Efesios 4:12 - Nuevo Testamento Toba Sombrero Negro

¹² Ya'uo ca'li da'me dojo' qaedi yema da'me qo'mi jo'ne jouaqaue jena'me Dios lec'oqo'tepi, jo'ne nach'e ena'am ta'le qo'mi Cristo lapat, yataqata chimaqachiñe da'me qat'onataĝanaĝac, qaedi jauoqo 'lañaĝac ga'me qadepi'iyaĝa'u laqaya'.

Nuevo Testamento Toba Sur

¹² Qaq 'eda da 'eetec co'ollaq ÿaqataxanai' da llic naq'en na lalamaxatpi, yaqto' ñi 'oonolec i'ot ca l'onataxanaxac, da yaqto' nquictashiguem da l'oquiaxac so Cristo,

La'aqtaqa Ñim Lo'onatac 'Enauacna 2013

¹² Qaq 'era da 'eetec co'ollaq iqataxanai' da llec naqa'en na 'amqaanataxanaxaicpi, yaqto' ñi 'oonolec ỹo'ot ca lo'onataxanaxac, da yaqto' nquictasheguem da lo'ocỹaxac So Cristo,

Efesios 4:12 Referans Kwoze

Efesios 4:16

Nach'eñe ñe'me Cristo jo'ne qo'mi yapotena't, qama'le qo'mi yodapecache male ena'am ta'le joqotaĝaguet joñe'me, nataq'aen yema ñecochaĝapega't. Chane'eja, qom naq'aeta qama'le ena'am ta'le yataqata ñaqaloĝodaqatajeguem, qama'le 'uo da'me qat'añaĝac jo'ne chiyaqayi da'me qadoqopich'i.

1 Corintios 12:27

Chane'eja 'noota, naqa'ami mach'e Cristo 'loyaĝac, nataq'aen onolqa'tape ami ena'am ta'le ademiya'eguet da'me 'loyaĝac ñe'me Cristo.

Romanos 15:14

Ami yaqaya'olqa, mach'e jayem da'me ena'am ta'le ami jela'alo da'me yataqachiñe nejaqachiguilo da'me adichoĝodenataĝanaĝaqui nataq'aen da'me adayatenaĝanaĝaqui, choqoda'me auayachiñe da'me mach'e ami anapaĝagueñiyapega't.

1 Corintios 14:26

Chane'eja ami yaqaya'olqa, nale ademiya'a't, 'noota ta'le onolqa'tape uo'oe gaa'me lalaco, uotaĝa 'uo ga'me lapaĝaguenataĝanaĝac, uotaĝa 'yaĝatetac ga'me jo'ne Dios yaloĝona, uotaĝa yadenaĝa't gaa'me 'naqataqa laqaya', uotaĝa 'yaĝatetac ga'me yelo'tegueta gaa'me 'naqataqa. Qalaĝaja ena'uac 'noota ta'le chiyaqayi da'me nichiquetaye ga'me p'etaqadaiquipi.

Romanos 14:19

Chane'eja 'noota qom jelaqaque ga'me jo'ne chiyaqayi da'me 'nemaĝac nataq'aen da'me 'nañaqataĝanaĝac 'me ja qonañaĝanañi'.

1 Timoteo 1:12

Nach'e eta't janem da'me yamaic ñe'me Cristo Jesús mach'e Qadejaliaĝanec jo'ne nach'e eta't ya'uo 'yañaĝac, qa'a jouaĝat queda'me yataqata eja en jayem lamaĝajec, nataq'aen ya'uo di'me en 'yonatac jo'ne onaĝaic,

1 Corintios 14:12

Ena'am da'me ami, queda'me auediaqaelegue ta'le auacoñiyeguet joga'me yanegue ñe'me Dios Lepaqal 'me ja 'nalegue, yataqachiñe p'ajaye ta'le auepaquitapega da'me jetaque auacoñiyeguet ga'me jo'ne chiyaqayi da'me ñichigaĝatedajeguem joga'me p'etaqadaiquipi.

Hebreos 13:17

Ñaa'me adajoĝola'chidi', 'noota qom auoqochiiyalo, nataq'aen da'me aueñi eja ga'me ami yapaĝagueneque, qa'a nach'eñaua jo'ne ja 'nomatedegue da'me ami netelalo, queda'me yayate'n da'me Dios naloqoten qomle da'me mach'e 'lonataĝanaĝa'j. Chane'eja anapogoĝoiñitapec da'me 'uo da'me lamai'j joñaa'me nale yauote da'me dojo', ena'te aueñi co'yaq da'me 'lonata'j, qa'a ta'le naq'aeta qama'le qaya'te 'uo da'me anaviquila't.

Hebreos 6:1

Chane'eja da'me qo'mi jo'ne joote jaconaĝaguet da'me napaĝaguenataĝanaĝac jo'ne 'uaechiñe 'me 'yaĝatetac ñe'me Cristo, 'noota qom ja jaqapiyaĝañi, dite da'me qolaqa'tegue da'me qadepe'e ladic chayovida'a qom jovidaqa'a da'me male qo'mi yajo't. Ja yitaĝa ta'le ji'iyelaĝajoĝolegue da'me ja'aĝataqatac da'me ladic ga'me jiyaĝaua da'me ca'ae gaa'me loeco jo'ne yauetegue da'me neleuaĝa, uotaĝa ta'le yitaĝa ja'aĝataqatac da'me eeta da'me qadepi'iyaĝac.

