Efesios 2:12 - Nuevo Testamento Toba Sombrero Negro

¹² da'me ja ami 'te judiopi jo'ne ja auatetoñi ca'li joñe'me Cristo, ja ovitaue jogaa'me lec'oqo'tepi joñe'me, qama'le ja ovitauelo naa'me lamaĝajoĝonaĝaco uotaĝa ga'me leyalaqataĝanaĝac joñe'me Dios, ca'li yanema jogaa'me lec'oqo'tepi. Chane'eja temaq'aen ami uo'oe ca'li, qalaĝaja ja auatetoñi joñe'me Dios nataq'aen yataqata qaya'te adajoĝonataĝanaĝaqui.

Nuevo Testamento Toba Sur

¹² Nachi qami' co'ollaxa sa ishit da qauauattoñi so Cristo, qataq sa ishit da qanqachiu'a na llalaqpi so Israel, qataq sa ishit da qauaÿajñi nam aÿamaxataxacpi qataq dam ÿachaxanapec ñi Dios co'olloxochiyi. Qaq chochi qoviitalec ana 'alhua, qaica ca qanaquitaxaqui qataq sa ishit da qauauattoñi ñi Dios.

Efesios 2:12 Referans Kwoze

Gálatas 4:8

Ca'li jona'li auatetoñi ñe'me Dios, qamaliaĝa ami lelataqa jogaa'me qop'iyapegalo jo'ne ja ejoda.

Colosenses 1:21

Da'me ami ena'am ta'le ami qaya'alo ca'li, da'me ja auatetoñi joñe'me Dios nataq'aen naa'me adai'lidi' nautetedapega joñe'me, yajouaĝat da'me uo'oe gaa'me ja 'noe'n 'me a'viche'tape.

1 Pedro 1:3

'Ñonaĝataĝaye joñe'me Qadet'a Dios jo'ne Let'a joñe'me mach'e Qadejaliaĝanec Jesucristo, qa'a naqaeñe jo'ne yataqachiñe choĝodenataĝanaĝaic, qama'le qo'mi yanema da'me qat'oyaĝac jo'ne dalaĝaic. Chane'eja male 'uo da'me qadeuataqataĝanaĝac jo'ne ja yitaĝa ta'le pal, yajouaĝat da'me joote 'niyelaĝajeguem joñe'me Jesucristo ca'li chiyaqauelo ga'me napa'lpi.

1 Ts 4:13

Ami yaqaya'olqa, ja qadelnataĝac ta'le ja auayachiñe ga'me ladiquiyaĝa'j jogaa'me joote yele'u, qaedi ja ami 'te totelo'te, da'me ja aueñiya'ama jogaa'me jo'ne qaya'te lajoĝonataĝanaĝa'j.

Efesios 4:18

Naa'me naajo' jiyaĝa'u yataqata qaya'te yayaten, nataq'aen chiyoĝo's, nataq'aen yataqata qaya'te naquiaĝata, qama'le yataqata ja yateto'n da'me 'noyaĝac jo'ne chiyaqayi joñe'me Dios.

1 Ts 4:5

'Noota qom ch'e aualajaĝañi jena'me jenjo' jo'ne yataqata ja no'en; ena'te auadenaĝachi' jogaa'me jiyaĝa'u jo'ne yataqata ja yateto'n joñe'me Dios.

Juan 15:5

“Naqayem jo'ne jayem uva lichidic, qama'le da'me ami naqa'ami jo'ne lepeel. Ga'me jo'ne nach'e eta't jayem yoqote'taguet, nataq'aen jayem da'me joqote'taguet joga'me, qama'le jalcote ga'me nejalayaĝac; qalaĝaja qom ja jayem 'te auoqochi'taguet, qama'le qaya'te auaqanachichi.

Hebreos 6:18

Ñe'me Dios ja doqovinaĝan, qama'le uo'oe naa'me naajo' jo'ne dos 'me ja yitaĝa ta'le 'uo ga'me dalaĝaic: nach'ena jo'ne Dios joote qo'mi yaloĝonalo choqoda'me 'laqatac joñe'me jo'ne 'naĝatelegue. Chane'eja da'me qo'mi, 'uo da'me qat'añaĝac jo'ne chimaqachiñe, da'me qo'mi jo'ne jeloqotaque da'me qo'mi de'uolo'te joñe'me Dios, nataq'aen da'me jaconaĝaguet da'me neuataqataĝanaĝac jo'ne qo'mi yanema joñe'me.

Romanos 9:8

Dojo' qo'mi yayatenaĝaneque da'me qaya'te Dios lec'oĝochiyaĝac qom nach'edata chiyaqayi da'me ch'e naqachidiaĝaua joga'me; ja naq'aeta, jaldata gaa'me jo'ne yataqachiñe nec'oqo'te 'me yepaquichiguilo daa'me 'laqataqa ñe'me Dios, nach'egaua qoyanema daa'me yataqatelo'te lolelaĝaiquipi.

1 Pedro 3:15

Nach'edata da'me a'nonaĝachiyegui joñe'me Cristo mach'e Adejaliaĝanequi. Nataq'aen nach'e eta't aniyamaĝacheta't da'me a'uachiyegueta ena'uaque gaa'me jo'ne denataĝatapelegue da'me jo'ne adeuataqataĝanaĝaqui 'me joote ami uetauelo.

Hechos 28:20

Chane'eja nach'eda dojo' jouaĝat da'me ami jiyaĝanalo, qaedi ami jauanalo nataq'aen ami jojapegue'to; qa'a nach'eda da'me qadeuataqataĝanaĝac, da'me qo'mi israelpi, jo'ne chiyaqayi da'me jayem qoyecoñedeta't nayi.

