Efesios 1:23 - Nuevo Testamento Toba Sombrero Negro

²³ ena'am ga'me laqaic ga'me jiyaĝaua jo'ne yelolegue yema ga'me 'loyaĝac, qama'le naqaeñe ñe'me Cristo da'me en nalo'ta'ajalo jogaa'me, qa'a nach'eñe ñe'me jo'ne yemata'a't yemeda gaa'me uo'oe.

Nuevo Testamento Toba Sur

²³ Cha'ayi na 'amqajnataxanaxaicpi nachina na 'eeta'am da l'oquiaxac so Cristo. Qaq namayipi ÿataqta imatta't da lataxac somayi. Qaq somayi ÿataqta naloqchiichiguiñi naq'en 'enauacna.

La'aqtaqa Ñim Lo'onatac 'Enauacna 2013

²³ Cha'aye na 'amqaanataxanaxaicpi, nachena na 'eeta'am da lo'ocỹaxac So Cristo. Qaq namayepi ỹataqta imatta't da lataxac Somaye. Qaq Somaye ỹataqta naloqchiichiguiñi naqa'en na 'amqaanataxanaxaicpi.

Efesios 1:23 Referans Kwoze

Juan 1:16

Chane'eja da'me chiyaqayi da'me mach'e leyalaqataĝanaĝac let'adaic, male ena'uaque da'me qo'mi joote jaconaĝaguet da'me qanichoĝodenataguec jo'ne dalaĝaic 'me napacalegue da'me jo'ne 'uaechiñe.

Efesios 4:12

Ya'uo ca'li da'me dojo' qaedi yema da'me qo'mi jo'ne jouaqaue jena'me Dios lec'oqo'tepi, jo'ne nach'e ena'am ta'le qo'mi Cristo lapat, yataqata chimaqachiñe da'me qat'onataĝanaĝac, qaedi jauoqo 'lañaĝac ga'me qadepi'iyaĝa'u laqaya'.

Efesios 3:19

Laqaya da'me ñachoĝodenoqo't ñe'me Dios, 'noota qom maqachaĝa auayachiñe jena'me jenjo' loqopich'i joñe'me Cristo jo'ne yataqata t'adaic, mate mane'e da'me qo'mi jiyaĝa'u ja jaqanatetaq ta'le yataqata jayatenaq, qaedi male yema da'me ami qoyanema, chayovida'a da'me ami qoyemata'aque da'me lajoĝoc joñe'me Dios.

Efesios 4:10

Qama'le ñe'me jo'ne 'uaeñe da'me nenochiñe, nach'eñe jo'ne yitaĝa 'niyelaĝajeguem, yec'adije'ma di'me p'ajeguem qaedi da'me 'loyaĝac en najaĝaye q'aen ga'me na'ña.

1 Corintios 15:28

Qama'le qom Cristo nejaliaĝatelo'te ena'uaque gaa'me uo'oe, chane'eja ñe'me jo'ne Dios Lec'oĝot male uetaue da'me lejaliaĝa ñe'me Dios, qama'le Dios yemata'a't da'me yelolegue ena'uac.

Colosenses 1:24

Nayi jayem matac queda'me 'uo ga'me yachoĝodec yajouaĝat da'me ami yecochiyalo, qa'a da'me mach'e yachoĝodec ena'am ta'le en nalo'ta'ajalo q'ae'n jodaa'me qadachoĝodeco jo'ne chiyoqodayi da'me qademe'teguet ñe'me Cristo, yajouaĝat jena'me p'etaqadaiquipi jo'ne mach'e lapat.

Colosenses 3:15

Nataq'aen 'noota qom da'me 'lemaĝac joñe'me Cristo yelo'oguelo naa'me adai'lidi', qa'a joñe'me Dios ami yiyaĝanalo qaedi nach'ega onolec napat ami qoyapetenegueta. Qama'le auañem da'me adamaiqui.

Colosenses 3:11

Male qaya'te lajo'viyaĝac da'me am griego uotaĝa am judío, uotaĝa ta'le 'uo ga'me nichaĝajoĝonaĝac uotaĝa ta'le qaya, uotaĝa ta'le am yaqa'a le'ec uotaĝa viaĝa le'ec, uotaĝa ta'le am nelatac uotaĝa ja am 'te nelatac. Nach'eñeta ñe'me Cristo jo'ne yemata'a't yema nataq'aen ena'uaque uetauelo.

Efesios 2:16

Jenjo' chiyaqayi ca'li qoyalat ñe'me Jesucristo uetalegue sodoso, male en yem da'me nauchiyaĝac jo'ne uetauelo naa'me naajo' noyaqa: male yachalegue jada'me sodoso jena'me jenjo' ja no'en, qaedi en onolec jogaa'me noyaqa jo'ne 'niyelaĝadetot ñe'me Dios.

1 Corintios 12:6

Nataq'aen uo'oe qayoĝode' gaa'me 'netagueco da'me 'nañaĝac, qalaĝaja nach'eñe ñe'me Dios jo'ne t'onataĝanoue ena'uac queda'me 'yonataĝanaĝan yema ga'me p'etaqadaiquipi.

Romanos 13:5

Chane'eja 'noota qom auoqochiiyalo jogaa'me jaliaĝanaqa, qa'a nach'ena jena'me jenjo' yataqata naq'aeta da'me qadajoĝoc, nataq'aen qaedi ja ami 'te qoye'uaĝa'n.

Efesios 4:4

Qa'a jena'me Dios lec'oqo'tepi onolec da'me 'loyaĝac, nataq'aen onolec ñe'me Dios Lepaqal jo'ne qo'mi uetauelo, nataq'aen onolec da'me jepagaqatapega, nach'eda da'me nec'alaĝac jo'ne Dios qo'mi yiyaĝanalo qaedi jaĝaue.

Efesios 3:10

Qama'le nayi male 'uo jena'me jenjo' Dios lec'oqo'tepi jo'ne qoyemata'a't, qama'le chiyaqayi da'me dojo' male qoyayatenaĝanaĝaneque yema gaa'me jaliaĝanaqa jo'ne piyem laje' da'me eeta da'me layatenaĝanaĝac let'adaic joñe'me Dios jo'ne qaya'te nalo'taguet.

Efesios 4:13

Qom naq'aeta qama'le yema da'me qo'mi qadalo'ta't da'me qademalegue jena'me onaĝaic qadepe'e ladic, qaedi yataqata jatetonaq joñe'me Dios Lec'oĝot, nataq'aen male yemta jovitaĝa da'me qo'mi p'etaqadayaqa jo'ne chimadichidiñe, chayovida'a da'me qadalaje'ma da'me 'loyaĝac joñe'me Cristo jo'ne yataqata ja 'nalegue.

Colosenses 2:19

Nach'enaua ja yoqoteteda'aguet ñe'me qadaqaic jo'ne mach'e Cristo, nach'eñe jo'ne en naqaloĝodetajeguem q'aen yema ga'me lapat, nataq'aen yapatenegueta ena'uaque gaa'me jo'ne mach'e lael, nach'e naq'aeta da'me joote 'yaeñi joñe'me Dios.