2 Corintios 6:3

'Noota qom qaya'te eetapela't 'yotan da'me qat'onatac. Qo'che' 'ñañaĝataq qaedi ja jaloĝonaq gamachaqaega ja no'en ga'me qo'mi qoyec'ateneque.

2 Corintios 5:18

Yema da'me dojo' chiyoĝoguet ñe'me Dios; joca'li ena'am ta'le qadauteua ñe'me Dios, qalaĝaja nayi Cristo qo'mi yovidaĝateda'a da'me ena'am ta'le ñaigaqatapegue' ñe'me Dios. Nataq'aen qo'mi yanema da'me dojo' qat'onataĝanaĝac qaedi ga'me jiyaĝadipi qoye'n naequetedapegue' joñe'me.

Lucas 22:32

qalaĝaja joote ñachoĝodetapecot ñe'me Dios queda'me am ñachoĝodetapelegue qaedi ja qaya da'me adepe'e. Qama'le am, qom jayem a'niyeloqot, qama'le alecochiyalo naa'me adaqaya'olqa qaedi 'nañaĝatela'ajalo.

2 Timoteo 4:5

Qalaĝaja da'me am Timoteo, yataqata adetela da'me at'onataĝanaĝac, a'nañaĝateta jogaa'me adachoĝodeco, mac joda'me nach'e eta't auapaĝaguenataĝatac jena'me jenjo' 'noota, yataqata aviyamaĝatetac da'me qoyen at'onatac.

Colosenses 4:17

Nataq'aen a'uaqataĝañiyem qomle ñe'me Arquipo, aueñiyaac: “'Noota qom auepaquetapega ta'le yataqachiñe auomat da'me a'nelopaguec jo'ne am yanem ca'li ñe'me Jaliaĝanec qaedi a'uonataĝaneuo'o joñe'me.”

Colosenses 1:28

Chane'eja da'me qo'mi male ja'aĝataqatac joñe'me Cristo, jaqataqatapegalo ena'uaque joga'me jiyaĝadipi nataq'aen japaĝaguenaqatapeque joda'me layatenaĝanaĝac joñe'me Cristo, qaedi onolqa'tape joga'me jiyaĝadipi yataqata yemetede'eguet joñe'me Cristo nataq'aen joote yi't da'me lepi'iyaĝa'j nale dajotedo'ot ñe'me Dios.

Colosenses 1:24

Nayi jayem matac queda'me 'uo ga'me yachoĝodec yajouaĝat da'me ami yecochiyalo, qa'a da'me mach'e yachoĝodec ena'am ta'le en nalo'ta'ajalo q'ae'n jodaa'me qadachoĝodeco jo'ne chiyoqodayi da'me qademe'teguet ñe'me Cristo, yajouaĝat jena'me p'etaqadaiquipi jo'ne mach'e lapat.

Efesios 1:23

ena'am ga'me laqaic ga'me jiyaĝaua jo'ne yelolegue yema ga'me 'loyaĝac, qama'le naqaeñe ñe'me Cristo da'me en nalo'ta'ajalo jogaa'me, qa'a nach'eñe ñe'me jo'ne yemata'a't yemeda gaa'me uo'oe.

2 Corintios 12:19

Uotaĝa auepíchitapega da'me ami ñachoĝodenaqatapegouelo qaedi qo'mi avichoĝodeñi, qalaĝaja ja naq'aeta. Qo'mi jouaqa'tot ñe'me Cristo, nataq'aen ñe'me Dios mach'e yayaten yema ga'me jo'ne ja'aĝataqatac. Ami qadaqaya'olqa, yema ga'me jo'ne joote je'etaq, ga'me joote jauoqo da'me ami yecochaĝalo, qaedi nichiquetajeguem da'me yataqachiñe auep'iiya'a ñe'me Cristo.

2 Corintios 7:1

Ami yaqaya'olqa, Dios joote qo'mi yaqataĝana'aque da'me 'laqatac. Qo'che' 'noota qom ja jauoqo ga'me ja no'en, dite da'me nach'e eta't jenaĝa qaya'a ga'me qadoec qaedi Dios qo'mi yaconegueta. 'Noota qom 'ñonaĝataĝaye ñe'me Dios, nataq'aen 'noota qom ja'aedenaqatac da'me ja 'nalegue ena'am joñe'me.

2 Corintios 4:1

Qo'che' ja qadoual, qa'a ñe'me Dios jo'ne choĝodenataĝanaĝaic qo'mi 'yelopeque jenjo' 'nonatac.

2 Corintios 3:8

Qalaĝaja yataqata yaguegue ga'me lauaqayaĝac qom qo'yaĝatetac da'me dalaĝaic yamaĝataĝac, nach'eda da'me jo'ne chiyaqayi ñe'me Lepaqal ñe'me Dios 'me ja 'nalegue.