Hechos 3:25

Ga'me jo'ne Dios 'laqataĝanaĝanaqa 'yaĝatetedac ca'li, queda'me jetaque ami 'yetema, nach'ena ami qoyanema; nach'e ena'am ami ua'ajopa da'me jo'ne Dios necoñetegueta dia'me auachiyoĝoita. Qa'a Dios yanem da'me 'laqatac di'me Abraham: «Yema ga'me jiyaĝadipi ñetamelo'te qomle jouaĝat ga'me ac'oqo'tepi.»

1 Juan 3:3

Nataq'aen ena'uac joga'me ue'tajop da'me dojo' najoĝonataĝanaĝac joñe'me Cristo, 'noota qom ja en 'te 'nalegue da'me 'loyaĝac joga'me, nach'e naq'aeta queda'me ja 'nalegue joñe'me Cristo.

1 Pedro 1:21

Chiyaqayi joñe'me Cristo, da'me ami male auep'iiya'a ñe'me Dios, 'me 'niyelaĝachijeguem joñe'me, yachiyaqaue di'me napa'lpi 'lachaqa', qama'le yanem da'me 'lonaĝac qaedi male auep'iiya'a joñe'me Dios jo'ne anaquichitapega.

Hebreos 11:34

nataq'aen yañoĝo't da'me 'yomaĝa't ga'me dole' jo'ne 'uo da'me 'lañaĝac da'me lauaqayaĝac, choqoda'me qoyaĝan da'me te'me qoyalateque ga'me nedaĝanaĝat liaĝa. Mate mane'e qaya'te 'lañaĝac joca'li, qama'le 'uo da'me 'lañaĝac jo'ne qoyanema qaedi yovideta da'me qoye'n nalada't lo'ol jo'ne yataqata 'uañaĝayaqa, chayovida'a da'me noma't joga'me coico laje'pi jo'ne laute'upi.

1 Timoteo 1:1

Mach'e jayem Pablo, jayem Jesucristo lamaĝajec choqoda'me en jayem liquiyac joñe'me Dios qaedi ja'aĝa'tape jodaa'me lamaĝajoĝonaĝaco, jo'ne nach'eñe ca'li 'uaechiñe Qadec'alaĝaiqui choqoñe'me Cristo Jesús jo'ne mach'e naqaeñe jeuataqa'tac.

2 Ts 2:16

Ñe'me Dios jo'ne Qadet'a yataqata qo'mi noqopitalo chayovida'a da'me qo'mi yanema joda'me qat'añaĝac nataq'aen da'me qadeuataqataĝanaĝac jo'ne chiyoqo'ot da'me lichoĝodenataĝanaĝac joñe'me, nataq'aen joñe'me Qadec'alaĝaiqui Jesucristo,

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Colosenses 1:5

Dojo' yajouaĝat da'me anaquichi'ta ga'me jo'ne jalchi'ena qoyiyamaĝatetac qaedi ami qoyanema qomle da'me oviya'ague di'me piyem, da'me jo'ne auomachiiya ca'li ami qo'yaĝatema da'me yataqatelegue jo'ne 'laqataĝanaĝac ñe'me Dios.

Juan 10:16

Nach'e ena'am uo'oe gaa'me 'naĝanaĝatel laqaya' jo'ne yelopi 'me ja chiyoqodaue jana'me janjo' lae't, qalaĝaja nach'e ena'ama jec'atalo qaedi ñauetequena. Qa'a gaa'me nach'e ena'ama jayem yoqochideta, chane'eja qomle qama'le nalo'ta'ajalo da'me male onolec ga'me jo'ne nouatoqo't.

Juan 4:22

Ami jo'ne Samaria laje'pi ja auayachiñe ga'me jo'ne jetaque anetameñiyot, da'me qo'mi jo'ne judiopi laje' qamqa'me jayatenaq ga'me jo'ne ñetamenoqot, qa'a da'me nec'alaĝac chiyoĝogue joga'me judiopi.

Lucas 1:72

Nataq'aen queda'me ja yapalaĝate'talo da'me yichoĝode'n jodia'me jachiyojoĝogueta jo'ne mach'e qadet'al, Da'me ya'uo da'me yataqachiñe ja 'nalegue ca'li ye'tem ga'me jiyaĝadipi qaedi male niyamaĝadeteguet joñe'me.

Hechos 2:39

Qa'a dojo' 'yaĝatetac ca'li ñe'me Dios, queda'me mach'e adoĝochi nataq'aen gaa'me ac'oqo'chedi', choqoga'me jiyaĝadipi jo'ne qaya'aguelo; dojo' mach'e yelo'teguet qaedi ua'ajopa ena'uaque jogaa'me jo'ne jetaque yiyaĝanalo ñe'me Qadejaliaĝanec Dios.

Efesios 2:19

Chane'eja ami jo'ne ja ami 'te judiopi male ja ami 'te yaqa'alo, yataqata qaya'te yecolaĝate'ga, male nayi yataqata oviyaue jena'me Dios lec'oqo'tepi, male auaqanachichi da'me aviyaĝañiyeguet joñe'me qa'a male yataqata ami Dios lec'oqo'tepi.

Hebreos 8:6

Qalaĝaja nayi ñe'me mach'e Qadetaĝayaĝanaĝanec jo'ne ne'tague di'me piyem male yaconeguet da'me 'nonataĝanaĝac jo'ne p'ajaye, da'me yiyamaĝatetac ga'me onaĝaic jo'ne qat'amaqatenataĝanaĝac qaedi male jaqanatetaq ta'le ñiyamaĝadenaĝaguet joñe'me Dios, qa'a nach'ega jo'ne chiyaqayilo gaa'me onaĝayaqa jo'ne joote qo'mi qoyaloĝonalo.