Efesios 4:24 - Nuevo Testamento Toba Sombrero Negro

²⁴ nataq'aen yataqata auacoñiyeguet da'me at'oyaĝaqui dalaĝaic jo'ne 'lonatac joñe'me Dios, qaedi male di'yoq da'me ami yataqatelo'te nataq'aen ami ja 'nalo'te.

Nuevo Testamento Toba Sur

²⁴ Qataq qai'añiiñi da dalaxaic achaalataxac mayi maichi chigoqchigui da l'onatac ñi Dios mayi ÿataqta ichoxot da no'on nataxac qataq qui'itta.

Efesios 4:24 Referans Kwoze

2 Corintios 5:17

Nayi yataqachiñe qademe'teguet ñe'me Cristo, qo'mi jo'ne dalaĝaic da'me qa'netaguec. Ñe'me Dios male ja yitaĝa qo'mi yec'ateneque ga'me toijec qat'oyaĝac, dite da'me qo'mi yanema da'me qaedi jaconaĝaguet da'me dalaĝaic qat'oyaĝac.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Romanos 13:14

Ena'te jelaqaque joga'me neloiquiaĝac, dite da'me janaĝaiñe da'me Jaliaĝanec Jesús nataq'aen ena'te ñetaqaque gaa'me aleua lamaico.

Efesios 6:11

A'ueuoĝoñiyot da'me dojo' 'leuoĝonaĝa't joñe'me Dios jo'ne ami yanema, qaedi yataqata adaloi'tagueta yema gaa'me payac letaĝaloĝoco.

Romanos 6:4

Qa'a jouaĝat da'me nachilaĝanataĝanaĝac nach'e ena'am qo'mi ena'am ta'le jouaĝaue jaga'me napa'l lae't jo'ne qoyachaue ca'li ñe'me Cristo, nataq'aen ena'am ta'le qadeleu ca'li qaedi qo'mi qo'niyelaĝachidijeguem nataq'aen qadec'alegue qaedi jaconaĝaguet da'me 'noyaĝac dalaĝaic, nach'e naq'aeta ca'li Cristo qo'niyelaĝachijeguem, chiyaqayi da'me let'adaic lañoqotaĝanaĝac ñe'me Let'a.

2 Corintios 3:18

Qama'le qo'mi ja qo'mi 'te netayelo ga'me ualoq jo'ne yapadelegue na'me qadatajoĝoc. Jenaqa'am ga'me c'atenaĝanaĝaqui jo'ne yaloĝon da'me 'lonaĝac ñe'me Jaliaĝanec, nach'eñe neleguemaĝat da'me qat'oyaĝac qama'le ñichigaqa'ta da'me jenaqa'am joñe'me, yajouaĝat da'me qo'mi t'onataĝanouelo ñe'me Lepaqal 'me ja 'nalegue.

2 Corintios 4:16

Qo'che' ja qadoual. Mate mane'e ga'me qadapat ena'am ta'le nemetapiñi, qalaĝaja ñe'me qadepaqal nach'e eta't nichique'tague da'me nadalaĝac.

Romanos 13:12

Joote qo'mi nedalo'te da'me pi'yaq, yamta'le da'me nete'. Chane'eja jaĝanaĝadiñi gaa'me 'lonataqa da'me 'lalaĝa, qama'le janaĝaiñe da'me yoqochiñe, ena'am ga'me coico le'ec yaqataĝata't nale 'uo ga'me nalada't.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

1 Pedro 2:2

Ena'am ga'me notolec jo'ne yemta niyiñe netaque da'me lamaic jaga'me lochi', qama'le nach'e ena'am da'me ami, 'noota qom anechiyaque da'me lamaic da'me 'laqatac ñe'me Dios, qaedi ga'me jo'ne chiyaqayi en anichiquitajeguem nataq'aen da'me 'uo da'me adec'alaĝaqui,

Romanos 8:29

Jogaa'me jo'ne joote latetoñii's ñe'me Dios joca'li, jogaa'me yanema da'me chiyoqochiñe eda'am ñe'me Lec'oĝot, qaedi ñe'me Lec'oĝot nach'eñe nepiloĝot da'me yataqata jalcote joga'me lanoqolqapi.

