Efesios 3:1 - Nuevo Testamento Toba Sombrero Negro

¹ Jayem Pablo jo'ne jayem necoñetaejec jouaĝat da'me je'etetac da'me Jesucristo en 'yonatac da'me en jayem anapaĝaguenoqo't, da'me ami jo'ne ja ami 'te judiopi.

Nuevo Testamento Toba Sur

¹ Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.

La'aqtaqa Ñim Lo'onatac 'Enauacna 2013

¹ Aỹem Pablo, aỹem qaicoñettai' cha'aye sasoilec da so'onataxaatacot So Jesucristo qataq so'onataxaatac da yaqto' qauaỹamaqaiñi qami' maye saishet da qami' judiopi.

Efesios 3:1 Referans Kwoze

Colosenses 1:24

Nayi jayem matac queda'me 'uo ga'me yachoĝodec yajouaĝat da'me ami yecochiyalo, qa'a da'me mach'e yachoĝodec ena'am ta'le en nalo'ta'ajalo q'ae'n jodaa'me qadachoĝodeco jo'ne chiyoqodayi da'me qademe'teguet ñe'me Cristo, yajouaĝat jena'me p'etaqadaiquipi jo'ne mach'e lapat.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

2 Timoteo 1:8

Chane'eja ena'te anepocoĝolegue da'me dojo', da'me a'uaĝate'tape jogaa'me chiyaqayilo joñe'me Qadejaliaĝanec, nataq'aen ena'te jayem anepocoĝolegue, da'me jayem necoñetaejec, jayem qoyajouaĝatec joñe'me Qadejaliaĝanec. Qama'le qomle male am qoyanem ga'me adachoĝodec, am qoyajouaĝatec da'me 'noota; Dios am nelochi'ña jo' qomle, ya'uo at'añaĝac.

Efesios 6:20

Joñe'me Qadejaliaĝanec jayem yamaĝalegue ca'li jena'me jenjo' qaedi ja'aĝatetac jenjo' jo'ne 'lonataĝanaĝac, nach'ena jayem yajouaĝat nayi da'me male jayem qoyecoñedetac. Chane'eja anachoĝodeñiyot joñe'me Dios qaedi yataqata ya'uo ga'me 'yañaĝac, qaedi maliaĝa jequeta da'me ja'aĝa'tape naajo' 'naqataqa.

Filemón 1:9

qalaĝaja jetaque ch'e am ñachoĝodenot, qa'a 'uo da'me adoqopich'i. Jayem Pablo, male jayem 'yaĝaicachigui, nataq'aen nayi jayem necoñetaejec da'me yajouaĝat joñe'me Cristo Jesús.

Filipenses 1:7

Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.

Filemón 1:1

Jayem Pablo, jo'ne necoñetaejec qa'a yajouaĝat da'me japaĝaguenataĝanec da'me dalaĝaic 'naqataĝanaĝac jo'ne onaĝaic 'me chiyaqayi joñe'me Cristo Jesús. Jayem nataq'aen ñe'me qadaqaya Timoteo ja'uo jenjo' yediijec qaedi am jedenaqatena, am qadaqaya Filemón, jo'ne mach'e am qat'onataĝanaĝaua jo'ne am jauotaĝac,

Hechos 23:18

Ñe'me vitaĝaic yauega ñe'me najoĝola', qama'le t'aqataĝanem, enaac: —Ñe'me necoñetaejec Pablo jayem yiyaĝana qaedi am ñauega jenjo' notolec, jo'ne 'uo ga'me jetaque am 'yaĝatem.

Lucas 21:12

“Qalaĝaja nadi'ta da'me uo'oe naa'me naajo', ami qoyecoñede'tape qomle nataq'aen 'uo da'me anecanaguequi. Ami qoyaue'ualo gaa'me nemaĝaiqui' qaedi anenaĝachiyegue ga'me ami yajouaĝa't, ami qoyanedaue jaga'me coñetaĝanaĝaiqui nataq'aen ami qoyajoĝona'agueta gaa'me jaliaĝanaqa jo'ne p'ajodaye choqogaa'me jaliaĝanaqa jo'ne yelolo'te gaa'me ale'u lael, qa'a yajouaĝat da'me ami yapaĝaguenataqa.

Filemón 1:23

Lamaic ñe'me Epafras, mach'e ñecoñetaĝaua qa'a jajouaĝam joñe'me Cristo Jesús.

Hechos 26:29

Pablo enaac: —'Noota ta'le paja'a uotaĝa ja paja'a, ñe'me Dios 'yamaqaten da'me ja nach'edata da'me am, dite da'me nach'e ena'ama ena'uaque naa'me naajo' jo'ne jayem naquiaĝatapega nayi, ta'le yovideta da'me jayem aueñiya'am, mate mane'e ja ena'am ta'le anechiyayelo gaa'me coñetaĝanaqa'te.

2 Timoteo 1:16

'Noota qom Qadejaliaĝanec jalcote yichoĝoden ga'me layi ñe'me Onesíforo, qa'a ñe'me jalcote nale jayem nec'ata qama'le 'uo nale ga'me jayem yanem jo'ne 'yañaĝacolac, nataq'aen da'me ja jayem 'te nepocoĝolegue da'me jayem qoyecoñe'.

