Efesios 4:31 - Nuevo Testamento Toba Sombrero Negro

³¹ Aĝañiñi da'me anaucheñiya ga'me adaqayai; ena'te aualemataitac; ena'te aueloiquiitapega't; ena'te auachinataĝañilegue ga'me adaqayai uotaĝa ta'le a'uotañi nale.

Nuevo Testamento Toba Sur

³¹ Qaq ÿoqo'oyi imauec qome da qai'axañiiuec da huo'o ca dalematatapega ca lÿa, huo'otaq da nquiÿatapega, huo'otaq da huo'o ca i'alaqtalec ca lÿa, huo'otaq da ishiueetac, qataq 'enauac nam sa ÿaÿamaxañisat.

La'aqtaqa Ñim Lo'onatac 'Enauacna 2013

³¹ Qaỹa'axañiiuec qome da qaraquicoqoi qataq da qaralemataiqui. Qataq saishet da qaua'alqaitai' qataq saishet da qasheuñiitac ca qarỹai. Qataq qaỹa'axañiiñi da qauo'ocheetac na qauem.

Efesios 4:31 Referans Kwoze

Colosenses 3:8

Qalaĝaja nayi aĝañidiñi ena'uaque naa'me naajo': da'me nalemataic, gaa'me adelnataĝacodi' 'me ami yachoĝode'n, gaa'me ja 'noe'n, gaa'me 'nenaĝanataĝanaĝaco nataq'aen ga'me 'naqataqa jo'ne paĝachiguilo.

1 Pedro 2:1

Chane'eja 'noota qom aĝañidiñi ena'uaque naa'me yodapecache jo'ne ja 'noe'n. Ena'te auoqovinaĝañetac, uotaĝa ta'le ja ami 'te yataĝalo'te, uotaĝa ta'le 'uo ga'me adep'aguenataĝanaĝaqui uotaĝa ga'me ade'uenaĝanaĝaqui.

Santiago 1:19

Anetoviñetac da'me dojo', ami yaqaya'olqa jo'ne ñauotaĝa'upi: 'noota qom aleuocheta da'me anaquiaĝañi, qalaĝaja anepochitapegue' da'me a'uaqataĝañetac, qama'le nach'e ena'am da'me qom te'me aualemataitac.

Colosenses 3:19

Ami le'mi jo'ne joote a'uoñi, 'noota qom adoqopichiyalo naa'me adouadi', ena'te a'vichiyeque ga'me co'yaq.

Santiago 3:14

Qalaĝaja da'me ami qom auauoyi joda'me ladiiuo da'me nep'aguenataĝanaĝac jo'ne yalemataĝanaĝa'n jonaa'me adai'lidi' nataq'aen auauoyi da'me jo'ne ja 'namaqatenataĝanaĝac qama'le 'noota qom ena'te ch'e ani'yoĝodeñiyeguet joda'me adayatenaĝanaĝaqui, qa'a ch'e anoqoviñetapela't nataq'aen ena'am ta'le ja ami 'te uetauelo joda'me yataqatelegue eja.

Efesios 4:26

Qom aualemataitac, ja 'noota ga'me adalemataiqui ami yaueguedoue da'me auauoyi ga'me adoequi; ena'te auen taue ga'me nolo' da'me aualemata,

1 Juan 3:12

Ena'te jenaqa'am di'me Caín, jo'ne quetapegue' ñe'me payac joca'li qama'le niquiya'a di'me lanoqolec Abel, chayovida'a yalat jodi'me. Qama'le ¿toqoch'e yalat? Yalat jaĝa'te qa'a Caín ja 'noe'n daa'me 'lonataqa qalaĝaja di'me lanoqolec qamqa'me 'noote' daa'me 'lonataqa.

Santiago 4:11

Ami yaqaya'olqa, 'noota qom nach'e eta't da'me a'uamaqachiñe' gaa'me adaqayadi', qa'a joga'me jo'ne en ja no'en na'me 'laqatac 'me yachalegue joga'me jo'ne mach'e laqaya, choqoda'me naloqote'n, nach'ega jo'ne nach'e ena'am da'me en ja no'en ga'me 'laqatac q'aen da'me yejouetac da'me Dios lamaĝajoĝonaĝac, queda'me ya'uo da'me mach'e laloqotenaĝanaĝac da'me dojo' namaĝajoĝonaĝac. Qama'le nach'ega jo'ne ja yoqo'cha da'me dojo' Dios 'laqatac.

Tito 1:7

Ñe'me jo'ne nepoda'tape gaa'me p'etaqadaiquipi 'noota ta'le qaya'te lejamaĝataĝac, qa'a netela da'me Dios 'lonataĝanaĝac. Nataq'aen 'noota ta'le ja pagaĝalaic da'me damaĝajoĝonaĝac, 'noota ta'le ja lemataqaic, ja yomaĝaic, uotaĝa ta'le ja dodinataĝanac, uotaĝa ena'am ta'le ch'e naquitetapega da'me nejetenaguec.

1 Timoteo 3:11

Nataq'aen jogaa'me yauo' jo'ne jetaque uedaue jena'me jenjo', 'noota ta'le yauo' jo'ne onaĝayaqa loec, ja 'noota ta'le quejaĝail, 'noota ta'le yataqata joĝodail, uotaĝa yataqata ejoda nale 'uo ga'me yauote.

