Efesios 2:13 - Nuevo Testamento Toba Sombrero Negro

¹³ Qalaĝaja nayi te'me eja ca'li yataqata ami qaya'alo, da'me ja auatetoñi joñe'me Dios, male nayi yataqata adavi'teguet joñe'me Dios, chayovida'a da'me adimichiye da'me auep'iiya'a joñe'me Jesucristo, chiyaqayi ca'li yeleu uetalegue jaga'me sodoso.

Nuevo Testamento Toba Sur

¹³ Qalaxayi nagui da qan'ayiitau'a so Cristo Jesús, nachi qami' mayi ÿataqta qami' qaÿoqtalo co'ollaxa, qalaq nagui ÿataqta qami' sa qaÿapigui, souaxat da l-leuaxa so Cristo.

La'aqtaqa Ñim Lo'onatac 'Enauacna 2013

¹³ Qalaxaye qami' maye qami' qaỹoqtalo co'ollaxa Ñim Lo'onatac 'Enauacna, mashe sa qami' qaỹapigui nagui Ñimaye, cha'aye mashe qana'ayeetaua'a So Cristo chegoqchigui da l-leuaxa co'ollaq qaiuaxaneguet so npe'enaxaqui.

Efesios 2:13 Referans Kwoze

Hechos 2:39

Qa'a dojo' 'yaĝatetac ca'li ñe'me Dios, queda'me mach'e adoĝochi nataq'aen gaa'me ac'oqo'chedi', choqoga'me jiyaĝadipi jo'ne qaya'aguelo; dojo' mach'e yelo'teguet qaedi ua'ajopa ena'uaque jogaa'me jo'ne jetaque yiyaĝanalo ñe'me Qadejaliaĝanec Dios.

1 Corintios 6:11

Uo'oe gaa'me naq'aeta ca'li da'me 'loyaĝa'j. Qalaĝaja male ami qonachilaĝa'n; male joote ami qoyiyota'alo qaedi oviyo'ot ñe'me Dios; male ami qoye'n yataqatelo'te q'ae'n; nach'eda lañoqotaĝanaĝac ñe'me Jaliaĝanec Jesucristo nataq'aen Lepaqal 'me ja 'nalegue ñe'me Qanedios jo'ne ami 'yetema da'me dojo'.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Efesios 2:12

da'me ja ami 'te judiopi jo'ne ja auatetoñi ca'li joñe'me Cristo, ja ovitaue jogaa'me lec'oqo'tepi joñe'me, qama'le ja ovitauelo naa'me lamaĝajoĝonaĝaco uotaĝa ga'me leyalaqataĝanaĝac joñe'me Dios, ca'li yanema jogaa'me lec'oqo'tepi. Chane'eja temaq'aen ami uo'oe ca'li, qalaĝaja ja auatetoñi joñe'me Dios nataq'aen yataqata qaya'te adajoĝonataĝanaĝaqui.

Efesios 1:7

Da'me leleuaĝa joñe'me Jesucristo ca'li uetalegue jaga'me sodoso, male Dios en qo'mi uojotedañi, da'me yapalaĝa't yemeda jogaa'me qadoeco. Nach'ena jena'me jenjo' ya'uo ca'li qa'a jouaĝat da'me yataqata eja qo'mi noqopitalo.

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

2 Corintios 5:17

Nayi yataqachiñe qademe'teguet ñe'me Cristo, qo'mi jo'ne dalaĝaic da'me qa'netaguec. Ñe'me Dios male ja yitaĝa qo'mi yec'ateneque ga'me toijec qat'oyaĝac, dite da'me qo'mi yanema da'me qaedi jaconaĝaguet da'me dalaĝaic qat'oyaĝac.

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.

Hebreos 9:18

Qama'le nach'e ena'am da'me 'uaechiñe 'namaqatenataĝanaĝac, joca'li qoye'et qama'le qoyouen da'me qoyen naliñi jaga'me netauo'.

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

Romanos 8:1

Chane'eja nayi male qaya'te gamachaqaega ne'uaĝanague'j gaa'me jo'ne yoqotede'uo ñe'me Cristo Jesús.

Hechos 22:21

Qalaĝaja ñe'me Jaliaĝanec enaac: «Jamo, oc, qa'a am jamaĝayelo gaa'me ale'u jo'ne qaya'aguelo.»”

Hechos 15:14

Simón qo'mi 'yaĝatetapema da'me eeta queda'me yemta nayi Dios yotaua'n joga'me ja judiopi, nataq'aen 'yatetelo'te joga'me noic jo'ne mach'e c'oqo'tepi.

Juan 10:16

Nach'e ena'am uo'oe gaa'me 'naĝanaĝatel laqaya' jo'ne yelopi 'me ja chiyoqodaue jana'me janjo' lae't, qalaĝaja nach'e ena'ama jec'atalo qaedi ñauetequena. Qa'a gaa'me nach'e ena'ama jayem yoqochideta, chane'eja qomle qama'le nalo'ta'ajalo da'me male onolec ga'me jo'ne nouatoqo't.

1 Corintios 12:13

Qa'a joca'li qo'mi qonachilaĝa'n, nach'eñe ñe'me Dios Lepaqal qo'mi 'yeteque da'me ena'am ta'le onolec da'me qat'oyaĝac, joga'me griegopi nach'e ena'am joga'me judiopi, jogaa'me nelataqa nataq'aen jogaa'me yiyamaqachidiñe, qama'le Dios qo'mi ena'uac yecodelo'te nach'eñe ñe'me mach'e Lepaqal.

Efesios 1:1

Mach'e jayem Pablo, jo'ne lamaĝajec joñe'me Jesucristo, qa'a Dios mach'e yataqata jayem ee'tec. Ami yaqaya'olqa jo'ne Éfeso laje', ami jo'ne eja yataqata ovitaue jena'me Dios lec'oqo'tepi, nataq'aen yataqata auep'iiya'a joñe'me Jesucristo, yataqata t'adaic da'me yamaic ami janema.

Efesios 2:2

Da'me anejiyaĝauayaĝaqui yataqata ja no'en ca'li, oqui'teguelo gaa'me jiyaĝa'u jo'ne ja 'noe'n, nataq'aen oquitapegue' joñe'me payac lepaqal jo'ne nejaliaĝatelo'te yemeda gaa'me payagodipi, nach'eñe jo'ne 'yañaqate't jogaa'me ja p'iida'a joñe'me Dios.

Efesios 2:6

Ca'li ñe'me Dios nec'alaĝachijeguem joñe'me Jesucristo, qama'le ena'am da'me qo'mi nec'alaĝachidijeguem, chayovida'a da'me ya'uo jodi'me qat'achaqa' jo'ne na'ague di'me piyem, qaedi naqaeñe jonaqa'tajop jo' qomle.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.