Efesios 3:8 - Nuevo Testamento Toba Sombrero Negro

⁸ Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Nuevo Testamento Toba Sur

⁸ Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

La'aqtaqa Ñim Lo'onatac 'Enauacna 2013

⁸ Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Efesios 3:8 Referans Kwoze

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

1 Corintios 15:9

Qa'a jayem qaya'te yi'yoĝodic, ja jena'am gaa'me namaĝa's laqaya', nataq'aen ja jayet ta'le jayem qoyenaqatenec Jesucristo lamaĝajec, qa'a ca'li jecaa'tape gaa'me jo'ne p'iida'a ñe'me Dios qaedi japalaĝa't joga'me p'etaqadaiquipi.

Efesios 3:16

Chiyaqayi da'me 'lonaĝac ñe'me Dios jo'ne p'ajaye, male jajela joñe'me qaedi ñe'me Lepaqal jo'ne yataqata ja 'nalegue 'yañaĝateque naa'me adai'lidi' qaedi yataqata ami 'uañaĝayaqa.

Efesios 2:7

Ee'tec jena'me jenjo' qaedi naa'me naajo' noloqo'ote jayatenaq da'me eja 'uo da'me loqopich'i nataq'aen leyalaqataĝanaĝac jo'ne chiyaqayi ñe'me Lec'oĝot Jesucristo, nach'eñe jo'ne qo'mi nec'alaĝatedegue.

1 Timoteo 2:7

Nach'ena jenjo' qoyen ja'aĝatetac uotaĝa jayem aqataĝanaĝaic naa'me naajo' 'naqataqa, qama'le jayem yamaĝalo joga'me ja judiopi qaedi japaĝaguetapeque gaa'me ejoda jo'ne 'laqataĝanaĝaco joñe'me Jesús. Jenjo' jo'ne ja'aĝatetac yataqata eja, ja joqovinaĝatac.

1 Timoteo 1:13

qa'ejole ca'li ja 'noe'n nale gaa'me ñenaĝatedegue jo'ne je'n yeloteda'a nale ñe'me Jesús, jecaa'tape jogaa'me lalemaĝaje'te nataq'aen da'me je'ue'tape, jeetapegalo ja 'noe'n. Qalaĝaja ñe'me Jesús yataqata jayem yichoĝoden, qa'a yajouaĝat da'me maliaĝa ja jep'iya'a joñe'me, nataq'aen yataqata ja jayaten joga'me jauotac, yataqata jejomac.

Romanos 11:33

¡Yataqachiñe qaya'ñgui da'me leuoyaĝac ñe'me Dios, nataq'aen da'me layatenaĝanaĝac nataq'aen da'me latetonaĝanaĝac! Qaya'te yaqanatet da'me doqotenaĝanec naa'me yauapiye, uotaĝa ta'le qoyovita da'me qoyayate'n naa'me ladico.

Romanos 2:4

Am aualajaĝan da'me ja yemeta lichoĝodenataĝanaĝac ñe'me Dios, ¿ja auetadenac joona da'me nach'eda da'me lichoĝodenataĝanaĝac jo'ne am yeuequetague da'me aĝadegue naa'me adoeco?

2 Timoteo 1:11

Dios en jayem lamaĝajec nataq'aen en jayem paĝaguenataĝanaĝaic qaedi ja'aĝatetac da'me dojo' 'laqataĝanaĝac jo'ne onaĝaic.

Efesios 3:19

Laqaya da'me ñachoĝodenoqo't ñe'me Dios, 'noota qom maqachaĝa auayachiñe jena'me jenjo' loqopich'i joñe'me Cristo jo'ne yataqata t'adaic, mate mane'e da'me qo'mi jiyaĝa'u ja jaqanatetaq ta'le yataqata jayatenaq, qaedi male yema da'me ami qoyanema, chayovida'a da'me ami qoyemata'aque da'me lajoĝoc joñe'me Dios.

1 Corintios 2:9

Qalaĝaja, naq'aeta da'me enapega't naa'me nedii's jo'ne qoyedidiñe ca'li, eet'oi: «Ga'me jo'ne qaya'te yauanapega uotaĝa domachiya, Da'me jo'ne qaya'te uenate'ta ta'le naq'aeta da'me di'yoq, Nach'eda dojo' jo'ne joote Dios yiyamaĝateta't Qaedi yanema gaa'me noqopideta joñe'me.»

