Efesios 2:14 - Nuevo Testamento Toba Sombrero Negro

¹⁴ Qa'a nach'eñe ñe'me Jesucristo male qo'mi yanema jena'me jenjo' 'nemaĝac. Chiyaqayi ca'li nemela't, uetalegue jaga'me sodoso, Cristo male nomat joga'me naqaleuaĝa qama'le en naqayapega't jogaa'me judiopi nataq'aen jogaa'me ja judiopi, qaedi naa'me naajo' noyaqa male onolec joga'me qoya'uo, qoya'uo da'me 'noota.

Nuevo Testamento Toba Sur

¹⁴ So Cristo nachiso so i'ot da qadlagaxayic. Cha'ayi somayi i'oteguet na judiopi qataq nam sa ishit da judiopi da 'eeta'am da maichi nhuo' l'ecpi, cha'ayi mashi ime da nlaxajñi som npaqtaxanaxat mayi i'ot da sa ishit da nhuojna't naq'en na shiÿaxauapi.

La'aqtaqa Ñim Lo'onatac 'Enauacna 2013

¹⁴ So Cristo nacheso so qomi' ỹanema da qarlagaxayec. Chegoqchigui da nque'eenaxac Somaye co'ollaq qaiuaxaata'aguet so npe'enaxaqui da ilaxachigui so npaqtaxanaxat maye nachera da nquiỹaxanaqtaic, maye ỹo'ot da na judiopi sa nhuoone' nam saishet da judiopi. Qaq nagui ne'enaua dos, Somaye ỹo'oteguet da 'enauac da nhuo' le'ecpi.

Efesios 2:14 Referans Kwoze

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

Colosenses 3:11

Male qaya'te lajo'viyaĝac da'me am griego uotaĝa am judío, uotaĝa ta'le 'uo ga'me nichaĝajoĝonaĝac uotaĝa ta'le qaya, uotaĝa ta'le am yaqa'a le'ec uotaĝa viaĝa le'ec, uotaĝa ta'le am nelatac uotaĝa ja am 'te nelatac. Nach'eñeta ñe'me Cristo jo'ne yemata'a't yema nataq'aen ena'uaque uetauelo.

Colosenses 3:15

Nataq'aen 'noota qom da'me 'lemaĝac joñe'me Cristo yelo'oguelo naa'me adai'lidi', qa'a joñe'me Dios ami yiyaĝanalo qaedi nach'ega onolec napat ami qoyapetenegueta. Qama'le auañem da'me adamaiqui.

Efesios 2:15

Cristo male yaloĝon da'me 'noota ta'le qoyaĝañi jaga'me judiopi lamaĝajoĝonaĝac lae't, 'noota qom ja qoya'uo yema joga'me uetalegue jaga'me, qama'le ena'am ta'le en tayi da'me naajo' dos noyaqa male yataqata e'n naqaya' jo'ne uetedaue da'me 'nemaĝac.

Colosenses 1:20

qama'le chiyaqayi q'aen joñe'me queda'me yitaĝa niyamaĝadenegueta ena'uaque jogaa'me uo'oe, ena'uaque jogaa'me neda'ña jena'me aleua nataq'aen gaa'me neda'ague jodi'me piyem, qama'le ya'uo da'me 'nemaĝac jo'ne yachiyoĝochichigui da'me leleuaĝa ñe'me Cristo ca'li qoyep'elegue jaga'me sodoso.

Colosenses 2:20

Adelevi'ta'y ca'li ñe'me Cristo qama'le ja yitaĝa anejoqui'tagueta jogaa'me 'nañaĝaco jo'ne nejaliaĝatedelegue jena'me aleua. Chane'eja, ¿toqoch'e ena'am ta'le maliaĝa ademiya'eguet jena'me aleua, queda'me maliaĝa oquitapegue'to gaa'me ja qodajenataĝanema, ena'am da'me

Romanos 5:1

Qama'le queda'me Dios joote qo'mi e'n yataqatelo'te, yajouaĝat da'me qadepi'iyaĝac, male 'uo da'me qat'emaĝac 'me chiyoqo'ot ñe'me Dios, qa'a na'ya q'aen ñe'me Qadejaliaĝanec Jesucristo.

