Efesios 4:30 - Nuevo Testamento Toba Sombrero Negro

³⁰ Ena'te aueñi totelegue joñe'me Dios Lepaqal jo'ne ja 'nalegue, qa'a naqaeñe joote ami 'yaneque da'me qoyen di'yoq queda'me ami lec'oqo'tepi joñe'me Dios. Nach'eñe jo'ne ami uetauelo chayovida'a qom yovita ga'me nolo' p'ategue qom Dios ami e'n uojotedañi.

Nuevo Testamento Toba Sur

³⁰ Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

La'aqtaqa Ñim Lo'onatac 'Enauacna 2013

³⁰ Qataq saishet qome da qauaquicoqchichi So Saqcha'a Na'añaxac Qui'itta maye chegoqo'ot Ñim Lo'onatac 'Enauacna. Cha'aye somaye nacheso so chegoqchigui da qami' qaỹa'a'n, da yaqto' qami' lalamaqa'ate Ñim Lo'onatac 'Enauacna, yaqto' qami' ỹataqtegueta naqa'en Ñimaye, qom ivita que'eca na'a'q qom ỹoqta ima da qami' isoueeguesopa da ñe'etaxaloxo.

Efesios 4:30 Referans Kwoze

1 Ts 5:19

Ena'te a'uomaĝachi da'me 'lonataĝanaĝac joñe'me Dios Lepaqal,

Hechos 7:51

“Qalaĝaja ami, nach'eda da'me ja damichiguilo naa'me adai'lidi' nataq'aen naa'me adequetela lacodi' choqonaa'me adai'lidi' chiyoĝo's. Nach'eda da'me anauchiñetapega ñe'me Dios Lepaqal jo'ne ja 'nalegue, yataqachiñe auañiya'ama dia'me adet'aldi'.

Romanos 8:23

Nataq'aen ja jaldata da'me 'uo ga'me lachitataic jaga'me, dite da'me nach'e ena'am qo'mi, jo'ne joote ua'ajopa ñe'me Dios Lepaqal jo'ne qane'uauaĝat queda'me 'uo ga'me uoja'ega qo'mi qoyanema qomle. Yataqachiñe qaya'ñgui da'me qadachoyaĝac, jediajoqo'taguet ga'me nolo' qom ñe'me Dios qo'mi yaconegueta da'me male lec'oqo'tolqa, nach'eda male qoyejodegue naa'me qadoje'.

Romanos 8:11

Nataq'aen qom ñe'me Dios Lepaqal 'me 'niyelaĝachijeguem ca'li ñe'me Jesús qom eja ami uetauelo, nach'eñe joñe'me 'me 'niyelaĝachijeguem ca'li ñe'me Cristo ami yanema naa'me adoje'edi' da'me ladalaĝa'j 'me netayelo da'me leleuaqa't qa'a chiyaqayi ñe'me Dios Lepaqal 'me ami netayelo.

Marcos 3:5

Chane'eja joñe'me Jesús jalcote da'me totelegue ca'li, nataq'aen dalematayi da'me lec'atenaĝanaĝac qa'a ja jetaque yacoteguet ga'me enaac, qama'le enapega ñe'me jiyaĝaua: —¡Anodegue na'me adouaq! Ñe'me jiyaĝaua nodegue, qama'le paja'a 'noota ga'me louaq.

Hebreos 3:10

Chane'eja male jalemata, qama'le jeetac: «Naa'me adai'lidi' nach'e eta't yejoma'ape, Qama'le ja a'uamaqachiñe ta'le jayem auoqochiiya.»

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

Hebreos 3:17

Nataq'aen ¿jach'e jogamaĝa gaa'me jiyaĝa'u jo'ne yauote da'me lalemataic joñe'me Dios nalo'taguet cuarenta jaa'me 'uoidi? Nach'egaua jogaa'me jo'ne yauote da'me loe'j qama'le tadoue da'me neleuaĝa da'me ueda'a di'me aleua jo'ne totapega't.

1 Corintios 15:54

Nataq'aen qom yepaquetelegue da'me dojo', jenjo' qanejiyaĝauayaĝac 'loyaĝac jo'ne yeleu qomle, qom yem da'me qoneleguemaĝata da'me jo'ne ja yitaĝa yeleu, qama'le yepaquichigui ga'me jo'ne joote qoyediñe ca'li naa'me nedii's jo'ne 'laqatac ñe'me Dios, jo'ne eet'oi: «¡Da'me neleuaĝa male qoyolaĝachigui, qama'le da'me qadomataĝanaĝac male nalo'ta't!»

Lucas 21:28

Qom yepacalegue da'me di'yo'quena naa'me naajo' uo'oe, qama'le 'noota qom auacoñiyeguet da'me at'añaĝaqui, qa'a nach'ega laloqo' da'me ami qonec'alaĝatedegue.”

Juan 3:33

Joga'me jo'ne yaconeguet da'me 'laqataĝanaĝac joñe'me, nach'ega en yataqatelegue q'aen joñe'me Dios;

Hebreos 10:29

Qama'le nayi, ¿qo'li ja yaguegue ga'me ne'uaĝanague'j qoyen jogaa'me jo'ne 'yota'n ñe'me Dios Lec'oĝot? Qa'a nach'egaua gaa'me jo'ne ja 'yamaqate'n jaga'me letauo' joñe'me, nach'aga jaga'me letauo' jo'ne naliñi qoyen joca'li qaedi en yepaquichigui da'me 'namaqatenataĝanaĝac dalaĝaic, qama'le en qoyapalaĝa't gaa'me qadoeco. Nach'e ena'am jogaa'me ye'uetedac ñe'me Dios Lepaqal jo'ne qo'mi yichoĝode'tape.