Biblia Todo Logo
Bib sou entènèt

- Piblisite -




Efesios 5:15 - Nuevo Testamento Toba Sombrero Negro

15 Chane'eja 'noota qom yataqata auenache'ta nale joga'me jetaque auauoyi, qama'le ena'te auadenaĝachi' gaa'me chiyoĝo's dite gaa'me yatenaĝanaĝayaqa.

Gade chapit la Kopi

Nuevo Testamento Toba Sur

15 Qaq ÿoqo'oyi ÿataqta qauloitegue qome da qadataxaqui. Sa ishit da qoñiita'am cam saqca ca ÿaÿajnapec. Chaqdata da qoñiita'am ca ÿajnaxanaxaic.

Gade chapit la Kopi

La'aqtaqa Ñim Lo'onatac 'Enauacna 2013

15 Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

Gade chapit la Kopi




Efesios 5:15
26 Referans Kwoze  

'Noota qom yatenaĝanaĝaic da'me adajoĝoqui nale auajoyiya'agueta joga'me ja p'etaqadaiquipi, nataq'aen yataqachiñe aueloyi'teguelo jogaa'me noloqo'ote.


Qom 'uo ga'me ami uetauelo jo'ne yatenaĝanaĝaic nataq'aen da'me yayatenegueta ena'uac, 'noota qom da'me 'loyaĝac en di'yo't jodaa'me 'lonataqa jo'ne onaĝayaqa, queda'me qaya'te da'me li'yoĝodenaĝac 'me chiyaqayi da'me layatenaĝanaĝac.


Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.


Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.


Qalaĝaja jogaa'me jetaque neuoyaĝadi, yataqata ja naloteguet joda'me napiyenague'j, qama'le tadoue joga'me 'lonaĝanaĝaiqui joñe'me ja yataĝalegue, male ja onolec ga'me yepiteda'a, chayovida'a qom yataqata ja no'en. Qama'le nach'eda da'me dojo' yajouaĝa't gaa'me jiyaĝadipi da'me tadoue ga'me lachoĝode'j let'adaic nataq'aen jena'me neleuaĝa.


Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.


“Yataqachiñe anaquiaĝañiya da'me dojo' 'yaqatac, queda'me ami jama' nayi, qalaĝaja ena'am ta'le ami 'naĝanaĝatelpi jo'ne jamaĝauelo jogaa'me diquiya'ape. Chane'eja 'noota qom ami yatenaĝanaĝayaqa, aueñiya'ama jogaa'me nanayaqa, nataq'aen qaya'te anedaĝayaĝaqui, aueñiya'ama jogaa'me doqoto'pi.


Auelaĝañitapema ena'uaque jogaa'me jo'ne te'me lelnataĝa'j da'me jetaque yauote lovi' joga'me laqaya, qa'a jena'me jenjo' yataqata ja no'en, dite da'me a'nañaĝachi da'me yataqata a'vichi joga'me 'noota ladic, qa'a jena'me jenjo' yataqata 'noota, da'me mach'e ami anoqopichiila't ena'uaque, nataq'aen aueñe'tema naa'me adaqayadi' jo'ne qaya'alo jo'ne neda'ña jena'me jenjo' aleua.


Chane'eja Jesús yanema da'me 'laqatac: —¡Yataqachiñe qaya'te adayatenaĝanaĝaqui nataq'aen ja ami 'te yelo'tegueta da'me a'uamaqachiñe ena'uaque da'me jo'ne 'yaĝatetedac dia'me Dios 'laqataĝanaĝanaqa!


Ta'le naq'aeta da'me dojo', ¿toqoch'e ja jetaque auatetoñiyeguet? Da'me auacoñiyeguet ñe'me Dios Lepaqal, qama'le 'uo da'me lecochaĝac da'me auachiyoĝochiyalegue da'me at'oyaĝaqui 'me dalaĝaic, qama'te nayi ¿toqoch'e jetaque aueñi taue da'me mach'e adoequiaĝaqui?


Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?


Ca'li Pilato yauana queda'me qaya'te yaqanatet dite da'me nichiguegue da'me yalimaĝan, damaĝajoĝonaque ga'me noĝop qama'le yiyo'y naa'me loua' ca'li maliaĝa dajo'tagueta jogaa'me, enaac: —Ja naqayem ta'le janoue da'me leleuaĝa jenjo' jiyaĝaua; mach'e adoĝochi.


Chane'eja te'me jejoidiñe naa'me yeliquetel, jejocoto naa'me lapia'te joñe'me piyem le'ec queda'me te'me 'ñonaĝachigui, qalaĝaja jayem uaqata: “Ena'te aua'uo da'me dojo', qa'a naqayem jo'ne ch'e jayem Dios lalemaĝajet, qama'le nach'e am jena'am, choqogaa'me adaqaya'olqa jo'ne nach'e eta't da'me 'yamaqate'n naa'me 'laqataqa joñe'me Jesús. Nach'eñeta ñe'me Dios jo'ne a'nonaĝachigui.” Qa'a naa'me 'laqataqa joñe'me Jesús, nach'enaua jo'ne 'yañaqate't joñaa'me Dios 'laqataĝanaĝanaqa.


Jesús yitaĝa enaac: —Ena'te gamachaqaega a'uaĝatem da'me dojo'. Nach'edata da'me auec'ata ñe'me tamenaĝaiqui lo'o qama'le analoĝoneguet, nataq'aen auedouo jaga'me adajaqaje, laloĝoiqui da'me male am yoqovita, nataq'aen naq'aeta da'me damaĝajoĝolegue di'me Moisés ca'li, qaedi ena'uaque jogaa'me yayate'n da'me yataqachiñe ademegue, ja am 'te netaye ga'me adapite'na. ¡Jamo: male oc!


Qalaĝaja da'me dojo' 'naqatac nach'e ena'am yelo'teguet da'me noqopitaĝanaĝana't jogaa'me noua'. Chane'eja joga'me le'em, 'noota qom yataqata noqopita jaga'me loua, ena'am nale noqopitela't, qama'le jaga'me yauo, 'noota qom 'nonaĝachigui joga'me loua, yataqata lecochiya.


Qo'che' da'me qo'mi, chiyoqotelegue jo'me nolo' ca'li ami janoma'alo, ja jaĝanaĝañi da'me ami jajelaĝanaĝalo'te nataq'aen jajelaĝanaqatapecot joñe'me Dios qaedi yataqachiñe ami yayatenaĝanaĝaneque da'me loequenataĝanaĝac, choqogaa'me yodapecache nayatenaĝanaĝaco nataq'aen gaa'me netadenataĝanaĝaco 'me ami yanema joñe'me Lepaqal.


Ami Galacia laje', ¡yataqachiñe ja ami 'te damite' qaedi maqachaĝa auetadenataĝañi! ¿Jach'e jogamaĝa ami yeda'n? Naqayem joote ami janema ga'me yoqotenaĝanaĝac jo'ne yataqachiñe di'yoqo'tegue, ga'me eeta da'me leleuaĝa ñe'me Jesucristo ca'li qoyep'elegue jaga'me sodoso.


enaac: —Ja'uo da'me yoec queda'me janaĝaue da'me leleuaĝa ñe'me jo'ne qaya'te loec. Qalaĝaja jogaa'me 'yadeteguet: —Da'me dojo', ¿qo'li jenataqa'ta? ¡Jenjo' mach'e adoĝot!


Cinco gaa'me 'uo da'me nichiyoĝojoĝo'j nataq'aen laqaya' cinco qamqa'me yatenaĝanaĝail.


Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.


Swiv nou:

Piblisite


Piblisite