Efesios 2:16 - Nuevo Testamento Toba Sombrero Negro

¹⁶ Jenjo' chiyaqayi ca'li qoyalat ñe'me Jesucristo uetalegue sodoso, male en yem da'me nauchiyaĝac jo'ne uetauelo naa'me naajo' noyaqa: male yachalegue jada'me sodoso jena'me jenjo' ja no'en, qaedi en onolec jogaa'me noyaqa jo'ne 'niyelaĝadetot ñe'me Dios.

Nuevo Testamento Toba Sur

¹⁶ Qaq de'eda 'eetec so Cristo co'ollaq qaiuaxanguet so npe'enaxaqui. Huaña, nachi sa ishit da npa'aguena't ne'enaua dos mayi sa nhuo' lashi'. Qataq nmaneto naq'en ñi Dios, nachi naamayi 'eeta'am naq'en ca 'oonolec n'oquiaxac.

La'aqtaqa Ñim Lo'onatac 'Enauacna 2013

¹⁶ Chegoqchigui da l-leuaxa So Jesucristo co'ollaq qaiuaxaata'aguet so npe'enaxaqui, da Somaye ỹa'axaneguet da pa'aguenaxac maye huetaiguilo se'esoua nhuo' lashe'. Qataq l-llatcheguem se'eso pa'aguenaxac co'ollaq qaiuaxaneguet so npe'enaxaqui Somaye, ime nache ỹauaxaỹaxana't da yaqto' 'enauac da nhuo' le'ecpi qataq huetaigui da lactapiguiñi, cha'aye hueto'ot Ñim Lo'onatac 'Enauacna.

Efesios 2:16 Referans Kwoze

Romanos 5:10

Qa'a joñe'me Dios, ca'li maliaĝa qo'mi laute'upi joñe'me mach'eñe qo'mi yadalaĝateque da'me yitaĝa qo'mi yaconegueta.

Colosenses 2:14

Dios yapalaĝat jaga'me qadomalate jo'ne ja qo'mi 'te yotaua'n; yataqachiñe yemegue ca'li qoyetouoĝolegue jaga'me sodoso.

Efesios 2:15

Cristo male yaloĝon da'me 'noota ta'le qoyaĝañi jaga'me judiopi lamaĝajoĝonaĝac lae't, 'noota qom ja qoya'uo yema joga'me uetalegue jaga'me, qama'le ena'am ta'le en tayi da'me naajo' dos noyaqa male yataqata e'n naqaya' jo'ne uetedaue da'me 'nemaĝac.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

Romanos 8:3

Qa'a ñe'me Dios male ye'et da'me jo'ne ja yañoĝot da'me ye'et da'me namaĝajoĝonaĝac jo'ne chiyoqo'ot di'me Moisés, qa'a da'me lachoĝolaĝac da'me ch'e nejiyaĝauayaĝac qama'le ja yaqanatet ta'le yomat da'me dojo'. Qama'le Dios namaĝaquena ñe'me C'oĝot ena'am da'me lachoĝolaĝac ga'me ch'e jiyaĝaua 'me loeco lo'ol nataq'aen ena'am ta'le nemenec 'me nep'aĝaneguet gaa'me loeco joga'me jiyaĝadipi, nach'eda naq'aeta da'me ena'am q'aen ga'me ch'e jiyaĝaua 'me etaĝaloĝoic chiyaqayi da'me male yolaĝachigui ga'me etaĝaloĝoc.

Romanos 8:7

Jogaa'me jo'ne uenatetedapega da'me ch'e nejiyaĝauayaĝa'j nach'egaua nauteta ñe'me Dios qa'a ja jetaque 'yamaqate'n nataq'aen ja jetaque uetedo'ot da'me lamaĝajoĝonaĝac.

Romanos 6:6

Jayatenaq ga'me qat'oyaĝac toijec ca'li qoyen caje'megue ñe'me Cristo ca'li qoyep'enajeguem, qaedi da'me qat'oyaĝac 'me etaĝaloĝoic joga'me qoyolaĝachigui nataq'aen male ja qolaqatalegue da'me qo'mi lelataqa daa'me qadoeco.

1 Corintios 10:17

Mate mane'e qo'mi qayoĝode', qo'mi ena'am ta'le onolec ga'me qadapat, qa'a onolec ga'me pan 'me jaliguinaq.

Efesios 3:6

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

Efesios 4:4

Qa'a jena'me Dios lec'oqo'tepi onolec da'me 'loyaĝac, nataq'aen onolec ñe'me Dios Lepaqal jo'ne qo'mi uetauelo, nataq'aen onolec da'me jepagaqatapega, nach'eda da'me nec'alaĝac jo'ne Dios qo'mi yiyaĝanalo qaedi jaĝaue.

Colosenses 3:15

Nataq'aen 'noota qom da'me 'lemaĝac joñe'me Cristo yelo'oguelo naa'me adai'lidi', qa'a joñe'me Dios ami yiyaĝanalo qaedi nach'ega onolec napat ami qoyapetenegueta. Qama'le auañem da'me adamaiqui.