Efesios 2:10 - Nuevo Testamento Toba Sombrero Negro

¹⁰ Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Nuevo Testamento Toba Sur

¹⁰ Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

La'aqtaqa Ñim Lo'onatac 'Enauacna 2013

¹⁰ Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.

Efesios 2:10 Referans Kwoze

Filipenses 2:13

Qa'a nach'eñe joñe'me Dios jo'ne ami yanouelo da'me nelnataĝaco jo'ne onaĝayaqa nataq'aen ami yanema da'me at'añaĝaqui qaedi aueñi di'yoq da'me yepaquetapega joñe'me.

Colosenses 1:10

Qaedi auaqanachichi ta'le 'noota ga'me auauoyi, nach'e naq'aeta ga'me yauote nale jogaa'me quetegue joñe'me Jaliaĝanec, nach'e eta't auauoyi ga'me jo'ne yiyamaĝaden joñe'me, auauoyi jala gaa'me yodapecache 'me onaĝayaqa at'onataqadi', nataq'aen aueñi nichiquetaye da'me yataqata auatetoñi joñe'me Dios.

Hebreos 13:21

Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.

2 Corintios 5:17

Nayi yataqachiñe qademe'teguet ñe'me Cristo, qo'mi jo'ne dalaĝaic da'me qa'netaguec. Ñe'me Dios male ja yitaĝa qo'mi yec'ateneque ga'me toijec qat'oyaĝac, dite da'me qo'mi yanema da'me qaedi jaconaĝaguet da'me dalaĝaic qat'oyaĝac.

2 Corintios 9:8

Dios yaqanatet ta'le e'n yodapecache gaa'me ami yanema jo'ne anachiquiyaĝaqui, qaedi nach'e eta't auañiya yema ga'me jo'ne auoviñetaque. Uoja'eda ja yemeta da'me adecochaĝaqui da'me alecochiiyalo ena'uaque gaa'me 'nonataqa jo'ne 'noote'.

Efesios 4:24

nataq'aen yataqata auacoñiyeguet da'me at'oyaĝaqui dalaĝaic jo'ne 'lonatac joñe'me Dios, qaedi male di'yoq da'me ami yataqatelo'te nataq'aen ami ja 'nalo'te.

Filipenses 1:6

Yataqata 'noota da'me 'lonataĝanaĝac joñe'me Dios jo'ne ami uauelo ca'li yemta, qama'le naajo' noloqo'ote male en nichiquetedaye da'me auep'iiya'a joñe'me, chayovida'a ga'me nolo' qom yitaĝa 'niyelaq joñe'me Jesucristo.

2 Timoteo 3:17

qaedi ga'me Dios nejoĝonec jalcote 'uo da'me layatenaĝanaĝac qaedi male yataqata yaqanatet ta'le ye'et yema ga'me 'noota.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

2 Timoteo 2:21

Chane'eja qom 'uo joga'me jiyaĝaua niyamaĝatela't, t'oiya'agueta daa'me daajo' 'nonataqa laqaya' jo'ne ja 'noe'n, qama'le nach'ega ena'am ta'le le'ec jo'ne 'uo ga'me lajo'viyaĝac, jo'ne nemenot joñe'me Jaliaĝanec nataq'aen yataqata youen, qama'le male tayet joga'me en 'lonatac jo'ne onaĝaic.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Efesios 1:4

Ca'li maliaĝa ja di'yoq jena'me aleua, Dios joote en qo'mi liquiyaqa qaedi qolaĝague ñe'me mach'e Liquiyac Jesucristo, da'me en jajoyaqa'aguet joñe'me Dios, male yataqata ja qo'mi 'te 'nalo'te, qaya'te qanaviyaqataguec. Dios yataqata qo'mi noqopitalo,

1 Timoteo 6:18

Nataq'aen a'uaĝatema qaedi yauote da'me 'noota, qa'a da'me onaĝayaqa 'lonataqa ena'am ta'le yataqata neuoyaĝaco. Nataq'aen 'noota ta'le ja jemataqayaqa, nataq'aen onaĝaicaloec.

