Efesios 3:20 - Nuevo Testamento Toba Sombrero Negro

²⁰ Dios yataqata yaqanatet ta'le yauo'oe gaa'me jo'ne napacalo'te jogaa'me jajelaĝanaqaque uotaĝa ta'le ch'e jenataqatapegalo, qa'a jouaĝat joda'me 'lañaĝac jo'ne qo'mi t'onataĝanouelo.

Nuevo Testamento Toba Sur

²⁰ Qaq ÿoqo'oyi nagui qaÿi'oxoden qome ñi Dios ñim 'añaxaic mayi ishit da ÿacteec naq'en da qomi' ÿanema cam seÿaxanaqaique, huo'otaq cam tatapigui yi qadhuel, da chigoqchigui naq'en da l'añaxac mayi do'onataxaatapoigui da qanachaalataxac.

La'aqtaqa Ñim Lo'onatac 'Enauacna 2013

²⁰ Qaq ỹoqo'oye 'onaxaic nagui da qaỹo'oxoren qome Ñim Lo'onatac 'Enauacna, Ñim 'añaxaic maye ishet da ỹactec naqa'en ca qomi' ỹanema, napacalec cam seỹaxanaqaique, huo'otaq cam tatapigui ye qarhuel, da chegoqchigui naqa'en da la'añaxac maye do'onataxaatapoigui da qanachaalataxac.

Efesios 3:20 Referans Kwoze

2 Corintios 9:8

Dios yaqanatet ta'le e'n yodapecache gaa'me ami yanema jo'ne anachiquiyaĝaqui, qaedi nach'e eta't auañiya yema ga'me jo'ne auoviñetaque. Uoja'eda ja yemeta da'me adecochaĝaqui da'me alecochiiyalo ena'uaque gaa'me 'nonataqa jo'ne 'noote'.

Romanos 4:21

yataqachiñe najaqachigui na'me lauel da'me yayaten ñe'me Dios da'me yaqanatet ta'le yepaquichigui yema ga'me 'laqatac, qa'a 'uo da'me lañoqotaĝanaĝac da'me ye'et ga'me joote yaqataĝañi.

Judas 1:24

Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.

1 Corintios 2:9

Qalaĝaja, naq'aeta da'me enapega't naa'me nedii's jo'ne qoyedidiñe ca'li, eet'oi: «Ga'me jo'ne qaya'te yauanapega uotaĝa domachiya, Da'me jo'ne qaya'te uenate'ta ta'le naq'aeta da'me di'yoq, Nach'eda dojo' jo'ne joote Dios yiyamaĝateta't Qaedi yanema gaa'me noqopideta joñe'me.»

Efesios 1:19

'Noota qom yataqata auayachiñe joda'me lañoqotaĝanaĝac joñe'me, nale qo'mi lecochiyalo yemeda naa'me noloqo'ote, qaya'te yiyota'ya da'me lañoqotaĝanaĝac yataqata qaya'te loiquiaqa'.

Hebreos 7:25

Qo'che' yataqata yaqanatet ta'le nach'e eta't da'me nec'alaĝatedegue joga'me jiyaĝadipi, jogaa'me jo'ne 'yamaqate'n joñe'me da'me jetaque yec'adeta joñe'me Dios. Qa'a naqaeñe jo'ne nach'e eta't da'me nec'aletaye, qama'le nach'e eta't da'me nachoĝodetapelo'te jogaa'me.

Efesios 3:7

Dios yataqata onaĝaic da'me loec da'me yataqata jayem yichoĝoden, qama'le jayem yachetajop joda'me lañoqotaĝanaĝac, qaedi male jaqanatet ta'le ja'aĝa'tape jogaa'me 'laqataqa.

Romanos 16:25

'Noota qom 'ñonaĝataĝaye ñe'me Dios, jo'ne yaqanatet da'me ami t'añidañe q'ae'n. Nach'e naq'aeta da'me onaĝaic 'naqataĝanaĝac jo'ne ami ja'aĝatema nataq'aen da'me napaĝaguenataĝanaĝac jo'ne 'yaĝatetac ñe'me Jesucristo. Dojo' uaĝayet da'me jo'ne Dios yaloĝon, jo'ne ja yaloĝonapiye't, nach'eda qoyoĝochiñe chiyoqo'teguet joca'li maliaĝa qaya jena'me aleua.

Colosenses 1:29

Nach'eda chiyaqayi da'me jo'onataĝatac, qama'le 'ñañaĝatec yema da'me mach'e 'yañaĝac choqoda'me lañoqotaĝanaĝac ñe'me Cristo jo'ne jayem netaye.

Juan 10:10

Ga'me cachaĝaic novi' qaedi decachi, nataq'aen da'me dalataĝan choqoda'me nolaĝachidiñe ena'uac jogaa'me uo'oe; qalaĝaja da'me jayem qamqa'me ñanaequena qaedi 'uo da'me nec'alaĝa, qaedi ami uetauelo da'me nec'alaĝa jo'ne qaya'te loiquiaqa'.

Santiago 4:12

'Uo ñe'me jo'ne onolec 'me yanegue da'me namaĝajoĝonaĝac nataq'aen da'me daloqotenaĝan, nach'eñe jo'ne yayaten da'me dec'alaqataĝanac nataq'aen da'me ya'uo da'me le'uaĝanaĝanaĝac. Qama'le ¿jach'e am da'me analoqoten ga'me loec joga'me jo'ne mach'e adaqaya?

1 Timoteo 1:14

Qalaĝaja joñe'me Qadejaliaĝanec yataqachiñe t'adaic ga'me lichoĝodenataĝanaĝac jo'ne jayem yanem, qama'le yataqata 'uo da'me yepe'e jo'ne janem ñe'me, choqoga'me yoqopich'iyaĝac jo'ne onaĝaic, nach'eda jo'ne qo'mi uauelo qom jep'iyaqa joñe'me Qadec'alaĝaiqui Cristo Jesús.

Hebreos 11:19

Qa'a ñe'me Abraham joote yayaten ñe'me Dios da'me 'uo da'me lañoqotaĝanaĝac chayovida'a da'me yaqanatet ta'le 'niyelaĝachidijeguem dia'me joote yele'u. Chane'eja nach'e ena'am ñe'me Abraham da'me yitaĝa yaconeguet ñe'me lec'oĝot, ena'am ta'le chiyoĝotauelo jena'me napa'lpi.

2 Pedro 1:11

Qama'le naq'aeta qomle da'me nalo'ta't da'me ami qo'youategueta jogaa'me najo'mi ga'me nejaliaĝa jo'ne qaya'te loiquiaqa', nach'egaua jo'ne lejaliaĝa ñe'me Qadejaliaĝanec mach'e Qadec'alaĝaiqui Jesucristo.

Mateo 3:9

Qama'le ena'te aueñetapela't: «Qo'mi qonec'alaĝatelegue qomle qa'a yataqachiñe qo'mi lec'oqo'tepi di'me Abraham»; qa'a ami ja'aĝatema queda'me chayovida'alo naa'me naajo' qadipi Dios yaqanatet ta'le neleguemaĝatalo q'ae'n daa'me Abraham c'oqo'tepi.