Efesios 4:17 - Nuevo Testamento Toba Sombrero Negro

¹⁷ Da'me jayem lamaĝajec ñe'me Qadejaliaĝanec, qama'le nayi jenjo' ami ja'aĝatema: ami jachitatatapegalo ta'le ja auadenaĝachi gaa'me jo'ne ja p'iida'a joñe'me Dios, jo'ne que'teguelo gaa'me ch'e lelnataĝaco jo'ne ja 'noe'n.

Nuevo Testamento Toba Sur

¹⁷ Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

La'aqtaqa Ñim Lo'onatac 'Enauacna 2013

¹⁷ Qaq cha'aye aỹem ña'attaua'a So Qarataxala', ỹoqo'oye qami' shenapegalo qataq qami' seqatalo da saishet da qoñiita'am da lataxac nam saishet da ỹauatton Ñim Lo'onatac 'Enauacna, cha'aye namayepi quetegueto naua qauema lhuennataxaco maye qaica ca naiguilo.

Efesios 4:17 Referans Kwoze

Romanos 1:21

Qa'a mate mane'e yateto'n ñe'me Dios, qalaĝaja eetede'em da'me ja naqaeñe ñe'me Dios da'me ja 'nonaĝachidegue, uotaĝa ta'le yate'm da'me lamai'j. Ja naq'aeta, dite da'me chayovida'a yovideta da'me nichiyoĝojoĝo'j naa'me lelnataĝaco nataq'aen naa'me lai'li yataqachiñe uetayelo da'me 'lalaĝa.

2 Pedro 2:18

Nataq'aen da'me 'uo da'me lajamaĝa let'adaic ga'me jo'ne 'yaĝatetedac qalaĝaja qaya'te ta'le chiyaqayi, nataq'aen yejomaĝana'ape naa'me mach'e lamaico choqonaa'me lamanaĝanaĝaco da'me ch'e nejiyaĝauayaĝa'j naa'me jo'ne yemta yañoĝo't da'me ca'ae jogaa'me jo'ne uetedaue da'me lepatenaĝanaĝa'j.

Colosenses 2:4

Qama'le ami ja'aĝatema da'me dojo' qaedi qaya'te ami yoqovineque qomle gaa'me 'laqataqa qaedi ami 'naĝa't.

1 Pedro 1:18

Qa'a joote auayachiñe da'me ami joote qoyachiyoĝotedaue da'me 'noyaĝac jo'ne qaya'te chiyaqayi, da'me 'noyaĝac jo'ne e'n adoĝochi jodia'me mach'e auachiyoĝogueta 'me adet'aldi', nataq'aen auayachiñe da'me jo'ne lajo'viyaĝac jenjo' jo'ne yaqanatet da'me ami nauela'ajalo ja qoyen 'te lajo'vi ga'me oro uotaĝa jaga'me plata jo'ne pa'l jo' qomle,

Hechos 20:21

Ga'me judiopi nataq'aen ga'me ja judiopi ja'aqataĝanema queda'me 'noota ta'le 'viyelaĝadetot joñe'me Dios nataq'aen 'noota ta'le p'iida'a ñe'me Qadejaliaĝanec Jesús.

Hechos 18:5

Ca'li Silas nataq'aen Timoteo yovi't chiyoqoda'a di'me Macedonia, Pablo yataqachiñe yema'eguet da'me 'yaĝatetac da'me 'naqataĝanaĝac nataq'aen yechoĝotetapema joga'me judiopi queda'me Jesús mach'e Dios Liquiyac.

Hechos 14:15

—¿Toqoch'e naq'aeta da'me auauoyi? Nach'e ena'am qo'mi jiyaĝa'u, ami jenaqa'ama. Qo'che' ñanaĝaequena qaedi ami ja'aĝataĝama da'me onaĝaic 'naqataĝanaĝac, nataq'aen qaedi aĝañidiñi naa'me naajo' uo'oe jo'ne qaya'te gamachaqaega chiyoqodayi, qama'le a'viyelaqaiyot joñe'me Dios jo'ne nec'aletaye, jo'ne ye'et di'me piyem, jena'me aleua, ga'me noĝop let'adaic nataq'aen ena'uaque gaa'me jo'ne uo'oe.

2 Timoteo 4:1

Da'me yaqataĝac am janem nayi, queda'me yataqata qo'mi yec'ate'tape joñe'me Dios choqoñe'me Cristo Jesús, jo'ne qomle male 'niyelaq, male ena'am ga'me jaliaĝanec t'adaic jo'ne ya'uo lec'atenaĝanaĝac jogaa'me nec'aletedaye choqodia'me joote yele'u, qama'le nejaliaĝatelo'te yema jogaa'me jiyaĝadipi.