Juan 17:17

Nataq'aen aviyamaĝatetouelo da'me eja jo'ne am chiyaqayi, nach'edaua daa'me at'aqataqa jo'ne yataqata ejoda.

Gálatas 6:15

Qalaĝaja, eja male ja p'ajaye qom qoyaconeguet da'me 'nanaĝajet jo'ne nichaĝajoĝonaĝac, uotaĝa ja qoyaconeguet. Da'me jo'ne p'ajaye ta'le dalaĝaic da'me lajoĝoc ga'me jiyaĝaua.

Gálatas 3:27

qa'a ca'li ami qonachilaĝa'n, nach'e ena'am ami qoyapetenegueta ñe'me Cristo, qama'le nayi da'me adajoĝoqui auañiya'am joñe'me.

1 Corintios 15:53

Qa'a youetaque ta'le qoyeleguemaĝat da'me qanejiyaĝauayaĝac 'loyaĝac jo'ne yovita da'me nouayi qomle, qoyeleguemaĝata da'me ja 'naidena'a; da'me qanejiyaĝauayaĝac 'loyaĝac jo'ne yeleu qomle, youetaque da'me qoyeleguemaĝata da'me male ja yitaĝa yeleu.

Efesios 2:15

Cristo male yaloĝon da'me 'noota ta'le qoyaĝañi jaga'me judiopi lamaĝajoĝonaĝac lae't, 'noota qom ja qoya'uo yema joga'me uetalegue jaga'me, qama'le ena'am ta'le en tayi da'me naajo' dos noyaqa male yataqata e'n naqaya' jo'ne uetedaue da'me 'nemaĝac.

Hebreos 12:14

Anepogoĝoiñetapegue' da'me nach'e eta't ami uetauelo da'me 'nemaĝac, ena'uaque da'me ami, nataq'aen da'me nach'e eta't da'me ami ja 'nalo'te, qa'a qom qaya da'me qat'oyaĝac jo'ne ja 'nalegue qama'le ja jaqanatetaq ta'le jauanaĝa joñe'me Jaliaĝanec.

Hebreos 1:8

Qalaĝaja da'me jo'ne 'yaĝatem joñe'me Lec'oĝot eetac: “Nach'e am jo'ne am Dios, qama'le qaya'te loiquiaqa' da'me adejaliaĝa, Nataq'aen da'me am jo'ne yataqatelegue da'me anejaliaĝatelegue ena'uac.

Lucas 1:75

Qaedi yataqachiñe jenaĝa ja 'nalo'te gaa'me qat'onataqa nataq'aen qo'mi chimadichidiñe Da'me ñauegaĝala't da'me qo'mi uetauelo, da'me cha'li 'uo da'me qanejiyaĝauayaĝac.

Romanos 7:6

Qalaĝaja nayi joote qadeleu, jachiyajaqauelo gaa'me namaĝajoĝonaĝaco jo'ne qo'mi jouaqa'tot da'me 'lañaĝac, naq'aeta da'me qo'mi male uojotedañi qaedi jo'onataĝanoqot ñe'me Dios joda'me dalaĝaic qat'oyaĝac 'me chiyaqayi ñe'me Lepaqal, nataq'aen ja jouaqa'tot ga'me toijec namaĝajoĝonaĝac.

Romanos 12:2

Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.

2 Pedro 1:4

Naa'me naajo' jo'ne uo'oe, nach'enaua jo'ne chiyaqauelo da'me jo'ne qo'mi 'yaĝatema jo'ne yataqachiñe let'adayaqa nataq'aen da'me jalcote da'me lajo'viyaĝac, qaedi naa'me naajo' jo'ne uo'oe e'n auañoĝochi da'me aneuañiya'uo da'me lajoĝoc ñe'me Dios qama'le nach'e ena'am da'me ami yaĝa'n da'me neleuaĝa jo'ne chiyaqayilo naa'me ja 'noe'n jo'ne lelnataĝaco ga'me loeco lo'olpi 'me uetedalegue jena'me aleua.