Efesios 4:32 - Nuevo Testamento Toba Sombrero Negro

³² Dite da'me ami yataqatelo'te nataq'aen aueñi damichiguilo naa'me adai'lidi'; auapalaĝachi nale ga'me laviyaĝajet ga'me adaqayai, qa'a nach'e ena'am ñe'me Dios joote yapalaĝa't gaa'me mach'e qadaviyaĝaje'te, ca'li qo'mi nemelo'te joñe'me Lec'oĝot Jesucristo qaedi male qadec'alegue.

Nuevo Testamento Toba Sur

³² Chaqdato' da qami' soxodaiqa, qataq choxonnataxanaxaiqa, ñi 'oonolec ÿataqta ichoxoden ca lÿa da huo'o ca ÿasouaxat, yaqto' ishit da qoñiita'am ñi Dios da ÿachigoxotchigui so Cristo da qami' ichoxode'n.

La'aqtaqa Ñim Lo'onatac 'Enauacna 2013

³² Chaqrato' da qami' soxoraiqa, qataq qami' choxonnataxanaxaiqa, ñi 'oonolec ỹataqta ichoxoren ca lỹa da huo'o ca ỹasouaxat, 'eeta'am Ñim Lo'onatac 'Enauacna da qami' ichoxore'n chegoqchigui naqa'en So Cristo.

Efesios 4:32 Referans Kwoze

Marcos 11:25

Nataq'aen qom anetameñetac, qom 'uo ga'me ami nautenalo, 'noota qom auapalaĝachi daa'me laviyaqataĝanaĝaco, qaedi nach'e ena'am yapalaĝa't daa'me adoecodi' ñe'me Adet'ai jo'ne na'ague di'me p'ajeguem 'me piyem.

2 Corintios 2:10

Chane'eja, gamachaqaega 'uo ga'me ami 'yeteque ja no'en qama'le avichoĝodeñi, nach'e ena'am jayem jichoĝoden. Qama'le jichoĝoden qom 'uo ga'me lejamaĝataĝac jo'ne nalo'taguet da'me qoyichoĝodenec. Ja'uo da'me dojo' qa'a jouaĝat ami nataq'aen jenaq qa'naĝatoqo't ñe'me Cristo,

Efesios 5:1

Chane'eja queda'me yataqata ami lec'oqo'tepi joñe'me Dios nataq'aen yataqata ami noqopitalo, qama'le 'noota qom auadenaĝachi joñe'me.

Lucas 6:35

Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

Lucas 6:37

“Ena'te ami loqotenaĝanaĝayaqa jogaa'me adaqayadi', qama'le Dios ja ami 'te yachalo'te da'me laloqotenaĝanaĝac. Ena'te auamaqayoue da'me ne'uaĝanague'j jogaa'me adaqayadi', qama'le Dios ja ya'uo 'te ane'uaĝanaguequi. Ena'te auenachi'ta ga'me anaviyaqataguequi, qama'le Dios yapalaĝa't gaa'me adaviyaĝacodi'.

1 Corintios 13:4

Ga'me 'uo da'me loqopich'i yataqachiñe 'uo da'me napogaĝadenaĝac nataq'aen da'me lichoĝodenataĝanaĝac, ja p'aguenataĝanaĝaic, ja mach'e 'nonaĝatapela't, nataq'aen ja ni'yoĝodenaĝaic.

Lucas 17:4

Mate mane'e siete 'viyelaĝalegue ga'me nolo' da'me ya'uo loec jo'ne am nautena, qom siete 'viyelaĝalegue da'me am nec'ata qaedi am t'aqataĝanem: «Male je'ñemaĝañe», 'noota qom auapalaĝat da'me laviyaĝac.”

Mateo 6:12

Auapalaĝa't gaa'me ja 'noe'n jo'ne jauoqo'oe, Nach'e naq'aeta nale japalaĝata' gaa'me ja 'noe'n jo'ne qo'mi qo'yeteque.

1 Juan 2:12

Ami yalaqapi, ami janema jenjo' 'yaqatac qa'a joote qoyapalaĝa't jodaa'me adoecodi', chiyoqotelegue da'me auacoñiyeguet joñe'me Jesús.

Romanos 12:10

Ena'am da'me mach'e adanogaĝa'u gaa'me adaqayadi' da'me yataqachiñe adoqopichiyalo, 'uo da'me auepaquitapegalo nale nataq'aen nach'e eta't auaquiya ga'me adaqaya.

1 Juan 1:9

Qalaĝaja, qom jechoĝotaqa'tape daa'me qadoeco qama'le ñe'me Dios yapalaĝa't ena'uaque jodaa'me, nataq'aen qo'mi nepolidiñe qaedi yiyo'y ena'uac gaa'me jo'ne ja chimadichidiñe. Nach'e naq'aeta qa'a Dios ja doqovinaĝan, dite da'me yataqatelegue joñe'me.

2 Corintios 2:7

Nayi 'noota qom avichoĝodeñi nataq'aen alecochiiya qaedi machiñe q'aen, qa'a uotaĝa yeleuapeguem da'me jalcote totelegue nataq'aen netotepela't.

Santiago 5:11

Qa'a da'me qo'mi jenataqatapega made'tape jogaa'me jo'ne napogaĝadenegueta nataq'aen da'me 'nañaĝategueta daa'me qoye'n lachoĝodeco. Qama'le joote auomachiiya da'me napogaĝadenaĝac di'me Job. 'Uo da'me lachoĝodec joca'li, nataq'aen da'me joote auayachiñe da'me jo'ne 'yetec joñe'me Jaliaĝanec, queda'me yataqachiñe let'adaic da'me lichoĝodenataĝanaĝac, yichoĝoden ga'me jo'ne 'uo da'me lachoĝodec.

2 Corintios 6:6

Temaqaedi da'me uo'oe ena'uaque naa'me naajo', qalaĝaja jaloĝonaq da'me qaya'te lale'gue da'me qat'oyaĝac, jatetonaq da'me eja, 'uo da'me qadapogaĝadec nataq'aen qo'mi qopitaĝanaqataqayaqa. Ñe'me Dios Lepaqal 'me ja 'nalegue uetaue da'me qat'oyaĝac nataq'aen qadoqopita da'me eja.

Lucas 11:4

Auapalaĝa't daa'me qadaviyaĝaco, qa'a nach'e ena'am qo'mi japalaĝata' gamachaqaegaua ja 'noe'n jo'ne qo'mi qo'yeteque. Ena'te qo'mi auaueguedoue da'me qanapiyenaguec.»

Lucas 1:78

Qa'a da'me let'adaic lichoĝodenataĝanaĝac ñe'me mach'e Qanedios, Qama'le qo'mi namaĝalo ñe'me Qadec'alaĝaiqui, jo'ne chiyaqaje'ma di'me p'ajeguem, ena'am ta'le nolo' jo'ne dalaĝaic,

2 Pedro 1:7

Nach'e ena'am avichoĝodeñi' gaa'me adaqayadi' qama'le yataqata adoqopichiya ena'uac.

Hechos 28:2

Jogaa'me 'lachaqa'tedi yataqachiñe 'noota da'me qo'mi 'yeteque, qama'le yetetedoue ga'me dole' t'adaic, yajouaĝat da'me uotep ca'li nataq'aen jo'om, qama'le qo'mi yiyaĝanalo qaedi jec'otaĝa.