Efesios 4:16 - Nuevo Testamento Toba Sombrero Negro

¹⁶ Nach'eñe ñe'me Cristo jo'ne qo'mi yapotena't, qama'le qo'mi yodapecache male ena'am ta'le joqotaĝaguet joñe'me, nataq'aen yema ñecochaĝapega't. Chane'eja, qom naq'aeta qama'le ena'am ta'le yataqata ñaqaloĝodaqatajeguem, qama'le 'uo da'me qat'añaĝac jo'ne chiyaqayi da'me qadoqopich'i.

Nuevo Testamento Toba Sur

¹⁶ Qaq nachiso so Cristo som ÿataqta nacoota't qataq n'atta't naq'en 'enauac de'eda n'oquiaxac mayi n'atta'a't. Qaq ÿoqo'oyi ñi 'oonolec ne'ena n'atta'a'tpi, da ÿataqta ÿaÿamaqchiguiñi da lataxac, nachi 'enauac namayipi nañaxattac qataq nquictashiguem, souaxat da nauotaxanaqtaic.

La'aqtaqa Ñim Lo'onatac 'Enauacna 2013

¹⁶ Qaq nacheso So Cristo som na'atta'a't naqa'en na 'amqaanataxanaxaicpi, qaq ỹoqo'oye ñi 'oonolec ne'ena na'atta'a'tpi ỹataqta cam lo'onataxanaxac, qataq 'enauac namayepi nacoota't yaqto' na 'amqaanataxanaxaicpi nquictasheguem da lañaxataxac qataq da la'añaxac souaxat da lsoxoyec.

Efesios 4:16 Referans Kwoze

Colosenses 2:19

Nach'enaua ja yoqoteteda'aguet ñe'me qadaqaic jo'ne mach'e Cristo, nach'eñe jo'ne en naqaloĝodetajeguem q'aen yema ga'me lapat, nataq'aen yapatenegueta ena'uaque gaa'me jo'ne mach'e lael, nach'e naq'aeta da'me joote 'yaeñi joñe'me Dios.

Juan 15:5

“Naqayem jo'ne jayem uva lichidic, qama'le da'me ami naqa'ami jo'ne lepeel. Ga'me jo'ne nach'e eta't jayem yoqote'taguet, nataq'aen jayem da'me joqote'taguet joga'me, qama'le jalcote ga'me nejalayaĝac; qalaĝaja qom ja jayem 'te auoqochi'taguet, qama'le qaya'te auaqanachichi.

Colosenses 2:2

Jeloquitac qaedi 'uo da'me 'lañaĝa'j naa'me adai'lidi' nataq'aen qaedi a'nañaĝachiyec da'me noqopich'i jo'ne ami nalotapega't q'ae'n nataq'aen nejaqachiguilo da'me yataqatelegue netadenataĝanaĝac, qaedi auaqanachichi ta'le auatetoñi joda'me lelnataĝac ñe'me Dios jo'ne ja di'yoq joca'li, jo'ne nach'eñe ñe'me Cristo.

Efesios 4:12

Ya'uo ca'li da'me dojo' qaedi yema da'me qo'mi jo'ne jouaqaue jena'me Dios lec'oqo'tepi, jo'ne nach'e ena'am ta'le qo'mi Cristo lapat, yataqata chimaqachiñe da'me qat'onataĝanaĝac, qaedi jauoqo 'lañaĝac ga'me qadepi'iyaĝa'u laqaya'.

1 Corintios 13:13

Chane'eja uo'oe naajo' tres jo'ne qaya'te loiquiaqa't: da'me nepe'e, da'me najoĝonataĝanaĝac nataq'aen joda'me noqopich'i. Qalaĝaja da'me yataqachiñe p'ajaye naa'me naajo' tres mach'e noqopich'i.

Efesios 4:15

Chane'eja 'noota ta'le da'me qadoqopich'i nach'ena qo'mi yaloĝo'talo qaedi nach'e eta't ja'aĝataĝatac da'me eja, chayovida'a da'me nach'e eta't ñaqaloĝodaqataje'ma joñe'me Cristo, jo'ne nach'eñe qo'mi nejaliaĝatelo'te yemeda naa'me noloqo'ote.

1 Timoteo 1:5

Nataq'aen joga'me paquetapega jenjo' 'yelopaĝac: 'noota ta'le noqopitetapega't onolqa'tape jogaa'me, qa'a yataqata eja 'uo da'me loqopich'i jo'ne chiyaqayi ga'me mach'e lai'li jo'ne yataqata onaĝaic, chayovida'a da'me 'uo joga'me lepe'e' jo'ne yataqata eja.