1 Timoteo 6:13

Qama'le da'me lec'atenaĝanaĝac ñe'me Dios jo'ne naqaeñe ya'uo 'loyaĝac yema ga'me uetalegue jena'me aleua, choqoñe'me Jesucristo jo'ne yataqata ja t'oiya'aguet ca'li joñe'me Poncio Pilato da'me 'yaĝatem da'me eja, qama'le nayi am jamaĝalegue

1 Timoteo 5:21

Da'me yaqataĝac am janem nayi queda'me yataqata qo'mi yec'ate'tape joñe'me Dios choqoñe'me Jesucristo nataq'aen jogaa'me ja 'nalo'te piyem laje', qaedi yataqata oquetapegue'to naa'me yamaĝajoĝonaĝaco. Qama'le ena'te aua'uo adiquiyac uotaĝa adoqopich'i ta'le onolec ga'me auanem.

1 Ts 4:6

Ena'te ta'le 'uo joga'me ch'e eetapega yoqovin joga'me laqaya uotaĝa ta'le ee'tec ga'me ja no'en, qa'a joñe'me Qadet'a yataqata ja 'yamaqaten da'me dojo', qama'le ya'uo jo' qomle joga'me laviyaĝajet. Qalaĝaja yema jena'me jenjo' joote ami ja'aĝataĝama ca'li.

Colosenses 2:18

Achiya'agueta jogaa'me jo'ne eetojo' nale ga'me 'laqata'j: “Ami adejomiitac queda'me ja anetameñiyoto jogaa'me piyem laje'.” Nach'enaua jo'ne eetapela'ajalo uo'oe da'me lichoĝonaĝaco jo'ne nach'e ena'am ami auaqanachichi ta'le ami ua'ajopa, nataq'aen queda'me ni'yoĝodetedapega nale ga'me yauata, jouaĝat gaa'me ch'e jiyaĝaua lelnataĝaco.

Efesios 4:22

Chane'eja ena'te yitaĝa auacoñiyeguet ga'me at'oyaĝaqui toijec jo'ne te'me ami 'naĝa't ca'li, jouaĝat gaa'me namaico jo'ne ja ejoda.

Efesios 1:22

Dios joote yanem ñe'me Cristo da'me lañoqotaĝanaĝac qaedi male yataqata nejaliaĝatelo'te yemeda jogaa'me uo'oe, nataq'aen male naqaeñe jo'ne qoyen Lejaliaĝane'j yema jogaa'me Dios lec'oqo'tepi,

Gálatas 5:3

Yitaĝa ji'iyelaĝatalegue ami jaqateque, queda'me gamachaqaega yaconeguet ga'me 'nanaĝajet ga'me lo'oc qama'le yitaĝa qoyepagaqatetec da'me que'teguelo ena'uaque daa'me namaĝajoĝonaĝaco.

Gálatas 3:17

Jenjo' jetaque ami ja'aĝatema: ga'me Dios yaqataĝañi ja naqaeda ta'le ua'edi yaqataqaten uotaĝa ja ya'uo 'te lajo'viyaĝac ga'me onolec namaĝajoĝonaĝac jo'ne Dios yanegue ca'li yenoĝodegue cuatrocientos treinta gaa'me 'uoidi.

2 Corintios 9:6

'Noota qom anetoviñetac da'me dojo': “Ga'me jo'ne jaleca ga'me yanegue, jaleca ga'me qoyanem; ga'me jalcote ga'me yanegue, jalcote ga'me qoyanem.”

1 Corintios 15:50

Ami yaqaya'olqa, jetaque 'uo ga'me ami ja'aĝatema: da'me qat'oyaĝac jo'ne yeleu qomle ja yaqanatet ta'le taue da'me lejaliaĝa ñe'me Dios, nataq'aen ga'me jo'ne yovita da'me nouayi ja yaqanatet ta'le neleguemaĝata da'me ja 'naidena'a.

1 Corintios 1:12

Qama'le ami 'uo ga'me enaac: “Jayem jequegue ñe'me Pablo”; laqaya enaac: “Jayem jequegue ñe'me Apolo”; laqaya enaac: “Jayem jequegue ñe'me Pedro”; nataq'aen laqaya enaac: “Jayem jequegue ñe'me Cristo.”

Hechos 2:40

Qama'le queda'me yitaĝa yauo'oe gaa'me 'laqataqa laqaya', Pedro dojapegue'to jogaa'me nataq'aen noqotetapegalo, enaac: —¡Anaqaloĝochiyeguet da'me ne'uaĝanague'j qomle jena'me jenjo' jiyaĝadipi jo'ne ja no'en!

Lucas 16:28

jo'ne ueteda'a gaa'me cinco yanoqolqa, da'me uaqatalo gaa'me qaedi ja nach'e ena'ama nec'adeta jenjo' joue'ta jo'ne nachoĝodaqa'.»