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

Hechos 10:28

Pedro enaac: —Da'me ami auayachiñe ga'me judiopi lepe'e' queda'me ja qoyaje'tem ga'me ja 'lachaqaena ta'le dojapegue' uotaĝa taue ga'me 'lachaqa'. Qalaĝaja Dios jayem yapaĝaguenec queda'me ja jetaque jen 'te aĝanataĝanaĝaic uotaĝa jen paĝachigui gamachaqaega.

Hebreos 13:20

Joñe'me Dios jo'ne qo'mi yanema da'me 'nemaĝac, qa'a nach'eñe 'me 'niyelaĝachijeguem ñe'me Jesús da'me en chiyaqauelo dia'me napa'lpi, joñe'me Jesús jo'ne 'naĝanaĝate 'nouatoqo't 'me p'ajaye, ñe'me mach'e Qadejaliaĝanec jo'ne joote yomat da'me niyamaqataĝanaĝac jo'ne qaya'te loiquiaqa', yajouaĝat da'me qoyen naliñi jaga'me letauo'.

Lucas 2:14

“¡Qo'nonaĝachigui joñe'me Dios jo'ne na'ague di'me p'ajeguem! ¡'Nemaĝac neda'ña jena'me aleua uetouelo joga'me jiyaĝadipi, nach'egaua jo'ne Dios yichoĝode'n!”

Juan 10:16

Nach'e ena'am uo'oe gaa'me 'naĝanaĝatel laqaya' jo'ne yelopi 'me ja chiyoqodaue jana'me janjo' lae't, qalaĝaja nach'e ena'ama jec'atalo qaedi ñauetequena. Qa'a gaa'me nach'e ena'ama jayem yoqochideta, chane'eja qomle qama'le nalo'ta'ajalo da'me male onolec ga'me jo'ne nouatoqo't.

Lucas 1:79

Qaedi yecoyadelo'te gaa'me jo'ne uetedaue da'me 'lalaĝa, gaa'me jo'ne t'oitedapega da'me leleuaqa', Qama'le qo'mi yauequeteda'ague di'me naq'aec jo'ne yelo'ta da'me qat'emaĝac.”

Hebreos 7:2

Ñe'me Abraham e'n diez gaa'me lael da'me lomataĝanaĝac 'me yachiyoĝotaue jo'me nalada't, qama'le onolec ga'me lae male yanem ñe'me Melquisedec. Da'me dojo' nenaĝat jo'ne Melquisedec yelo'teguet da'me “Jaliaĝanec jo'ne Ja 'Nalegue”, qalaĝaja nach'e ena'am da'me 'uo da'me lenaĝat laqaya jo'ne “Nejaliaĝanec da'me 'Nemaĝac”, qa'a naqaeda jo'ne yelo'teguet da'me nejaliaĝanec di'me Salem.

Efesios 4:16

Nach'eñe ñe'me Cristo jo'ne qo'mi yapotena't, qama'le qo'mi yodapecache male ena'am ta'le joqotaĝaguet joñe'me, nataq'aen yema ñecochaĝapega't. Chane'eja, qom naq'aeta qama'le ena'am ta'le yataqata ñaqaloĝodaqatajeguem, qama'le 'uo da'me qat'añaĝac jo'ne chiyaqayi da'me qadoqopich'i.

Efesios 3:15

jo'ne nach'eñe 'lonataqa yema gaa'me uo'oe, gaa'me jo'ne neda'ña jena'me aleua nataq'aen gaa'me neda'ague di'me piyem.

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

Juan 11:52

Qalaĝaja ja nach'edata da'me yiyamaĝam ga'me judiopi, dite da'me qaedi yapotena't ena'uac jogaa'me nelagaĝa ga'me neteda'ña jo'ne Dios lec'oqo'tepi.

Efesios 2:17

Cristo naequena ca'li qama'le 'yaĝatetac da'me 'naqataĝanaĝac jo'ne onaĝaic chiyaqayi da'me 'nemaĝac, jo'ne yemata'a'ajalo jogaa'me ja judiopi, jo'ne ca'li ja yateto'n joñe'me Dios, nataq'aen jogaa'me judiopi jo'ne joote yateto'n ca'li joñe'me.