Efesios 4:14 - Nuevo Testamento Toba Sombrero Negro

¹⁴ Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.

Nuevo Testamento Toba Sur

¹⁴ Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

La'aqtaqa Ñim Lo'onatac 'Enauacna 2013

¹⁴ Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

Efesios 4:14 Referans Kwoze

Hebreos 13:9

Qama'le ena'te auajeñeta ta'le ami qoyauequeteda'alo gaa'me napaĝaguenataĝanaĝaco jo'ne yodapecache 'me ja qoyateto'n. Nach'edata da'me lañoqotaĝanaĝac joñe'me Dios jo'ne yataqata 'yañaqate't naa'me mach'e adai'lidi'. Chane'eja ena'te oqui'teguelo naa'me namaĝajoĝonaĝaco jo'ne qoye'n ladiquiyaĝac da'me niqui'yaĝac, qa'a jogaa'me jo'ne quetede'egue da'me dojo' qaya'te ta'le 'uo ga'me naueguedela't.

1 Corintios 14:20

Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

Santiago 1:6

Chane'eja 'noota qom auajelai joñe'me, qama'le yataqata auep'iiya'a, ena'te ta'le auoqoleguetaĝañi, qa'a ga'me jo'ne 'uo da'me loqoleguetaĝanaĝac male ena'am ga'me noĝop lepaĝa qom yajediñe ga'me layat let'adaic, qama'le ja qoyayaten ga'me en ta'ya.

Efesios 6:11

A'ueuoĝoñiyot da'me dojo' 'leuoĝonaĝa't joñe'me Dios jo'ne ami yanema, qaedi yataqata adaloi'tagueta yema gaa'me payac letaĝaloĝoco.

Mateo 24:24

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

2 Timoteo 4:3

Qa'a uo'oe jo' qomle gaa'me noloqo'ote jo'ne nate', male jena'me jiyaĝadipi yataqata ja naquiaĝana naa'me naajo' 'naqataqa, mac joda'me queteda'ague jogaa'me chiyoĝo's nichiyoĝojoĝoco. Nataq'aen male mach'e yelodaque gaa'me napaĝaguenoqo't, qaedi male qoyapaĝagueneque joga'me mach'e paquetedaque domachita.

Judas 1:12

Jogaa'me yataqata yauote da'me adepocoĝoqui nale yalegouelo gaa'me adiqui'yaĝaqui' 'me a'nonaĝachiguilo, qa'a ja yiyamaĝatetedac, dite da'me ch'e deque'y nataq'aen ch'e niyo'm. Ja yaloĝo'n ga'me lepocoĝo'j, qalaĝaja eetapela'ajalo made'tape, qa'a nach'egaua jo'ne najoĝola'te jo'ne mach'e netelela'ajalo. Nach'egaua yataqachiñe ja 'noe'n, qama'le ena'ama gaa'me piyem loje' jo'ne ja chiyaqayi ga'me uotep, qa'a ch'e layat layoĝonataqa. Nataq'aen ena'ama gaa'me ep'a 'me ja yauote jala nale yovita ga'me laloqo', yataqachiñe qaqa'te' qa'a joote ja netayelo gaa'me patadi.

Apocalipsis 19:20

Qama'le ñe'me jiyac polio' male paja'a da'me qoyecoñe' choqoñe'me jo'ne ja eja da'me lapaĝaguenataĝanaĝac, ñe'me jo'ne nach'eñe 'me yachiyoĝotayi da'me yauo'oe naa'me 'nanaqa jo'ne chiyaqayi q'aen da'me uo'oe gaa'me yoqovi'n jo'ne yaje'tema da'me yanayelo joga'me mach'e lenaĝat ñe'me jiyac polio', chayovida'a da'me qoyi'yoĝode'n ca'li joga'me jiyac polio' lequi'i. Qama'le ñe'me jiyac polio' choqoñe'me jo'ne ja eja da'me lapaĝaguenataĝanaĝac male qoyajaĝadiñgui jaga'me limaĝañi jo'ne uetañgui ga'me dole' let'adaic.

Gálatas 3:1

Ami Galacia laje', ¡yataqachiñe ja ami 'te damite' qaedi maqachaĝa auetadenataĝañi! ¿Jach'e jogamaĝa ami yeda'n? Naqayem joote ami janema ga'me yoqotenaĝanaĝac jo'ne yataqachiñe di'yoqo'tegue, ga'me eeta da'me leleuaĝa ñe'me Jesucristo ca'li qoyep'elegue jaga'me sodoso.

Mateo 24:11

Ñedijeguem qomle gaa'me eetapela'ajalo Dios 'laqataĝanaĝanaqa jo'ne ja ejoda, qama'le qayoĝode' ga'me yoqovi'n qomle.