1 Ts 2:13

Chane'eja da'me qo'mi, nach'e eta't da'me janemaĝam da'me qadamaic joñe'me Dios, yajouaĝat da'me auomachiiya ca'li ga'me qadapaĝaguenataĝanaĝac, jo'ne mach'e 'laqataqa ñe'me Dios, qama'le yataqata auacoñiyeguet ga'me, ja aueñetapega ta'le ch'e jiyaĝaua 'laqatac. Qa'a eja yataqata Dios mach'e 'laqataqa, qama'le yataqata eja 'uo joga'me ami chiyaqayilo, da'me ami jo'ne male yataqata eja auep'iiya'a.

Filipenses 1:9

Ñachoĝodetapecot joñe'me Dios qaedi nach'e eta't en nichiquetedaye da'me anoqopich'iya't, qaedi yataqata qoyayaten nataq'aen qaya'te ami qoyec'ateneque,

Efesios 3:17

Qama'le ñachoĝodetapecot joñe'me Dios qaedi joñe'me Jesucristo uauelo naa'me adai'lidi', qa'a jouaĝat da'me yataqata auep'iiya'a joñe'me nataq'aen qaedi da'me adoqopich'i nach'eda da'me chiyaqayi yema ga'me auauoyi,

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

Efesios 3:7

Dios yataqata onaĝaic da'me loec da'me yataqata jayem yichoĝoden, qama'le jayem yachetajop joda'me lañoqotaĝanaĝac, qaedi male jaqanatet ta'le ja'aĝa'tape jogaa'me 'laqataqa.

Efesios 1:4

Ca'li maliaĝa ja di'yoq jena'me aleua, Dios joote en qo'mi liquiyaqa qaedi qolaĝague ñe'me mach'e Liquiyac Jesucristo, da'me en jajoyaqa'aguet joñe'me Dios, male yataqata ja qo'mi 'te 'nalo'te, qaya'te qanaviyaqataguec. Dios yataqata qo'mi noqopitalo,

Gálatas 5:22

Qalaĝaja ñe'me Lepaqal ñe'me Dios qo'mi noqopitaĝanaĝaneque jogaa'me qadaqaya'olqa, nach'e eta't jouaqataue da'me qo'mi made'tape nataq'aen jouaqataue da'me qat'emaĝac da'me jouaqa'tajopa gaa'me qadaqaya'. Qo'mi e'n ñapogaĝadenaq nataq'aen qo'mi qopitaĝanaqataqayaqa, nataq'aen nach'e eta't 'noota ga'me je'etaĝaque jogaa'me qadaqaya', jep'iyaqa ñe'me Dios.

1 Juan 4:16

Naq'aeta da'me male jayatenaq queda'me yataqachiñe da'me Dios qo'mi noqopitalo. Da'me noqopich'i chiyoĝoguet joñe'me Dios, qama'le gamachaqaega jo'ne nach'e eta't 'uo da'me loqopich'i, nach'ega ne'tajop joñe'me Dios, nataq'aen joñe'me Dios netaue joga'me.

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.

1 Ts 3:12

Nach'e ena'am 'noota ta'le Qadejaliaĝanec yataqata ami yanema da'me jalcote da'me nichiguegue da'me adoqopich'ii, qaedi nichigaĝategue da'me anoqopichiyapega't nataq'aen da'me adoqopichiyalo yema ga'me jiyaĝadipi, chayovida'a da'me qo'mi auadenaĝachi da'me yataqata ami qadoqopitalo nale da'me ami.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

1 Corintios 8:1

Nayi ja'ateguet da'me jayem auenachiyec ga'me lapat jo'ne joote qoyanema gaa'me qop'iyapegalo jo'ne ch'e 'nonataqa. Yataqachiñe eja da'me dojo' 'naqatac: “Ena'uaque qo'mi jayatenaq da'me jo'ne yataqata eja.” Qalaĝaja da'me nayatenaĝanaĝac 'yetem ga'me jiyaĝaua da'me ma'te 'yoĝodenaĝaic; joda'me noqopich'i qamqa'me 'yañaqatet joga'me.

Romanos 12:4

Qa'a naq'aeta da'me onolec ga'me qadapachidiyaĝac qayoĝode' gaa'me qadajouaĝaje'te, nataq'aen ja yemeda gaa'me qadoĝoje'te yemeda'ague da'me lajoĝo'j,

1 Corintios 10:17

Mate mane'e qo'mi qayoĝode', qo'mi ena'am ta'le onolec ga'me qadapat, qa'a onolec ga'me pan 'me jaliguinaq.