Tito 3:14

Nataq'aen ena'uaque gaa'me mach'e qadepi'iyaĝa'u 'noota qom yayate'n ta'le yauote joda'me 'noota, qama'le lecochiyalo gaa'me jo'ne 'uo da'me louenaĝanaĝa'j, qaedi qoyiyamaqa'tema jogaa'me.

Hebreos 10:24

Qama'le onolqa'tape da'me qo'mi, 'noota qom jelaqaque ga'me lajoĝoc da'me ñecochaĝapega't, qaedi nichiguegue da'me qadoqopich'i, chayovida'a da'me nach'e eta't jauoqo da'me jo'ne 'noota.

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Colosenses 3:10

Nataq'aen joote auaiñiñe da'me dalaĝaic at'oyaĝaqui 'me nichiquetajeguem, chayovida'a da'me ena'am da'me 'loyaĝac ñe'me Dios, nach'eñe jo'ne A'netoqo'chi, qaedi yataqachiñe nedo'ta't da'me auatetoñi.

Tito 2:7

nataq'aen nach'e eta't aua'uo da'me 'noota qaedi am yadenaĝa't jogaa'me. 'Noota qom qaya'te lale'gue da'me adapaĝaguenataĝanaĝac, nataq'aen yachimaqachiñe,

1 Corintios 3:9

Qa'a jayem nataq'aen Apolo qo'mi necochaĝa'u da'me 'lonataĝanaĝac ñe'me Dios, qama'le da'me ami aueñiya'am ga'me lanaĝanaqa' ñe'me Dios, nach'e ena'am aueñiya'am ga'me emec 'me 'noĝojeguem ñe'me Dios.

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

Tito 3:1

Ena'uaque jogaa'me anetouenaĝanaĝaneque queda'me 'noota ta'le uatec'alo jogaa'me jo'ne 'uo da'me lejaliaqa' nataq'aen gaa'me jaliaĝanaqa, choqoda'me yoqocha'alo jogaa'me, nataq'aen nach'e eta't niyamaĝateta'ajalo ta'le yauote da'me 'noota.

1 Juan 2:6

Ga'me jo'ne eetapela't yataqata netaye joñe'me Dios, 'noota qom que'teguelo daa'me 'lonataqa joñe'me Jesucristo.

Mateo 5:16

Nach'e naq'aeta ga'me 'yoqochiñe jo'ne ami netayelo, 'noota qom yecoyadelo'te ga'me jiyaĝadipi, qaedi yauata daa'me onaĝayaqa 'me at'onataqadi' qama'le 'nonaĝachidegue joñe'me Dios.

Juan 3:21

Qalaĝaja gaa'me jo'ne uetedaue da'me yataqatelegue male yec'adeta joñe'me necoyadaĝanaĝat qaedi qoyauanalo ena'uaque gaa'me 'lonataqa jo'ne 'yamaqate'n ñe'me Dios.

2 Ts 2:17

ñachoĝodenoqoto joñaa'me qaedi e'n jaqachiguilo naa'me adai'lidi' da'me adamaiqui, nataq'aen qaedi ami yanema da'me at'añaĝaqui, qaedi nach'e eta't a'uaĝachetac jena'me jenjo' 'noota nataq'aen da'me yataqata a'vichi na'me.

Romanos 8:29

Jogaa'me jo'ne joote latetoñii's ñe'me Dios joca'li, jogaa'me yanema da'me chiyoqochiñe eda'am ñe'me Lec'oĝot, qaedi ñe'me Lec'oĝot nach'eñe nepiloĝot da'me yataqata jalcote joga'me lanoqolqapi.

Hechos 9:31

Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.

2 Corintios 5:5

Qama'le ñe'me Dios nach'eñe qo'mi yaqataĝata'ajalo qaedi jaconaĝaguet da'me dojo' qo'mi qoyeleguemaĝa't, qama'le queda'me qo'mi yanema ñe'me Lepaqal 'me ja 'nalegue, nach'eda en di'yoq da'me naq'aeta qomle da'me ya'uo.

