Efesios 5:16 - Nuevo Testamento Toba Sombrero Negro

¹⁶ Nale 'uo ga'me ladic da'me 'uo ga'me a'vichiye, 'noota qom yataqata a'vichiye jena'me 'noota, qa'a jouaqatauelo naa'me noloqo'ote jo'ne yataqata qalache.

Nuevo Testamento Toba Sur

¹⁶ Qataq ÿataqta qauqopitaxañiÿa'pe naua na'axa'te da qau'ochi ca ÿaÿamaqchiguiñi, cha'ayi naua na'axa'te ÿataqta yiloxoiqa.

La'aqtaqa Ñim Lo'onatac 'Enauacna 2013

¹⁶ Qataq ỹataqta qauqopitaxañiỹa'ape naua na'axa'te da qauo'oche ca ỹaỹamaqchiguiñi, cha'aye naua na'axa'te maye souaqtaiguilo ỹataqta qauema.

Efesios 5:16 Referans Kwoze

Colosenses 4:5

'Noota qom yatenaĝanaĝaic da'me adajoĝoqui nale auajoyiya'agueta joga'me ja p'etaqadaiquipi, nataq'aen yataqachiñe aueloyi'teguelo jogaa'me noloqo'ote.

Juan 12:35

Jesús 'yategueta jogaa'me: —Maliaĝa cha'li cada'ac ami uetauelo da'me yoqochiñe. Chane'eja 'noota qom aueuoitac yatemaliaĝa ami uetauelo jenjo' yoqochiñe, qaedi ja ami 'te yepelaĝa't ga'me 'lalaĝa, qa'a ga'me yeuotapiye ga'me 'lalaĝa ja yayaten ga'me ta'ya.

Efesios 6:13

Chane'eja, yataqata auañidiñe yemeda gaa'me mach'e qoye'n qat'euoĝonaqa'te, qaedi yataqata a'nañaĝachi qom male ami novitalo gaa'me noloqo'ote jo'ne yataqata ja 'noe'n, qama'le yataqata auaqanachichi ta'le ja anajeñe'tegueta gaa'me adaute'udi'.

Gálatas 6:10

Qo'che', qom nach'e eta't jaqanatetaq, je'etaĝama da'me 'noota jogaa'me qadaqaya', qalaĝaja yataqachiñe p'ajaye yecochaĝalo jogaa'me jo'ne quetegue ñe'me Cristo.

Romanos 13:11

Male jouaqatauelo naa'me noloqo'ote jo'ne p'atedegue, qalaĝaja da'me ami ena'am ta'le maliaĝa a'uochetac, qalaĝaja nayi 'noota ta'le aneloyiye, qa'a male qoyoqo'ta ga'me nolo' qomle joñe'me Dios male qo'mi nec'alaĝatedegue, ja ena'am ca'li yemta jep'iyaqa joñe'me Jesús.

Gálatas 1:4

Jesucristo nach'e eta't yoqo'cha ñe'me Qadet'a Dios, qama'le yaconeguet da'me leleuaĝa qaedi qoyapalaĝa't naa'me qadoeco, qama'le qo'mi yachiyoĝotedaue jena'me aleua 'me ja no'en da'me qo'mi nec'alaĝatedegue.

1 Corintios 7:26

Male novi't qomle gaa'me noloqo'ote jo'ne jalcote da'me qadachoĝodec, chane'eja 'uo da'me yelnataĝac queda'me ja 'noota ta'le gaa'me jamaĝayaqa yaĝadegue ga'me ueteda'a.

Efesios 6:15

Nach'e eta't aniyamaĝacheta't qaedi a'uaĝachetac da'me Dios 'laqataĝanaĝac 'me chiyaqayi da'me 'nemaĝac, qama'le aueñiya'am ga'me coico le'ec jo'ne yaidiñe gaa'me lapela'te da'me niyamaĝateta't.

Mateo 25:17

Nach'e naq'aeta ga'me jo'ne qoyanema gaa'me dojole talentos yitaĝa uoja'ae lomataĝanaqate jo'ne dojole talentos.