Efesios 4:28 - Nuevo Testamento Toba Sombrero Negro

²⁸ Joga'me jo'ne cachaĝaic ca'li, 'noota qom yaĝañi da'me lecachaĝac. Nach'edata da'me t'onataĝan nayi qaedi 'uo ga'me chiyaqayi, qama'le yaqanatet da'me lecochiyalo gaa'me louenaĝanaĝaco.

Nuevo Testamento Toba Sur

²⁸ Qaq cam decachitapec co'ollaxa, qalaq no'on da ÿaxaañi nagui da lcachaxac. Chaqdato' da do'onataxan, ÿacootapegue' ca l'onatac, yaqto' ishit da itauan cam huo'o da lhuenaxanaxa.

La'aqtaqa Ñim Lo'onatac 'Enauacna 2013

²⁸ Qaq cam decachetapec co'ollaxa, qalaq no'on da ỹaxaañi nagui da lcachaxac. Chaqrato' da do'onataxan, ỹo'ottac ca maiche lalamaxat lo'onatac, yaqto' ishet da itauan cam huo'o da lhuenaxanaxa.

Efesios 4:28 Referans Kwoze

1 Timoteo 6:18

Nataq'aen a'uaĝatema qaedi yauote da'me 'noota, qa'a da'me onaĝayaqa 'lonataqa ena'am ta'le yataqata neuoyaĝaco. Nataq'aen 'noota ta'le ja jemataqayaqa, nataq'aen onaĝaicaloec.

Gálatas 6:10

Qo'che', qom nach'e eta't jaqanatetaq, je'etaĝama da'me 'noota jogaa'me qadaqaya', qalaĝaja yataqachiñe p'ajaye yecochaĝalo jogaa'me jo'ne quetegue ñe'me Cristo.

Juan 12:6

Qalaĝaja jenjo' jo'ne nenaĝategue ñe'me Judas ja naqaeda ta'le jetaque yichoĝode'n gaa'me choĝodache, dite da'me ch'e cachaĝaic joñe'me, qama'le queda'me yelolegue qoyen ga'me noĝoiqui jo'ne lae't jana'me laicaua, qama'le jaga'me qoyachañgui joga'me noĝoiqui 'me laicaua nach'eda da'me decachiye.

Lucas 19:8

Chane'eja Zaqueo ñijeguem qama'le t'aqataĝanem ñe'me Jaliaĝanec: —Jaliaĝanec, nayi janema gaa'me choĝodayaqolqa ga'me laeñi yema ga'me jo'ne jauana; nataq'aen qom 'uo gamachaqaega jecachiyot qama'le cuatro ji'iyelaĝateguet da'me yitaĝa janem.

2 Corintios 8:12

Qa'a qom 'uo ga'me ami yataqachiñe eja 'uo ga'me yanegue, Dios matac q'aen qom auauoyi jaga'me adajaqajai, qa'a ñe'me ja yeuate'ta ta'le janaĝaye ga'me ja jauanaĝa.

2 Corintios 8:2

Temaqaedi da'me joote tauelo gaa'me qayoĝode' laqalaico, qalaĝaja nach'e eta't made'tape jogaa'me. Mate mane'e choĝodache, qalaĝaja jaga'me lajaqaje' ena'am ta'le neuoyaĝadi.

Romanos 12:13

Gaa'me louenaĝanaĝaco gaa'me Dios lec'oqo'tepi 'me ja 'nalo'te, 'noota qom anaviquila't; a'nonaĝachiyeguilo gaa'me jo'ne ami dejapichiyalo.

Juan 13:29

Joñe'me Judas nach'eñe yelapelegue joca'li joga'me noĝoiqui jo'ne uapiñgui jaga'me laicaua, qama'le uo'oe jogaa'me eetedapega Jesús yamaĝalegue ñe'me Judas qaedi neuoden qa'a 'uo joga'me qoyouetaque jena'me liqui'yaĝa'j. Gaa'me laqaya' 'uo da'me lelnataĝa'j da'me uotaĝa male jetaque 'uo joga'me qoyanema jogaa'me choĝodache.

Lucas 3:8

'Noota qom qoyauana da'me at'oyaĝaqui queda'me yataqata eja da'me a'viyelaqaiyot joñe'me Jaliaĝanec. Nataq'aen ena'te aueñetapela't: «¡Qo'mi qonec'alaĝatedegue qomle qa'a yataqachiñe qo'mi lec'oqo'tepi di'me Abraham!»; qa'a eja da'me ami jenapegalo queda'me chayovida'alo naajo' qadipi Dios yaqanatet ta'le neleguemaĝatalo daa'me Abraham c'oqo'tepi.

1 Corintios 4:12

Mate mane'e qadeliñi qalaĝaja qolaqatalegue da'me qat'onataĝanaĝac; mate mane'e ja 'noe'n gaa'me 'naqataqa 'me qo'mi qoyachalo'te, qo'mi qamqa'me jenaĝa 'noote' gaa'me qat'aqataqa nale ja'ataĝagueta jogaa'me; mate mane'e qo'mi qoyecaa'tape qalaĝaja qo'mi jejetaĝaguet.

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Tito 3:14

Nataq'aen ena'uaque gaa'me mach'e qadepi'iyaĝa'u 'noota qom yayate'n ta'le yauote joda'me 'noota, qama'le lecochiyalo gaa'me jo'ne 'uo da'me louenaĝanaĝa'j, qaedi qoyiyamaqa'tema jogaa'me.