Efesios 3:2 - Nuevo Testamento Toba Sombrero Negro

² Ami joote auayachiñe da'me eeta da'me dojo' 'yonatac jo'ne jayem yanem ñe'me Dios, qaedi ami ja'aĝatema joga'me mach'e lelnataĝac.

Nuevo Testamento Toba Sur

² Qaq ÿoqta da mashi sogote da qauaÿajñi da 'eetec ñi Dios da maichi ÿachigoxotchigui da lqouagaxanaqtaic da aÿim ipataxalec de'eda i'onataxanaxac, da yaqto' qami' qauaÿamqaiñi.

La'aqtaqa Ñim Lo'onatac 'Enauacna 2013

² Qami' mashe sogote da qauaỹaañi da Ñim Lo'onatac 'Enauacna aỹem ipataxalec da sa'axatec dam 'eetapeguec Ñimaye dam ỹachegoxotchigui da lta'araic lsoxoyec maye, nache 'eetai' da ỹaỹamaxattapiguiñi.

Efesios 3:2 Referans Kwoze

1 Timoteo 1:11

Nach'ena jenjo' napaĝaguenataĝanaĝac onaĝaic uetaue da'me 'nonaĝac nec'alaĝaiqui jo'ne Dios 'me ja 'nalegue jayem yamaĝalegue.

2 Timoteo 1:11

Dios en jayem lamaĝajec nataq'aen en jayem paĝaguenataĝanaĝaic qaedi ja'aĝatetac da'me dojo' 'laqataĝanaĝac jo'ne onaĝaic.

Romanos 1:5

Chiyaqayi ñe'me Jesucristo jaconeguet da'me jayem qoyeyala'ac da'me jayem namaĝajec, jayem qoyanec da'me jo'onataĝaneuo'o, qaedi yema jena'me aleua uo'oe gaa'me p'iida'a joñe'me nataq'aen yoqochideta.

Efesios 4:7

Male onolqa'tape qo'mi da'me joote qo'mi qoyanema gaa'me qadayatenaĝanaĝaco jo'ne naloqotenegueta gaa'me jo'ne Cristo jetaque qo'mi yanema.

1 Corintios 4:1

Jalcote 'noota da'me qo'mi auenache'talo, qo'mi jo'ne lecochaĝa'u ñe'me Cristo, nataq'aen qo'mi qo'yelopeque da'me qaedi jaloĝonaq da'me 'laqataĝanaĝac ñe'me Dios.

Efesios 1:10

Qom male yovita ga'me laloqo' qama'le yataqata en yomat yema joga'me jetaque ye'et, da'me yemata'a't yema jogaa'me uo'oe, gaa'me ueteda'a di'me piyem, chayovida'a jena'me ue'ta jena'me aleua, qaedi male yataqata qonauachigui da'me qoyen nejaliaĝanec joñe'me Cristo, yataqata qodajotalegue joñe'me.

Gálatas 1:13

Ami joote auayachiñe da'me eeta da'me 'yoyaĝac, ca'li maliaĝa jouetaue da'me lepe'e' jogaa'me judiopi. Nataq'aen auayachiñe ca'li jecaa'tape jogaa'me Dios lec'oqo'tepi, ja'uo lachoĝode'j qa'a jetaque japalaĝa't jogaa'me.

Hechos 22:21

Qalaĝaja ñe'me Jaliaĝanec enaac: «Jamo, oc, qa'a am jamaĝayelo gaa'me ale'u jo'ne qaya'aguelo.»”

Hechos 13:46

Qama'le Pablo nataq'aen Bernabé 'uo da'me 'lañaĝa'j da'me doje'tape, 'yategueta: —Qo'mi qoyanema da'me qa'nelopaguec qaedi ja'aĝataqatac da'me Dios lep'iquenataĝanaĝac a'uaviñe ami jo'ne judiopi. Qalaĝaja queda'me a'uoitapeguet, nataq'aen ja auacoñiyeguet da'me at'oyaĝaqui 'me ja 'naidena'a qomle, male jec'ataĝalo nayi gaa'me jo'ne ja judiopi.

Hechos 13:2

'Uo jo'me nolo' ca'li cha'li yema'a't, 'nonaĝachidegue ñe'me Jaliaĝanec nataq'aen noqouaqatela'ajalo, qama'le ñe'me Dios Lepaqal t'aqataĝanema jogaa'me, enaac: “Aviyochiya'a ñe'me Bernabé nataq'aen Saulo qa'a 'uo ga'me jen 'lonata'j: qo'che' jiyaĝanalo.”

