Efesios 3:18 - Nuevo Testamento Toba Sombrero Negro

¹⁸ qaedi da'me ami jo'ne oviyaue jena'me Dios lec'oqo'tepi male yataqata auayachiñe joda'me loqopich'i ñe'me Cristo jo'ne joote qo'mi yanema. Qa'a yataqata jalcochiñe joda'me, nataq'aen jalote nataq'aen qayaje'mec nataq'aen qaya'ñgui, qaya'te loiquiaqa'.

Nuevo Testamento Toba Sur

¹⁸ da yaqto' qami' qataq 'enauac na laÿipi 'amqajnataxanaxaicpi ishit da qauaÿajñiita yi lcachiguiñi qataq yi locta qataq da lalogaxa qataq yi lshicchiguiñi da lauotaxanaqtaic so Cristo.

La'aqtaqa Ñim Lo'onatac 'Enauacna 2013

¹⁸ Qaq da qoñiitec de'era, nache qami' qataq 'enauac na laỹepi 'amqaanataxanaxaicpi ishet da qauaỹaañita ye lcachiguiñi qataq ye locta qataq da lalogaxa qataq ye lshecchiguiñi da lauotaxanaqtaic So Cristo.

Efesios 3:18 Referans Kwoze

Juan 15:13

Da'me noqopich'i let'adaic jo'ne qaya'te ena'am, nach'eda da'me dojo': qom 'uo ga'me jiyaĝaua yanegue da'me 'loyaĝac qaedi nec'alaĝatedegue jogaa'me laqaya'olqa.

Efesios 3:19

Laqaya da'me ñachoĝodenoqo't ñe'me Dios, 'noota qom maqachaĝa auayachiñe jena'me jenjo' loqopich'i joñe'me Cristo jo'ne yataqata t'adaic, mate mane'e da'me qo'mi jiyaĝa'u ja jaqanatetaq ta'le yataqata jayatenaq, qaedi male yema da'me ami qoyanema, chayovida'a da'me ami qoyemata'aque da'me lajoĝoc joñe'me Dios.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

Efesios 1:15

Chane'eja, queda'me joote ami jayate'n da'me yataqata auep'iiya'a joñe'me Jaliaĝanec Jesús, nataq'aen da'me yataqata adoqopichiyalo jogaa'me adaqayadi' jo'ne nataq'aen p'iida'a jena'me jenjo' 'noota,

Apocalipsis 3:21

Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.

Gálatas 3:13

Qalaĝaja ñe'me Jesucristo nep'aĝala't yaconeguet ga'me te'me qadoĝot da'me ne'uaĝanaguec 'me qoyachalegue ga'me jo'ne ja yoqocha'alo daa'me namaĝajoĝonaĝaco. Qama'le naq'aeta da'me qo'mi nec'alaĝatedegue, qa'a daa'me nedii's enaac: “Dios ye'uaĝan gamachaqaega jo'ne yeleualegue jaga'me sodoso.”

Efesios 1:10

Qom male yovita ga'me laloqo' qama'le yataqata en yomat yema joga'me jetaque ye'et, da'me yemata'a't yema jogaa'me uo'oe, gaa'me ueteda'a di'me piyem, chayovida'a jena'me ue'ta jena'me aleua, qaedi male yataqata qonauachigui da'me qoyen nejaliaĝanec joñe'me Cristo, yataqata qodajotalegue joñe'me.

Colosenses 1:4

qa'a joote janomaqa da'me yataqachiñe auep'iiya'a joñe'me Cristo Jesús, nataq'aen queda'me adoqopichiyalo ena'uaque joga'me Dios lec'oqo'tepi.

Romanos 10:3

Qa'a ja auatetoñiyeguet da'me nach'eñe naqaeñe ñe'me Dios da'me e'n yataqatelo'te gaa'me jiyaĝa'u, qama'te aueñetapela't mach'e ami yataqatelo'te. Qama'le naq'aeta da'me ja uetedo'ot da'me jo'ne joote Dios 'yaeñi qaedi qo'mi yataqatelo'te q'ae'n.

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

2 Corintios 13:13

¡'Noota qom da'me lichoĝodenataĝanaĝac ñe'me Qadejaliaĝanec Jesucristo, choqoda'me loqopich'i ñe'me Dios nataq'aen da'me laqayayaĝac ñe'me Dios Lepaqal nach'e eta't ami uetauelo, ena'uaque da'me ami!