Efesios 1:14 - Nuevo Testamento Toba Sombrero Negro

¹⁴ Nach'eñe ñe'me Dios Lepaqal en yataqatelegue da'me jaconaĝaguet qomle yema ga'me jo'ne Dios joote qo'mi 'yaĝatema, qom male yem da'me en uojotedañi q'ae'n yemeda gaa'me mach'e liquiyaqa. Chane'eja, ¡'noota qom nach'e eta't da'me qa'nonaĝachigui da'me lañoqotaĝanaĝac t'adaic joñe'me!

Nuevo Testamento Toba Sur

¹⁴ Qaq nachiso so ÿoqta 'itchiguiñi naq'en da qomi' saconaxaguet ca ÿachaxanapec ñi Dios mayi qomi' ÿanema qom ivita ca laloqo' da huesochiguiñi naq'en na lalamaxatpi, da yaqto' ñimayi qaÿi'oxoden souaxat da l'amaqchic.

La'aqtaqa Ñim Lo'onatac 'Enauacna 2013

¹⁴ Qaq nacheso so ỹoqta 'eesa naqa'en da qomi' saconaxaguet ca ỹachaxanapec Ñim Lo'onatac 'Enauacna maye qomi' ỹanema qom ivita ca laloqo' da huesochiguiñi naqa'en na lalamaxatpi, da yaqto' Ñimaye qaỹo'oxoren souaxat da la'amaqchec.

Efesios 1:14 Referans Kwoze

2 Corintios 5:5

Qama'le ñe'me Dios nach'eñe qo'mi yaqataĝata'ajalo qaedi jaconaĝaguet da'me dojo' qo'mi qoyeleguemaĝa't, qama'le queda'me qo'mi yanema ñe'me Lepaqal 'me ja 'nalegue, nach'eda en di'yoq da'me naq'aeta qomle da'me ya'uo.

2 Corintios 1:22

Joote qo'mi 'yaneque jaga'me 'lanaĝanaqate, nataq'aen yanayelo naa'me qadai'li ñe'me Lepaqal 'me ja 'nalegue nach'eda 'nanaĝajet qoyen ga'me jo'ne qo'mi qoyanema qom'te.

Efesios 4:30

Ena'te aueñi totelegue joñe'me Dios Lepaqal jo'ne ja 'nalegue, qa'a naqaeñe joote ami 'yaneque da'me qoyen di'yoq queda'me ami lec'oqo'tepi joñe'me Dios. Nach'eñe jo'ne ami uetauelo chayovida'a qom yovita ga'me nolo' p'ategue qom Dios ami e'n uojotedañi.

Gálatas 4:6

Qama'le nayi queda'me ena'am ta'le yataqachiñe qo'mi lec'oqo'tolqa, Dios namaĝaquena ñe'me Lepaqal 'me ja 'nalegue jo'ne chiyaqayi ñe'me mach'e Lec'oĝot qaedi qo'mi uetauelo. Qo'che' nale ñetamenoqot ñe'me Dios, ñe'me Lepaqal qo'mi yaje'tema da'me jiyaĝanoqot: “Am Qadet'a 'me am qadoqopita.”

Romanos 8:23

Nataq'aen ja jaldata da'me 'uo ga'me lachitataic jaga'me, dite da'me nach'e ena'am qo'mi, jo'ne joote ua'ajopa ñe'me Dios Lepaqal jo'ne qane'uauaĝat queda'me 'uo ga'me uoja'ega qo'mi qoyanema qomle. Yataqachiñe qaya'ñgui da'me qadachoyaĝac, jediajoqo'taguet ga'me nolo' qom ñe'me Dios qo'mi yaconegueta da'me male lec'oqo'tolqa, nach'eda male qoyejodegue naa'me qadoje'.

Efesios 1:12

Dios yataqata paquetapega da'me qo'mi jo'ne judío laje' yataqata je'uauaqachiñe da'me eja jep'iyaqa joñe'me Cristo, qaedi male yataqata qa'nonaĝachigui da'me lañoqotaĝanaĝac t'adaic ñe'me Qadet'a Dios.

Hechos 20:32

“Nayi, ami yaqaya'olqa, ami jepotanouelo da'me letelaĝac ñe'me Dios qaedi auacoñiyeguet da'me 'laqataĝanaĝac jo'ne 'yaĝatetac da'me mach'e lichoĝodenataĝanaĝac. 'Uo da'me lañoqotaĝanaĝac ñe'me qaedi en nichiquetajeguem da'me adepi'i nataq'aen ami yanema yema ga'me jo'ne joote 'yaĝatema gaa'me ja 'nalo'te 'me c'oqo'tepi.

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Lucas 21:28

Qom yepacalegue da'me di'yo'quena naa'me naajo' uo'oe, qama'le 'noota qom auacoñiyeguet da'me at'añaĝaqui, qa'a nach'ega laloqo' da'me ami qonec'alaĝatedegue.”

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

Efesios 1:11

Da'me 'uo ñe'me Cristo, Dios male en qo'mi liquiyaqa ca'li yemta da'me 'lonataĝanaĝac, qaedi yataqata en qo'mi lec'oqo'te, qaedi male jaconaĝaguet yema joga'me 'yaĝatetac ca'li. Nach'ena jena'me jenjo' Dios lelnataĝac jo'ne qo'mi yanema, nach'eñe jo'ne ja yoqovin joga'me 'laqatac uotaĝa 'lonataĝanaĝac.