Colosenses 4:18

Jayem Pablo, mach'e ñepoquena ledii's dojo' yamaic jo'ne ami jedenaqatenalo. Anetoviñetac queda'me jayem necoñetaejec. 'Noota qom Dios ami yanema da'me anichoĝodenataguequi, ena'uaque da'me ami.

Colosenses 4:3

Nach'e ena'am qo'mi auajelaĝañilo'te, qaedi ñe'me Jaliaĝanec 'youatedegue gaa'me qadadico da'me japaĝaguenataĝanaqatapec da'me 'naqataĝanaĝac nataq'aen jechoĝotaqatac da'me 'lonataĝanaĝac ñe'me Cristo, qa'a nach'eda jouaĝat da'me jayem qoyecoñe'.

2 Corintios 11:23

¿Qo'li Cristo lalemaĝaje'te? Jayem nach'e ena'am, ñapacalo'te jogaa'me, mate mane'e da'me ñenaĝategue da'me dojo' ena'am ta'le jayem chiyoĝojeta't. Da'me 'yonataĝanaĝac napacalo'te jogaa'me, ñapacalo'te jogaa'me da'me nach'e eta't jayem qoyecoñe', ñapacalo'te jogaa'me da'me nach'e eta't jayem qoye'uaĝan, nataq'aen ñapacalo'te jogaa'me da'me nach'e eta't jayem qoyadetapelegue da'me jetaque jayem qoyalat.

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

Hechos 21:33

Chane'eja ñe'me coicopi lajoĝola' yec'ata ñe'me Pablo qama'le yecoñe' nataq'aen damaĝajoĝolegue qaedi qoyecoñeteque ga'me laicaual. Yem qama'le yachimaĝatec ga'me lenaĝat ñe'me, nataq'aen jach'e ga'me ya'uo ca'li.

Apocalipsis 2:10

Ena'te at'oiya ga'me jo'ne qoyen adachoĝodequi qomle, queda'me nac qomle joñe'me payac da'me yanauelo jaga'me coñetaĝanaĝaiqui jogaa'me qayoĝode' da'me ami, qaedi ena'uac da'me ami qoyapiye'n, qama'le nach'e ena'am da'me qoye'n adachoĝodequi chayovida'a da'me yenoĝodegue gaa'me diez noloqo'ote. Chane'eja 'noota qom nach'e aueñeta't da'me oquitalegue da'me adepi'i jo'ne yataqatelegue chayovida'a qom adeleviyalegue, qama'le da'me jayem male ami janema da'me adec'alaĝaqui jo'ne adomataĝanaĝachi.

Efesios 3:13

Chane'eja, ami yaqaya'olqa, male ami ñachoĝodenouelo nayi da'me ena'te lichiguilo naa'me adai'lidi' jouaĝat da'me yachoĝodec, qa'a naa'me naajo' yataqata ami 'nonaĝachiguilo.

Gálatas 5:11

Ami yaqaya'olqa, ta'le japaĝaguenataĝatapec da'me auoviñetaque da'me auacoñiyeguet da'me nichaĝajoĝonaĝac, qama'le gaa'me yaute'upi male ja jayem 'te yecaatedac nataq'aen da'me yapaĝaguenataĝanaĝac jo'ne 'yaĝatetac da'me leleuaĝa ñe'me Cristo male ja yalemataĝanaĝa'n jogaa'me.

Gálatas 5:2

Qalaĝaja 'uo da'me jetaque ami ja'aĝatema: qom ami yitaĝa auacoñiyeguet da'me nichaĝajoĝonaĝac, qama'le da'me 'lonatac ca'li ñe'me Cristo male ja ami 'te lecochiyalo.

Hechos 9:15

Qalaĝaja ñe'me Jaliaĝanec enaac: “Oc, qa'a nach'eñe ja'atelegue ñe'me jiyaĝaua qaedi jayem 'yaĝate'tapema ena'uaque ga'me jiyaĝadipi jo'ne uetedalegue jena'me aleua, choqoga'me lejaliaĝanaqa nataq'aen nach'e ena'ama ga'me israelpi.

2 Corintios 1:6

Qom 'uo da'me qadachoĝodec, qama'le naue ami qoloyaĝanate'tape nataq'aen ami qonec'alaĝatedegue. Nataq'aen qom qo'mi loyaĝanate't ñe'me Dios, qama'le nach'e ena'am da'me ami qoloyaĝanate'tape, qaedi auaqanachichi ta'le 'uo da'me at'añaĝaqui da'me anapogaĝadeñiyegueta da'me nach'edaua qadachoĝodeco 'me joote qo'mi ualo'te.

Gálatas 5:24

Qama'le qo'mi da'me joote jouaqa'tot ñe'me Jesucristo joote jenaĝa yeleualegue jaga'me sodoso da'me qanejiyaĝauayaĝac loecoyaĝac nataq'aen gaa'me ja 'noe'n lamaico.

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Efesios 3:11

Nach'ena jena'me jenjo' joote jetaque en 'lonataĝanaĝac joñe'me Dios ca'li 'uaechiñe, qama'le nayi da'me novi' joñe'me Qadejaliaĝanec Jesucristo, qama'le en yataqatelegue di'yoq.