoyi, 'noota qom 'uo da'me adichoĝodenataĝanaĝaqui.

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

1 Pedro 4:8

Nataq'aen yaguegue qomle da'me yataqata anoqopichiyapega't, qa'a da'me noqopich'i yaqanatet ta'le yapalaĝa't jalcote naa'me nepatenaĝanaĝaco.

2 Corintios 8:9

Ami auayachiñe ñe'me Qadejaliaĝanec Jesucristo yataqachiñe neuoyaq ca'li, qalaĝaja queda'me ami noqopitalo qama'le nec'ata jena'me aleua, yaconeguet da'me lachoĝodec qaedi ami auovidiya'a da'me ami neuoyaĝadi.

1 Juan 3:16

Jayatenaq da'me jo'ne yataqata noqopich'i qa'a ena'am ta'le noqopich'i ñe'me Jesucristo, ca'li yanegue da'me nejiyaĝauayaĝac da'me qoyalat qa'a jouaĝat qo'mi. Chane'eja, nach'e naq'aeta qo'mi, 'noota qom yecochaĝanaĝanegueta da'me qanejiyaĝauayaĝac jogaa'me qadaqaya'olqa.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Hebreos 9:26

Ta'le naqaeda jo'ne eeta qama'le Cristo uotaĝa nach'e eta't 'viyelaĝalegue da'me yeleu, chiyoqotelegue ca'li yemta qoye'et jena'me aleua. Qalaĝaja ja naq'aeta, dite da'me male yovita da'me mach'e loiquiaqa't jogaa'me noloqo'ote, qama'le Cristo male onolec da'me 'naĝatela't, da'me nach'eñe jo'ne najaqajec qaedi doĝotaĝaneque naa'me qadoeco.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

1 Timoteo 2:6

jo'ne nemela't qaedi qoyalat ca'li, qama'le naqaeñe chiyaqayi joga'me nec'alaĝac da'me yema da'me qo'mi, nataq'aen joote yaloĝon ca'li uetalegue jaga'me sodoso male yauana jena'me jiyaĝadipi.

Efesios 4:15

Chane'eja 'noota ta'le da'me qadoqopich'i nach'ena qo'mi yaloĝo'talo qaedi nach'e eta't ja'aĝataĝatac da'me eja, chayovida'a da'me nach'e eta't ñaqaloĝodaqataje'ma joñe'me Cristo, jo'ne nach'eñe qo'mi nejaliaĝatelo'te yemeda naa'me noloqo'ote.

1 Juan 3:23

Nach'eda da'me lamaĝajoĝonaĝac, qaedi jep'iyaqa joñe'me Lec'oĝot Jesucristo nataq'aen 'noota qom ñoqopitaqapega't. Naq'aeta da'me qo'mi yamaĝalo'te ca'li.

1 Timoteo 4:12

At'oiya'aguet qom uo'oe gaa'me ja am 'te 'yamaqate'n queda'me am yaloĝo'n da'me am nejoqolec, mac da'me auaconeguet da'me onaĝaic anejiyaĝauayaĝac, qaedi yataqata am yelodelegue gaa'me Dios lec'oqo'te, qa'a jouaĝat da'me onaĝaic adojaĝac choqoda'me at'oyaĝac, chayovida'a da'me adoqopich'i, da'me t'adaic adepe'e, nataq'aen da'me yataqata am yauata da'me am jiyaĝaua jo'ne yataqata qaya'te auepita'a jena'me aleua.

1 Ts 4:9

Ja auoviñetaque ta'le jediñe ga'me 'yaqatac jo'ne 'yaĝatetac da'me noqopich'i adoqopichiyalo jogaa'me adaqayadi'olqa jo'ne p'iida'a ñe'me Qadet'a, qa'a joñe'me joote ami yapaĝagueneque queda'me 'noota qom anoqopichiyapega't.