Romanos 12:10

Ena'am da'me mach'e adanogaĝa'u gaa'me adaqayadi' da'me yataqachiñe adoqopichiyalo, 'uo da'me auepaquitapegalo nale nataq'aen nach'e eta't auaquiya ga'me adaqaya.

Hechos 5:41

Jogaa'me Jesús lamaĝa's yenoĝodegue, queda'ae ga'me ueteda'a gaa'me jaliaĝanaqa, yataqachiñe made'tape queda'me Dios yaje'tem da'me qoya'uo lachoĝode'j qa'a yajouaĝat da'me lenaĝat ñe'me Jesús.

Apocalipsis 3:18

Qo'che' 'uo da'me ami jaqatalo nayi: jayem anec'achiya qaedi aneuodeñiya jaga'me oro jo'ne yoqovita q'aen ga'me dole' lauaq, qaedi male ami yataqatelo'te neuoyaĝadi, nataq'aen jayem anec'achiya qaedi aneuodeñiyalo gaa'me nouo jo'ne pagaĝayaqa, qama'le auaiñidiñe qaedi auapadiñelegue da'me adepocoqoilegue da'me adajaleuaĝa, qama'le nach'e ena'am aneuodeñiya ga'me natadenataĝanaĝat qaedi auachiyañilo naa'me at'aechidi' qama'le yitaĝa aneloitegue.

1 Timoteo 1:15

Jenjo' yataqata eja, qama'le 'noota ta'le yema jep'iyaqa, queda'me Cristo Jesús nec'ata ca'li jena'me aleua qaedi nec'alaĝatedegue jogaa'me loeco lo'olpi, qama'le jayem tachigui da'me naqayem loeco lo'o t'adaic.

Hechos 9:15

Qalaĝaja ñe'me Jaliaĝanec enaac: “Oc, qa'a nach'eñe ja'atelegue ñe'me jiyaĝaua qaedi jayem 'yaĝate'tapema ena'uaque ga'me jiyaĝadipi jo'ne uetedalegue jena'me aleua, choqoga'me lejaliaĝanaqa nataq'aen nach'e ena'ama ga'me israelpi.

Filipenses 4:19

Chane'eja ñe'me Dios ami yanema yema joga'me auoviñetaque: chiyaqayi joñe'me Qadec'alaĝaiqui Jesucristo da'me ami yanema yema joga'me onaĝaic adeuoyaĝaqui.

Gálatas 2:8

Nach'eñe ñe'me Dios yamaq ñe'me Pedro qaedi namaĝajec jo'ne qoyeloĝonaĝa'tegueta gaa'me judiopi, nataq'aen jayem qamqa'me namaĝajec jo'ne qoyeloĝonaĝa'tegueta gaa'me ja judiopi.

Filipenses 2:3

Ena'te ani'yoĝodeñila't uotaĝa ch'e aueloiquiitapega't, dite da'me onolqa'tape da'me ami 'noota qom joĝodaic na'me lauel, qaedi nach'e eta't eetapegalo gaa'me laqaya' ta'le yataqata p'ajodaye.

Efesios 3:2

Ami joote auayachiñe da'me eeta da'me dojo' 'yonatac jo'ne jayem yanem ñe'me Dios, qaedi ami ja'aĝatema joga'me mach'e lelnataĝac.

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

Juan 1:16

Chane'eja da'me chiyaqayi da'me mach'e leyalaqataĝanaĝac let'adaic, male ena'uaque da'me qo'mi joote jaconaĝaguet da'me qanichoĝodenataguec jo'ne dalaĝaic 'me napacalegue da'me jo'ne 'uaechiñe.

Efesios 3:1

Jayem Pablo jo'ne jayem necoñetaejec jouaĝat da'me je'etetac da'me Jesucristo en 'yonatac da'me en jayem anapaĝaguenoqo't, da'me ami jo'ne ja ami 'te judiopi.

Lucas 14:22

Qaale copa'ague, ñe'me nalemaĝajet enaac: «Jaliaĝanec, joote ja'uo da'me jo'ne jayem auamaĝalegue, nataq'aen maliaĝa 'uo ga'me jec'ata laqaya.»