Efesios 4:10 - Nuevo Testamento Toba Sombrero Negro

¹⁰ Qama'le ñe'me jo'ne 'uaeñe da'me nenochiñe, nach'eñe jo'ne yitaĝa 'niyelaĝajeguem, yec'adije'ma di'me p'ajeguem qaedi da'me 'loyaĝac en najaĝaye q'aen ga'me na'ña.

Nuevo Testamento Toba Sur

¹⁰ Qaq som naÿa ana 'alhua, nachiso co'ollaxa som taigue da piguem da yaqto' imattalec 'enauacna.

La'aqtaqa Ñim Lo'onatac 'Enauacna 2013

¹⁰ Qaq som naỹa co'ollaq ana 'alhua, nacheso co'ollaxa som taigue da piguem da yaqto' imattalec 'enauacna.

Efesios 4:10 Referans Kwoze

Hebreos 7:26

Chane'eja nach'eñe ñe'me Jesús jo'ne jouenaqa'ta, qa'a naqaeñe mach'e Qadetaĝayaĝanaĝanec jo'ne p'ajaye, joñe'me jo'ne ja 'nalegue, qaya'te ta'le loec nataq'aen ja paĝachigui, joote qoyachiyoĝotauelo jogaa'me loeco lo'olpi qama'le qoyana'ña di'me p'ajeguem jo'ne ne'tague di'me piyem.

Hebreos 4:14

Chane'eja queda'me joote yec'adije'ma di'me piyem ñe'me Qadetaĝayaĝanaĝanec jo'ne napacalegue ena'uac, nach'eñe ñe'me Jesús jo'ne Dios Lec'oĝot, qama'le da'me qo'mi, 'noota qom 'ñañaĝataq da'me qolaqatelegue da'me qadepe'e ladic.

Colosenses 2:9

Qa'a yema da'me lajoĝoc joñe'me Dios yataqata yematalegue da'me 'loyaĝac ñe'me Cristo,

Colosenses 1:19

Qa'a ñe'me Dios jetaque yanaue joñe'me Lec'oĝot ena'uac da'me nediosyaĝac,

Mateo 24:34

Eja ami ja'aĝatema queda'me qom male yepaquichiguilo yema ga'me ami ja'aĝatetapema, qama'le maliaĝa ja qaya jena'me jenjo' jiyaĝadipi.

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

Efesios 3:19

Laqaya da'me ñachoĝodenoqo't ñe'me Dios, 'noota qom maqachaĝa auayachiñe jena'me jenjo' loqopich'i joñe'me Cristo jo'ne yataqata t'adaic, mate mane'e da'me qo'mi jiyaĝa'u ja jaqanatetaq ta'le yataqata jayatenaq, qaedi male yema da'me ami qoyanema, chayovida'a da'me ami qoyemata'aque da'me lajoĝoc joñe'me Dios.

Hechos 1:9

Nenaĝategue da'me dojo', ca'li cha'li yelotedo'ot, qanach'e Jesús ec, qoyauegue di'me piyem, qama'le 'uo ga'me piyem lo'oc jo'ne yapadelegue qama'le ja yitaĝa yauata.

Hebreos 8:1

Chane'eja da'me qat'aqatac jo'ne yaguegue da'me lajo'viyaĝac, nach'eda da'me dojo', eet'oi: yataqata 'uo ñe'me Qadetaĝayaĝanaĝanec jo'ne ne'tague di'me piyem nayi, da'me male na'ña da'me loec joga'me lejaliaĝaiqui joñe'me Dios.

Hechos 3:18

Qalaĝaja naq'aeta ga'me qo'yetec qa'a Dios en yepaquichigui ga'me jo'ne joote 'yaĝatetac jo'ne en na'yalo gaa'me 'laqataĝanaĝanaqa: jo'ne 'noota da'me yeleu ñe'me Liquiyac.

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

Hechos 1:11

qama'le enapega't jogaa'me: —Ami Galilea laje'pi, ¿toqoch'e anechachetañe aueloyitaje'mec jodi'me piyem? Jojo' nach'ejo jo'me Jesús jo'ne ami uetauelo nataq'aen queda'me qoyauegue di'me piyem, yitaĝa 'niyelaq qomle nach'e naq'aeta da'me auañiya da'me ec dajoyi da'me daja'.

Juan 19:36

Qama'le uo'oe daa'me daajo' jo'ne di'yo't qaedi yepaquichigui da'me 'yaĝatetac daa'me nedii's joca'li jo'ne eetac: “Gaa'me lep'inaqa, qaya'te 'uo ga'me qoyenoĝon.”

Juan 19:28

Ca'li yenoĝonegue da'me dojo', qama'le Jesús yayaten da'me joote yem ena'uac da'me chiyaqayilo jonaa'me Dios 'laqataqa, nataq'aen da'me qaedi eja da'me yepaquichigui naa'me nedii's jo'ne 'yaĝatetedac da'me dojo', qama'le enaac: —Jelinquip.

Juan 19:24

jogaa'me coico laje' male nenatetapega'ajalo: —Ena'te jecolaĝataqapiye, dite da'me ñalitaĝaye, qaedi ga'me jo'ne tachigui qama'le nach'ega jo'ne en loĝot. Chane'eja naq'aeta da'me yepaquichiguilo naa'me nedii's jo'ne Dios 'laqataqa 'me eet'oi: “Qoyaĝachilo gaa'me yeuo, Qama'le qonalitelegue jaga'me yapoto.” Qama'le naq'aeta da'me yauote ca'li gaa'me coico laje'.

Juan 1:16

Chane'eja da'me chiyaqayi da'me mach'e leyalaqataĝanaĝac let'adaic, male ena'uaque da'me qo'mi joote jaconaĝaguet da'me qanichoĝodenataguec jo'ne dalaĝaic 'me napacalegue da'me jo'ne 'uaechiñe.

Lucas 24:44

Yem qama'le yanema da'me 'laqatac: —Ga'me jo'ne 'uo jaa'me jaajo' noloqo'ote nach'ega jo'ne joote ami jaqataĝatapeque da'me cha'li maliaĝa ami jouetauelo; jo'ne nach'egaua male yepaquichiguilo ena'uaque gaa'me qoyedidiñe 'me jayem 'yaĝatetedac gaa'me nedii's jo'ne lamaĝajoĝonaĝaco di'me Moisés, choqogaa'me ledii's dia'me Dios 'laqataĝanaĝanaqapi nataq'aen jaga'me nede jo'ne lenaĝat Nalacpi.

2 Corintios 12:2

'Uo ñe'me jateton jo'ne jalchi'ena quetapegue' ñe'me Cristo, yenoĝodegue nayi catorce 'uoidi da'me qoyauegue di'me yataqachiñe p'ajeguem piyem. Ja jayaten ta'le nec'aletaye da'me qoyauec, uotaĝa ga'me lepaqal; Dios yayaten.