Efesios 4:2

Ena'te ami 'yoĝodenaĝayaqa, dite da'me 'noota qom yataqata ami joĝodayaqa naa'me adai'lidi' nataq'aen da'me anapogaĝadeñi. 'Noota qom auodenataĝañetac nale, chiyaqayi da'me adoqopich'ii.

Efesios 3:17

Qama'le ñachoĝodetapecot joñe'me Dios qaedi joñe'me Jesucristo uauelo naa'me adai'lidi', qa'a jouaĝat da'me yataqata auep'iiya'a joñe'me nataq'aen qaedi da'me adoqopich'i nach'eda da'me chiyaqayi yema ga'me auauoyi,

Gálatas 1:4

Jesucristo nach'e eta't yoqo'cha ñe'me Qadet'a Dios, qama'le yaconeguet da'me leleuaĝa qaedi qoyapalaĝa't naa'me qadoeco, qama'le qo'mi yachiyoĝotedaue jena'me aleua 'me ja no'en da'me qo'mi nec'alaĝatedegue.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

Hebreos 9:23

Chane'eja 'uo da'me youetaque da'me 'uo ga'me najaqajec qaedi yiyo'y qoye'n jogaa'me uo'oe jo'ne ch'e lequi'il gaa'me jo'ne yoĝodache 'me ueda'ague di'me piyem. Qalaĝaja gaa'me yoĝodache jo'ne ueda'ague di'me piyem, youetapiye ga'me najaqajec jo'ne onaĝaic, 'me ja ena'ama gaa'me jo'ne qoyauo'oe nale.

Efesios 3:19

Laqaya da'me ñachoĝodenoqo't ñe'me Dios, 'noota qom maqachaĝa auayachiñe jena'me jenjo' loqopich'i joñe'me Cristo jo'ne yataqata t'adaic, mate mane'e da'me qo'mi jiyaĝa'u ja jaqanatetaq ta'le yataqata jayatenaq, qaedi male yema da'me ami qoyanema, chayovida'a da'me ami qoyemata'aque da'me lajoĝoc joñe'me Dios.

Romanos 8:3

Qa'a ñe'me Dios male ye'et da'me jo'ne ja yañoĝot da'me ye'et da'me namaĝajoĝonaĝac jo'ne chiyoqo'ot di'me Moisés, qa'a da'me lachoĝolaĝac da'me ch'e nejiyaĝauayaĝac qama'le ja yaqanatet ta'le yomat da'me dojo'. Qama'le Dios namaĝaquena ñe'me C'oĝot ena'am da'me lachoĝolaĝac ga'me ch'e jiyaĝaua 'me loeco lo'ol nataq'aen ena'am ta'le nemenec 'me nep'aĝaneguet gaa'me loeco joga'me jiyaĝadipi, nach'eda naq'aeta da'me ena'am q'aen ga'me ch'e jiyaĝaua 'me etaĝaloĝoic chiyaqayi da'me male yolaĝachigui ga'me etaĝaloĝoc.

Efesios 5:25

Gaa'me le'mi, 'noota ta'le yataqata noqopitalo gaa'me loua', qa'a nach'e ena'am ñe'me Cristo da'me qo'mi noqopitalo, qama'le qo'mi nep'aĝanegueta ca'li qoyalat,

1 Corintios 5:7

Chane'eja nach'e naq'aeta qomle auajaqayiye ga'me toijec lale'gue jo'ne ja no'en 'me ami 'naĝa't, nach'egaua gaa'me toye's adoecodi', qaedi male ami yoqovite' jo'ne ademiya'a't nale, aueñiya'am jaga'me pan 'me nedochiñe qaya'te lale'gue jo'ne qoye'et nale qonetoneguet ga'me nolo' jo'ne Pascua. Qa'a nach'e ena'am joote qoyalat ñe'me 'naĝanaĝate c'oĝot, qaedi male qo'mi uojotedañi, nach'eñe Cristo.