1 Juan 2:26

Qama'le ami jamaĝalo jenjo' yediijec qaedi ami jaqataĝana'alo jogaa'me jo'ne jetaque ami yoqovi'n.

2 Timoteo 3:13

qalaĝaja jogaa'me qaleuaĝayaqa jo'ne pecayaqa, lama'aja da'me qoyachedaue; doqovinaĝa'tape nale, qalaĝaja ena'ama ch'e qoyoqovi'tape.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

Mateo 11:7

Ca'li eque' jogaa'me, qama'le Jesús paja'a t'aqataĝanema joga'me jiyaĝadipi, 'yaĝatetac ñe'me Juan, enaac: —¿Toqoch'e auajoyigui di'me aleua jo'ne totapega't ca'li? ¿Qo'li jetaque auañiya ga'me coqota jo'ne layat yamaqatapiñe?

1 Corintios 12:2

Auayachiñe queda'me ca'li maliaĝa ja auep'iiya'a ñe'me Cristo, 'uo ga'me nañoqotaĝanaĝac jo'ne nach'ega ami yauequeteda'ague da'me qaedi auep'iiya'alo jogaa'me jo'ne ch'e nequi'il 'me qaya'te 'loyaĝa'j.

Hechos 23:21

Qalaĝaja ena'te a'uamaqate'n, qa'a yaelegue di'me cuarenta ga'me liñolec ga'me jiyaĝadipi jo'ne nañoĝochidiñe da'me yeuatetedaque nataq'aen joote 'yaediñi da'me 'laqata'j jo'ne ja no'en queda'me cha'li ja deque'y nataq'aen ja niyo'm chayovida'a qom yala't ñe'me Pablo; qama'le nayi joote niyamaĝateta'ajalo, nach'edata yeuateteda'a qom am aua'uo ga'me at'ataĝac.

1 Juan 2:19

Nach'egaua jo'ne qo'mi ueteda'ajopa mañaĝa, qalaĝaja ja eja da'me qo'mi chiyoqodayilo, qama'le qo'mi ca'ae jogaa'me. Gamachaqaega jo'ne yataqata qo'mi chiyaqayilo, nach'ega qamqa'me nach'e eta't qo'mi uetauelo. Qalaĝaja, 'uo da'me dojo' qaedi di'yoqo'teque queda'me yema jogaa'me ja qo'mi 'te yotaua'n.

2 Pedro 2:18

Nataq'aen da'me 'uo da'me lajamaĝa let'adaic ga'me jo'ne 'yaĝatetedac qalaĝaja qaya'te ta'le chiyaqayi, nataq'aen yejomaĝana'ape naa'me mach'e lamaico choqonaa'me lamanaĝanaĝaco da'me ch'e nejiyaĝauayaĝa'j naa'me jo'ne yemta yañoĝo't da'me ca'ae jogaa'me jo'ne uetedaue da'me lepatenaĝanaĝa'j.

Santiago 3:4

Nataq'aen auec'achiñe jaga'me licota: mate mane'e lat'edai nataq'aen joga'me layat jo'ne vichaĝaguet 'me yataqata 'uo da'me 'lañaĝac, qalaĝaja joga'me licota lo'ol 'uo ga'me loqolegaĝanaĝat jo'ne jaleca 'me en yelo'ta gamachaqaega jo'ne jetaque qoyen ta'ya.

1 Timoteo 3:6

Nataq'aen ga'me jiyaĝaua jo'ne qoyen laje da'me Dios 'lonatac, 'noota qom ja yemta ya'uo da'me lepe'e, qaedi qaya'te 'uo ga'me 'yoĝodenaĝac nale jena'me jiyaĝadipi, qa'a qom en p'ajaye da'me ni'yoĝodela't, qama'le ja nomeguet da'me ja no'en, qama'le taue ga'me ne'uaĝanaguec, qa'a nach'e ena'am joca'li qoye'uaĝan ñe'me payac Satanás, yajouaĝat da'me mach'e li'yoĝodenataĝanaĝac.

2 Timoteo 1:15

Joote auayaten da'me qadaqaya' jo'ne neteda'ña na'me Asia jayem queda'e, nataq'aen jaa'me Figelo chayovida'a Hermógenes.

1 Corintios 3:19

Qa'a ga'me nayatenaĝanaĝac jo'ne ch'e lelnataĝa'j jena'me jiyaĝadipi, nach'eda Dios enapega mach'e chiyoĝojoĝoc. Qa'a naa'me nedii's naq'aeta da'me 'yaĝatetac, eet'oi: «Dios yedo'oque da'me mach'e layatenaĝanaĝa'j joga'me yatenaĝanaĝaiquipi da'me e'n yedolo'te, Qanach'e polegaĝatot da'me layatenaĝanaĝa'j qama'le 'uaĝadiñe.»