Efesios 2:15 - Nuevo Testamento Toba Sombrero Negro

¹⁵ Cristo male yaloĝon da'me 'noota ta'le qoyaĝañi jaga'me judiopi lamaĝajoĝonaĝac lae't, 'noota qom ja qoya'uo yema joga'me uetalegue jaga'me, qama'le ena'am ta'le en tayi da'me naajo' dos noyaqa male yataqata e'n naqaya' jo'ne uetedaue da'me 'nemaĝac.

Nuevo Testamento Toba Sur

¹⁵ Cha'ayi so Cristo nachida da maichi l'oquiaxac da chigoqchigui da imeuo naq'en 'enauac da lapaxaguenataxanaxac na nqataxacpi. Ime, nachi ÿauaxaÿaxanguet na judiopi qataq na sa ishit da judiopi da 'eeta'am ca dalaxaic nhuo' l'ecpi, qataq da n'attau'a naq'en somayi. Qaq 'eda da 'eetec somayi da i'ot da qadlagaxayic.

La'aqtaqa Ñim Lo'onatac 'Enauacna 2013

¹⁵ Cha'aye So Cristo nlaxaañi da lamaxasoxonaxac na nqataxacpi qataq nache chegoqchigui Somaye da se'eso sa nhuoona't nhuo' le'ecpi ivira'a da auochaxauapi.

Efesios 2:15 Referans Kwoze

Colosenses 2:14

Dios yapalaĝat jaga'me qadomalate jo'ne ja qo'mi 'te yotaua'n; yataqachiñe yemegue ca'li qoyetouoĝolegue jaga'me sodoso.

Gálatas 3:10

Qalaĝaja gaa'me jo'ne que'teguelo daa'me namaĝajoĝonaĝaco da'me jetaque t'onataĝadeuo'o ñe'me Dios, jogaa'me ena'am ta'le dajoteda'ague ga'me 'uo da'me lichic, qa'a gaa'me nedii's enaac: “Dios ye'uaĝa'n qomle ena'uaque gaa'me jo'ne ja que'teguelo yema daa'me namaĝajoĝonaĝaco.”

Hebreos 8:13

Chane'eja joñe'me Dios joote 'yaĝatetac ga'me 'namaqatenataĝanaĝac jo'ne dalaĝaic, qama'le ena'am ta'le en toijec da'me jo'ne 'uaechiñe. Qama'le ga'me toijec ja uayaloq qomle da'me pal.

Colosenses 3:10

Nataq'aen joote auaiñiñe da'me dalaĝaic at'oyaĝaqui 'me nichiquetajeguem, chayovida'a da'me ena'am da'me 'loyaĝac ñe'me Dios, nach'eñe jo'ne A'netoqo'chi, qaedi yataqachiñe nedo'ta't da'me auatetoñi.

Colosenses 2:20

Adelevi'ta'y ca'li ñe'me Cristo qama'le ja yitaĝa anejoqui'tagueta jogaa'me 'nañaĝaco jo'ne nejaliaĝatedelegue jena'me aleua. Chane'eja, ¿toqoch'e ena'am ta'le maliaĝa ademiya'eguet jena'me aleua, queda'me maliaĝa oquitapegue'to gaa'me ja qodajenataĝanema, ena'am da'me

Gálatas 6:15

Qalaĝaja, eja male ja p'ajaye qom qoyaconeguet da'me 'nanaĝajet jo'ne nichaĝajoĝonaĝac, uotaĝa ja qoyaconeguet. Da'me jo'ne p'ajaye ta'le dalaĝaic da'me lajoĝoc ga'me jiyaĝaua.

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

Efesios 4:16

Nach'eñe ñe'me Cristo jo'ne qo'mi yapotena't, qama'le qo'mi yodapecache male ena'am ta'le joqotaĝaguet joñe'me, nataq'aen yema ñecochaĝapega't. Chane'eja, qom naq'aeta qama'le ena'am ta'le yataqata ñaqaloĝodaqatajeguem, qama'le 'uo da'me qat'añaĝac jo'ne chiyaqayi da'me qadoqopich'i.

2 Corintios 5:17

Nayi yataqachiñe qademe'teguet ñe'me Cristo, qo'mi jo'ne dalaĝaic da'me qa'netaguec. Ñe'me Dios male ja yitaĝa qo'mi yec'ateneque ga'me toijec qat'oyaĝac, dite da'me qo'mi yanema da'me qaedi jaconaĝaguet da'me dalaĝaic qat'oyaĝac.

Hebreos 7:16

Qama'le da'me qoyen netaĝayaĝanaĝanec ja yepaquetelegue da'me namaĝajoĝonaĝac 'me 'yaĝa't ga'me nec'oqo'tepi ta'le chiyaqauelo, dite da'me chiyaqayi da'me lañoqotaĝanaĝac da'me mach'e 'loyaĝac jo'ne nach'e eta't ja pal.

Hebreos 9:23

Chane'eja 'uo da'me youetaque da'me 'uo ga'me najaqajec qaedi yiyo'y qoye'n jogaa'me uo'oe jo'ne ch'e lequi'il gaa'me jo'ne yoĝodache 'me ueda'ague di'me piyem. Qalaĝaja gaa'me yoĝodache jo'ne ueda'ague di'me piyem, youetapiye ga'me najaqajec jo'ne onaĝaic, 'me ja ena'ama gaa'me jo'ne qoyauo'oe nale.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Efesios 2:14

Qa'a nach'eñe ñe'me Jesucristo male qo'mi yanema jena'me jenjo' 'nemaĝac. Chiyaqayi ca'li nemela't, uetalegue jaga'me sodoso, Cristo male nomat joga'me naqaleuaĝa qama'le en naqayapega't jogaa'me judiopi nataq'aen jogaa'me ja judiopi, qaedi naa'me naajo' noyaqa male onolec joga'me qoya'uo, qoya'uo da'me 'noota.

Efesios 2:16

Jenjo' chiyaqayi ca'li qoyalat ñe'me Jesucristo uetalegue sodoso, male en yem da'me nauchiyaĝac jo'ne uetauelo naa'me naajo' noyaqa: male yachalegue jada'me sodoso jena'me jenjo' ja no'en, qaedi en onolec jogaa'me noyaqa jo'ne 'niyelaĝadetot ñe'me Dios.

Colosenses 3:11

Male qaya'te lajo'viyaĝac da'me am griego uotaĝa am judío, uotaĝa ta'le 'uo ga'me nichaĝajoĝonaĝac uotaĝa ta'le qaya, uotaĝa ta'le am yaqa'a le'ec uotaĝa viaĝa le'ec, uotaĝa ta'le am nelatac uotaĝa ja am 'te nelatac. Nach'eñeta ñe'me Cristo jo'ne yemata'a't yema nataq'aen ena'uaque uetauelo.

Colosenses 3:15

Nataq'aen 'noota qom da'me 'lemaĝac joñe'me Cristo yelo'oguelo naa'me adai'lidi', qa'a joñe'me Dios ami yiyaĝanalo qaedi nach'ega onolec napat ami qoyapetenegueta. Qama'le auañem da'me adamaiqui.