Hechos 9:15

Qalaĝaja ñe'me Jaliaĝanec enaac: “Oc, qa'a nach'eñe ja'atelegue ñe'me jiyaĝaua qaedi jayem 'yaĝate'tapema ena'uaque ga'me jiyaĝadipi jo'ne uetedalegue jena'me aleua, choqoga'me lejaliaĝanaqa nataq'aen nach'e ena'ama ga'me israelpi.

1 Timoteo 2:7

Nach'ena jenjo' qoyen ja'aĝatetac uotaĝa jayem aqataĝanaĝaic naa'me naajo' 'naqataqa, qama'le jayem yamaĝalo joga'me ja judiopi qaedi japaĝaguetapeque gaa'me ejoda jo'ne 'laqataĝanaĝaco joñe'me Jesús. Jenjo' jo'ne ja'aĝatetac yataqata eja, ja joqovinaĝatac.

1 Timoteo 1:4

Nataq'aen ja 'noota ta'le 'yamaqate'n ga'me lepi'ic choqoga'me nejenaĝa'j, uotaĝa lajouaĝa'j jodia'me lapidi ca'li, qa'a naajo' najouaĝaco chiyaqayilo joga'me napetaĝac jo'ne yataqata ja no'en. Qom ja yauo'oe daa'me lamaĝajoĝonaĝaco joñe'me Dios, qama'le ja yaqanate't ta'le maqachaĝa yateto'n da'me onaĝaic lelnataĝac joñe'me.

Colosenses 1:6

Naqaeda da'me 'naqataĝanaĝac jo'ne joote ami novida'alo, qama'le ena'am ta'le nichiquetaye da'me jalayaĝac, ena'am da'me 'uo yemeda naa'me ale'u lael. Nach'eda da'me ami chiyoqotelegue ca'li yemta auomachiiya qama'le auayachiñe joga'me lichoĝodenataĝanaĝac ñe'me Dios queda'me eja yataqatelegue.

Colosenses 1:4

qa'a joote janomaqa da'me yataqachiñe auep'iiya'a joñe'me Cristo Jesús, nataq'aen queda'me adoqopichiyalo ena'uaque joga'me Dios lec'oqo'tepi.

Efesios 4:21

Qa'a ca'li yataqata auomachiiya da'me napaĝaguenataĝanaĝac jo'ne chiyoqo'ot ñe'me Cristo qama'le yataqata oquitapegue' da'me eja ladic jo'ne nach'ena nayi a'vichetac.

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Romanos 12:3

Chiyaqayi da'me lichoĝodenataĝanaĝac ñe'me Dios, 'uo da'me 'ñelopaguec jo'ne jayem qoyamaĝalegue, da'me ami ja'aĝatema da'me 'noota qom qaya'te gamachaqaega mach'e nenatetapela't napacalegue ga'me jo'ne nalo'taguet da'me uenate'ta. 'Noota da'me onolqa'tape ja yaguegue ga'me nelnataĝac da'me nenatetapela't, nalo'taguet q'aen ga'me mach'e Dios en nemeyaĝac 'uaĝayet q'aen da'me lepe'e.

Romanos 11:13

Qalaĝaja 'uo ga'tae'me jetaque ami ja'aĝatema, jo'ne ja ami 'te judiopi laje'pi, jo'ne Dios jayem yamaĝalo gaa'me ja judiopi, 'uo da'me let'adaic yauo'chi jenjo' 'yonatac.

Efesios 3:7

Dios yataqata onaĝaic da'me loec da'me yataqata jayem yichoĝoden, qama'le jayem yachetajop joda'me lañoqotaĝanaĝac, qaedi male jaqanatet ta'le ja'aĝa'tape jogaa'me 'laqataqa.

Efesios 3:9

Nataq'aen jayem qo'yelopec qaedi ja'aĝatetac yema joga'me en ta'tegue jena'me jenjo' lelnataĝac ñe'me Dios jo'ne naqaeñe mach'e 'lonatac jena'me aleua. Yema jena'me jenjo' jo'ne ami ja'aĝatapema nayi, yataqata qaya'te yayaten ca'li, qalaĝaja Dios male yaloĝon da'me jo'ne chiyoĝoteguet jaa'me 'uoidi toye's.