2 Corintios 12:20

Jo'oyapega nale jenate'ta qom ami jec'atalo da'me ami jejapichiyalo, qama'te jauana ga'me at'oyaĝaqui jo'ne ja ja'amaqaten, nataq'aen jayem auañiya ga'me 'yoyaĝac jo'ne ja naqaega ta'le jetaque auañiya. Jo'oyapega ta'le ami jejomalo'te da'me aueloquitapega't, uotaĝa aualemataitapega't, 'uo da'me 'yotaĝac, nachinataĝanaĝac, novidaqataĝanaĝac, 'yoĝodenaĝac nataq'aen qaya'te niyamaĝa ami uetauelo.

1 Corintios 14:20

Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

1 Timoteo 5:13

Male ena'ama gaa'me ja namaidiñe, quetayilo gaa'me 'nachaqa'te, yataqata choĝolaĝail —ja onolec da'me choĝolaĝail, nataq'aen male qovinaĝanaĝail—, eetedapega yema yayate'n, nenaĝatedegue ga'me ja chimadichiñe.

Gálatas 5:20

Netamenoto gaa'me qop'iya'alo 'me ja ejoda, napaĝagueta da'me 'uo ga'me napinec qaedi pi'yoĝo'n nataq'aen ja yeuote'n gaa'me laqaya'. Mach'egaua deloiquitapega't, c'alaĝanaĝayaqa nataq'aen gamachaqaega yalemataĝanaĝa'n. Mach'e niyamaĝadetapela'ajalo, nach'e eta't necotayapega't, nataq'aen jogaa'me chiyaqayilo da'me male onolqa'tape uo'oe naa'me mach'e tayapegue'galo.

1 Corintios 5:8

Chane'eja, da'me qat'oyaĝac ena'am nale qonetotapec ga'me nolo', qalaĝaja 'noota qom ja qolaqatelegue da'me ja no'en jo'ne ja yiyamaĝaden ñe'me Dios, da'me jo'ne ena'am jaga'me pan jo'ne uetaye ga'me nalequetenaĝanaĝat 'me toijec. Nach'edata da'me qolaqatelegue da'me yataqatelegue choqoda'me eja, da'me jo'ne ena'am jaga'me pan jo'ne nedochiñe qaya'te lale'gue.

Romanos 3:14

Najaqachiguilo naa'me nedegaqa'te, nach'edata da'me yachalegue da'me ne'uaĝanaguec ga'me laqaya, nataq'aen qaya'te jama naa'me 'laqataqa.

Apocalipsis 12:10

Qama'le jomachiya ga'me 'naqatac jo'ne yejam 'me chimaqapegue di'me piyem jo'ne eetac: “¡Nayi joote novitequena da'me lec'alaqataĝanaĝac ñe'me Qanedios; Male di'yoq da'me lañoqotaĝanaĝac qaedi nejaliaĝatelo'te yema ga'me aleua laje'pi, Nach'e ena'am male di'yoq da'me mach'e lejaliaĝa ñe'me Liquiyac! Qa'a joote qoyamaĝaye ñe'me lauteua' gaa'me mach'e qadaqaya'olqa, Ñe'me jo'ne yemeda naa'me noloqo'ote choqogaa'me pi'yaĝadi da'me ya'uo da'me latenataĝanaĝac jo'ne yaloĝona ñe'me mach'e Qanedios.

1 Juan 3:15

Ga'me jo'ne niquiya'a ga'me laqayolec ena'am ta'le lataĝanaĝaic joga'me, nataq'aen auayachiñe queda'me qaya'te lataĝanaĝaic ta'le yauana da'me 'loyaĝac jo'ne yataqatelegue.

Tito 2:3

Nach'e naq'aete' gaa'me 'yaĝainadi' 'noota qom yataqatelegue da'me 'loyaĝa'j, nataq'aen ja quejaĝail, uotaĝa ta'le lataĝa lete'. 'Noota qom yauote da'me onaĝaic qaedi qoyadenaĝa't

2 Timoteo 2:23

Ena'te anaquiaĝanalo jogaa'me napetaĝaco jo'ne ja 'noe'n nataq'aen paĝachiguilo, qa'a auayaten nach'enaua chiyaqayilo da'me neloiquiaĝac.

1 Timoteo 3:3

'Noota qom ja lataĝa lae't, uotaĝa ta'le ja dodinataĝanac, dite da'me yataqata qopitaĝanaqataqaic, napogaĝadeneguet ga'me ja no'en, nataq'aen ja en 'te p'ajaye jaga'me laicaua.

Hechos 21:30

Yema ga'me noic ja niyamaĝa ca'li, ga'me jiyaĝadipi naqalegoqotaye ca'li yovidetapiye't. Qoyacotegue ñe'me Pablo qama'le qoyauequeta'ya ga'me p'aye ñe'me tamenaĝaiqui, paja'a qoyapadiñguilo gaa'me jo'mi.

2 Timoteo 3:3

Naqaegaua jiyaĝa'u jo'ne qaya'te loqopich'i, nataq'aen qaya'te lichoĝodenataĝanaĝac, male qovinaĝanaĝayaqa, nataq'aen ja yaqanate't ta'le ja yauote ga'me lamanaĝanaĝa'j, yataqata qaleuaĝayaqa, male nauteta da'me 'noota.

Efesios 4:22

Chane'eja ena'te yitaĝa auacoñiyeguet ga'me at'oyaĝaqui toijec jo'ne te'me ami 'naĝa't ca'li, jouaĝat gaa'me namaico jo'ne ja ejoda.

Efesios 4:25

Chane'eja 'noota qom ja yitaĝa ami pecayaqa, dite da'me ami yataqatelo'te nale, anenaĝachiyegue da'me eja nale auojeyapegue'to gaa'me adaqayadi', qa'a qadalo'ta't da'me jouaqataue na'me 'loyaĝac ñe'me Cristo.