1 Corintios 14:14

Qom yaqa'alo ga'me 'yaqataqa da'me ñetamen, nach'eñe ñe'me yepaqal da'me netametac, qalaĝaja qaya'te jalayaĝac da'me yatetonaĝanaĝac.

Romanos 15:29

Nataq'aen jayaten da'me qom ami jejapichiyalo, ami jeda'alo da'me let'adaic lichoĝodenataĝanaĝac ñe'me Cristo.

Romanos 15:2

Ena'uaque jiyamaĝataqatac ga'me qadaqaya nataq'aen je'etaĝam ga'me liyamaĝac joga'me, nataq'aen qaedi nichiquetajeguem q'aen da'me lepe'e'.

Romanos 12:7

Qom qo'mi yanema da'me qaneme da'me yecochaĝalo gaa'me qadaqaya', jeyamaĝataqatac da'me je'etaq. Ga'me jo'ne qoyanem da'me ch'e nemeyaĝac da'me qaedi dapaĝaguenataĝan, 'noota qom yalemaqa'teguet da'me lapaĝaguenataĝanaĝac.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Hechos 20:24

Qalaĝaja jayem qaya'te jen chiyaqayi da'me ta'le jen diyachigui jena'me yeuel qa'a jouaĝat da'me 'yoyaĝac, nach'eda eeta da'me taya'ague da'me yeloiquiaĝac nataq'aen jepaquetelegue da'me 'yonataĝanaĝac jo'ne jayem yanem ñe'me Jaliaĝanec, queda'me qaedi ja'aĝatetac da'me onaĝaic 'naqataĝanaĝac jo'ne 'yaĝat da'me lichoĝodenataĝanaĝac ñe'me Dios.

Hechos 11:23

Ca'li yovita, Bernabé yauana da'me lichoĝodenataĝanaĝac ñe'me Dios jo'ne uetauelo jogaa'me, qama'le jalcote da'me lamaic ñe'me. Noqoteteneque jogaa'me queda'me yataqachiñe yachimaĝachichidiñe naa'me lai'li da'me quetegue ñe'me Jaliaĝanec.

Hechos 9:31

Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.

Hechos 1:25

qaedi yaconeguet dojo' 'lonata'j naa'me namaĝa's, nach'eda dojo' Judas yaĝan ca'li yejomac qaedi dajoyi ga'me jo'ne joote qoyeloĝonaĝa'tegue ne'uaĝanaqa'.”

Hechos 1:17

Judas nach'edi jo'ne qo'mi chiyaqauelo, nataq'aen uetaue ca'li da'me dojo' qat'onataĝanaĝac.”

2 Timoteo 4:11

Qama'le onolec ñe'me Lucas jayem ue'tajop. Auelaque jo'me Marcos qama'le aquiaĝaua, qa'a uotaĝa yaqanatet da'me jayem lecochiya jena'me jenjo' 'yonatac.

Efesios 4:29

Ena'te ja no'en nale ga'me anenaĝachidegue dite joda'me at'aqataqadi' jo'ne chimadichidiñe, qaedi alecochiiyalo jogaa'me domachita nale, qama'le nichiquetaye da'me lepe'e'.

Efesios 4:4

Qa'a jena'me Dios lec'oqo'tepi onolec da'me 'loyaĝac, nataq'aen onolec ñe'me Dios Lepaqal jo'ne qo'mi uetauelo, nataq'aen onolec da'me jepagaqatapega, nach'eda da'me nec'alaĝac jo'ne Dios qo'mi yiyaĝanalo qaedi jaĝaue.

2 Corintios 13:9

Qo'che' jaconaĝaguet da'me qadamaic nale qo'mi choĝolaĝayaqa, qom yataqata ami 'uañaĝayaqa. Qama'le jaldata qolaqatalegue da'me qanetamenaĝac qaedi auovidiya'a da'me yataqachiñe ami yataqatelo'te.

1 Corintios 12:7

Ñe'me Dios 'uo ga'me yanema joga'me p'etaqadaiquipi, ga'me jo'ne qoyen di'yoĝoma queda'me eja ue'tena ñe'me Lepaqal, qaedi yelo'teguet da'me ena'uaque qolecochiyalo jogaa'me.

Romanos 12:5

qama'le naq'aeta da'me nach'e ena'am qo'mi, mate mane'e qo'mi qayoĝode', qademaye ga'me onolec napat mach'e Cristo, nataq'aen onolqa'tape qo'mi joqotaĝaguet ena'am ta'le qademaye ga'me onolec napat.

2 Corintios 13:11

Ami yaqaya'olqa, queda'me nach'e jana'ña ga'me 'yaqatac nayi, jepaquetapega ta'le ami made'tape, aueloyaque da'me liyamaĝac joda'me at'oyaĝaqui. Auacoñiyeguet da'me at'añaĝaqui nataq'aen adaloitapega't da'me adajoĝoqui nataq'aen da'me 'nemaĝac. Ñe'me Dios 'me chiyoqo'ot da'me noqopich'i choqoda'me 'nemaĝac, nach'eñe jo'ne nach'e eta't ami uetauelo.