1 Timoteo 5:25

Nataq'aen jogaa'me 'yetedac jena'me 'noota: uo'oe gaa'me 'lonataqa jo'ne di'yo't, qalaĝaja jogaa'me ja di'yo't jo'ne nataq'aen 'noote', 'uo ga'me nolo' qom qoyecodelo'te qama'le yemta di'yo't.

1 Timoteo 2:10

Qom jaga'me yauo jetaque ya'uo ga'me onaĝaic 'netaĝac, 'noota ta'le en onaĝaic ga'me en yelo'teguet, qa'a nach'eda da'me eeta da'me 'netaĝac jaga'me yauo jo'ne eetapela't 'nonaĝachigui ñe'me Dios.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

1 Juan 1:7

Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.

Hechos 9:36

Jaa'me jaajo' noloqo'ote ga'me noic jo'ne Jope na'ña jañe'me p'etaqadai lenaĝat Tabitá, jo'ne griego 'laqatac yelo'teguet Dorcas. Janjo' yauo yema da'me nejiyaĝauayaĝac 'yetetac da'me 'noota nataq'aen lecochiyalo gaa'me 'uo da'me louenaĝanaĝa'j.

Gálatas 6:15

Qalaĝaja, eja male ja p'ajaye qom qoyaconeguet da'me 'nanaĝajet jo'ne nichaĝajoĝonaĝac, uotaĝa ja qoyaconeguet. Da'me jo'ne p'ajaye ta'le dalaĝaic da'me lajoĝoc ga'me jiyaĝaua.

Romanos 8:1

Chane'eja nayi male qaya'te gamachaqaega ne'uaĝanague'j gaa'me jo'ne yoqotede'uo ñe'me Cristo Jesús.

Efesios 2:2

Da'me anejiyaĝauayaĝaqui yataqata ja no'en ca'li, oqui'teguelo gaa'me jiyaĝa'u jo'ne ja 'noe'n, nataq'aen oquitapegue' joñe'me payac lepaqal jo'ne nejaliaĝatelo'te yemeda gaa'me payagodipi, nach'eñe jo'ne 'yañaqate't jogaa'me ja p'iida'a joñe'me Dios.

Efesios 1:1

Mach'e jayem Pablo, jo'ne lamaĝajec joñe'me Jesucristo, qa'a Dios mach'e yataqata jayem ee'tec. Ami yaqaya'olqa jo'ne Éfeso laje', ami jo'ne eja yataqata ovitaue jena'me Dios lec'oqo'tepi, nataq'aen yataqata auep'iiya'a joñe'me Jesucristo, yataqata t'adaic da'me yamaic ami janema.

Efesios 2:6

Ca'li ñe'me Dios nec'alaĝachijeguem joñe'me Jesucristo, qama'le ena'am da'me qo'mi nec'alaĝachidijeguem, chayovida'a da'me ya'uo jodi'me qat'achaqa' jo'ne na'ague di'me piyem, qaedi naqaeñe jonaqa'tajop jo' qomle.

Efesios 2:13

Qalaĝaja nayi te'me eja ca'li yataqata ami qaya'alo, da'me ja auatetoñi joñe'me Dios, male nayi yataqata adavi'teguet joñe'me Dios, chayovida'a da'me adimichiye da'me auep'iiya'a joñe'me Jesucristo, chiyaqayi ca'li yeleu uetalegue jaga'me sodoso.

Efesios 2:15

Cristo male yaloĝon da'me 'noota ta'le qoyaĝañi jaga'me judiopi lamaĝajoĝonaĝac lae't, 'noota qom ja qoya'uo yema joga'me uetalegue jaga'me, qama'le ena'am ta'le en tayi da'me naajo' dos noyaqa male yataqata e'n naqaya' jo'ne uetedaue da'me 'nemaĝac.