Efesios 3:17 - Nuevo Testamento Toba Sombrero Negro

¹⁷ Qama'le ñachoĝodetapecot joñe'me Dios qaedi joñe'me Jesucristo uauelo naa'me adai'lidi', qa'a jouaĝat da'me yataqata auep'iiya'a joñe'me nataq'aen qaedi da'me adoqopich'i nach'eda da'me chiyaqayi yema ga'me auauoyi,

Nuevo Testamento Toba Sur

¹⁷ Qataq seÿaxaatacot ñi qadta'a, da yaqto' so Cristo ishit da netaiguilo naua qadquiyaqchilli' souaxat da huo'o da qadpi'iÿaxaqui somayi, qataq yaqto' qami' ÿataqta qanañaxachiitalec qataq qan'ayiitalec da nsoxoyic,

La'aqtaqa Ñim Lo'onatac 'Enauacna 2013

¹⁷ Qataq seỹaxaatacot Ñim Lo'onatac 'Enauacna da yaqto' So Cristo ishet da netaiguilo naua qarquiyaqchilli' souaxat da huo'o da qarpi'iỹaxaqui Somaye, qataq yaqto' qami' ỹataqta qauauochec Ñim Lo'onatac 'Enauacna qataq na laỹepi shiỹaxauapi.

Efesios 3:17 Referans Kwoze

Colosenses 2:7

'Noota qom gaa'me lepatadi' da'me at'oyaĝaqui yoqoteteda'aguet joñe'me, nataq'aen da'me adepi'i 'noota qom naqaloĝodije'ma joñe'me, naq'aeta da'me ami qoyapaĝagueneque ca'li, qama'le nach'e eta't auañem da'me adamaiqui joñe'me Dios.

1 Juan 4:16

Naq'aeta da'me male jayatenaq queda'me yataqachiñe da'me Dios qo'mi noqopitalo. Da'me noqopich'i chiyoĝoguet joñe'me Dios, qama'le gamachaqaega jo'ne nach'e eta't 'uo da'me loqopich'i, nach'ega ne'tajop joñe'me Dios, nataq'aen joñe'me Dios netaue joga'me.

Juan 14:23

Jesús 'yateguet joñe'me: —Ga'me jo'ne jayem noqopita, yoqocha'alo naa'me 'yaqataqa, qama'le Taĝadena' noqopita ga'me, qama'le ñe'me Taĝadena' nataq'aen jayem ñanaĝaquena qaedi jonaqa'ajop joga'me.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

Romanos 5:5

Qama'le da'me dojo' qadeuataqataĝanaĝac ja qo'mi 'te yoqovi'n, qa'a ñe'me Dios najaqachiguilo q'ae'n naa'me qadai'li da'me loqopich'i na'ya q'aen ñe'me Lepaqal jo'ne qo'mi yanema.

Apocalipsis 3:20

Jayem auec'achiñe nayi: cha'li joueta'uet da'me ami jiyaĝanalo. Qom 'uo ga'me domachiya da'me yiyaĝanaĝac nataq'aen da'me 'youategue ga'me najom, qama'le jenoĝoneuo, qama'le qadalo'ta't da'me jeque'yaq.

2 Corintios 6:16

Qo'mi mach'e 'lemec ñe'me Dios jo'ne nec'aletaye, nataq'aen ta'le Dios qo'mi uetauelo, qama'le ja jenaĝa qadeloĝot ga'me ch'e nequi'i. Qa'a mach'eñe ñe'me Dios enaac: “Jouetauelo jenjo' yalaqapi nataq'aen jequetauelo jogaa'me. Jayem Nedios qama'le yalaqapi qomle jogaa'me.”

1 Juan 4:4

Ami yalaqapi, ami yataqata lec'oqo'tepi joñe'me Dios, nataq'aen eja da'me joote anomachi' jogaa'me qovinaĝanaĝaiquipi, qa'a ñe'me Dios Lepaqal jo'ne ami uetauelo yataqachiñe napacalegue joñe'me payac jo'ne uetauelo jogaa'me jo'ne nauteta joñe'me Dios.

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

Juan 17:23

queda'me jayem male jouetauelo jogaa'me nataq'aen da'me am nach'e eta't jayem oue'tajop, qaedi yataqata nalo'ta't naa'me. Chane'eja qom naq'aeta qama'le yema joga'me aleua laje'pi male nomeda'a da'me jayem anamaĝaquena, nataq'aen da'me adoqopitalo naa'me, nach'e ena'am da'me yataqata jayem adoqopita.

Juan 14:17

Nach'eñe ñe'me Dios Lepaqal jo'ne yataqatelegue; joga'me aleua laje'pi ja yaqanate't ta'le yacoteguet, qa'a ja yauata nataq'aen da'me ja yateto'n; qalaĝaja da'me ami yataqata auatetoñi, qa'a nach'e eta't ami ue'tajopa nataq'aen da'me male ami uetauelo qomle.

Lucas 6:48

queda'me nach'egaua eda'am ga'me jiyaĝaua jo'ne jetaque 'noĝojeguem ga'me 'lemec, qama'le 'uaeñe q'aen da'me yataqachiñe en qaya'ñgui ga'me lejedec, qama'le en lamo ga'me qa' ga'me emec. Ca'li nayenegue ga'me ñache, ga'me noĝop ja yilae'teguet da'me 'lañaĝac da'me yauaĝanot ga'me emec, qalaĝaja ja yaqanatet ta'le yidaĝat, qa'a ja qoyalajaĝan da'me qo'nedijeguem.

Mateo 13:6

qalaĝaja nale nenoĝojeguem jañe'me ajeua, qanach'e yaviyaĝat, qama'le queda'me qaya'te pata' male daqaqa.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

Juan 6:56

Ga'me jo'ne yalic jena'me yapat nataq'aen da'me niyomigui janjo' yetauo' nach'e eta't da'me jayem ue'tajop, qama'le nach'e ena'am da'me jayem joue'tajop.

1 Corintios 8:1

Nayi ja'ateguet da'me jayem auenachiyec ga'me lapat jo'ne joote qoyanema gaa'me qop'iyapegalo jo'ne ch'e 'nonataqa. Yataqachiñe eja da'me dojo' 'naqatac: “Ena'uaque qo'mi jayatenaq da'me jo'ne yataqata eja.” Qalaĝaja da'me nayatenaĝanaĝac 'yetem ga'me jiyaĝaua da'me ma'te 'yoĝodenaĝaic; joda'me noqopich'i qamqa'me 'yañaqatet joga'me.

1 Corintios 3:6

ena'am ta'le je'uaelegue jaañi da'me dojo' 'naqataĝanaĝac ca'li, ua'edi novi' ñe'me Apolo qama'le yepetelegue jaga'me jala, qalaĝaja nach'eñe ñe'me Dios jo'ne ye'et ca'li da'me anichiquitajeguem.

2 Corintios 13:5

'Noota qom mach'e ami anec'achiñela't, qaedi auayachiñe qom yataqachiñe ami t'añidañe da'me adepi'i: cha'li auapiyeñi da'me dojo'. ¿Qo'li ja auetadeñiyac joona queda'me Jesucristo ami uetauelo? Qom ja anepachiñiyac qa'a uo'oe nale gaa'me anapiyenaguecodi'.