Romanos 4:25

jo'ne qoyemenoue da'me leleuaĝa yajouaĝa't daa'me qadoeco nataq'aen 'niyelaĝajeguem qaedi qo'mi e'n yataqatelo'te.

Juan 6:51

Naqayem jo'ne pan 'me nec'alaĝa, jo'ne ñenochiñe da'me jachiyoĝogue di'me piyem. Joga'me jo'ne yalic jenjo' pan nach'e eta't da'me nec'aletaye: jenjo' pan jo'ne janegue, nach'ena jo'ne mach'e yapachidiyaĝac, da'me janegue qaedi 'uo da'me lec'alaĝa'j jogaa'me jiyaĝadipi.”

Romanos 8:37

Qalaĝaja ena'uaque naa'me naajo' uo'oe 'uo da'me qadomataĝanaĝac 'me chiyaqayi ñe'me jo'ne qo'mi noqopitalo.

Romanos 15:16

Da'me jo'onataĝaneuo'o ñe'me Cristo Jesús qaedi 'uo da'me liyamaĝa'j ena'uaque jogaa'me jo'ne ja judiopi. Ja'aĝatetac da'me onaĝaic 'naqataĝanaĝac 'me chiyaqayi ñe'me Dios, qaedi ga'me ja judiopi nach'egaua ñe'me Dios Lepaqal ja 'nalo'te q'ae'n qama'le jano't ñe'me Dios, ena'am ga'me najaqajec nale qoyigoue 'me jama ga'me laeta.

2 Corintios 2:14

Jalcote janem da'me yamaic ñe'me Dios queda'me qo'mi yapetede'uo da'me lomataĝanaĝac ñe'me Cristo, nataq'aen queda'me qo'mi yanema da'me ja'aqataĝanaqatapema ena'uaque gaa'me ale'u lael da'me 'laqataĝanaĝac qaedi naq'aeta da'me ena'uaque yateto'n ñe'me Cristo. Ja'aĝataqatac da'me onaĝaic 'naqataĝanaĝac ena'am ta'le jelagaĝataĝalegue ena'uaque gaa'me ale'u lael ga'me jama da'me laetayaĝac ena'am ga'me yoĝoqui jo'ne davioĝon.

Efesios 1:4

Ca'li maliaĝa ja di'yoq jena'me aleua, Dios joote en qo'mi liquiyaqa qaedi qolaĝague ñe'me mach'e Liquiyac Jesucristo, da'me en jajoyaqa'aguet joñe'me Dios, male yataqata ja qo'mi 'te 'nalo'te, qaya'te qanaviyaqataguec. Dios yataqata qo'mi noqopitalo,

Efesios 5:15

Chane'eja 'noota qom yataqata auenache'ta nale joga'me jetaque auauoyi, qama'le ena'te auadenaĝachi' gaa'me chiyoĝo's dite gaa'me yatenaĝanaĝayaqa.

Filipenses 4:18

Joote jaconeguet yema joga'me jayem anamaqaiya, nach'ega jo'ne yataqata alidaq. Qama'le jalcote da'me jauana nayi, qa'a jada'me adajaqaje jo'ne jayem neda'a ñe'me Epafrodito, jaga'me yataqata napacalegue ga'me jouetaque. Da'me adichoĝodenataĝanaĝaqui yataqata jalcote onaĝaic, ena'am joga'me neme jo'ne jama da'me laeta da'me qoyanem joñe'me Dios, qama'le yiyamaĝaden da'me yaconeguet.

Hebreos 8:3

Yema ga'me netaĝayaĝanaĝanec jo'ne qoyen lajoĝola' gaa'me tamenaĝaiqui lo'ol 'uo da'me 'lonatac jo'ne yanoto joñe'me Dios gaa'me lachitaĝanaqa'te ga'me jiyaĝadipi choqoga'me lajaqajecpi jo'ne qoyigouelo. Qama'le nach'e ena'am joñe'me Dios Lec'oĝot youen ca'li da'me ya'uo jaga'me mach'e lachitaĝanaqate.