Efesios 1:13 - Nuevo Testamento Toba Sombrero Negro

¹³ Qama'le nayi nach'e ena'am da'me ami male ami Dios lec'oqo'tepi, chiyaqayi da'me joote auomachiiya jena'me jenjo' 'naqataĝanaĝac jo'ne eja 'me 'yaĝatetac ñe'me Dios, 'naqataĝanaĝac jo'ne chiyaqayi da'me adec'alaĝaqui, nach'ena jena'me jenjo' male chiyaqayi joñe'me Cristo, da'me joote auacoñiyeguet joñe'me Dios Lepaqal jo'ne ja 'nalegue, nach'ena jenjo' qo'yaĝatapema joñe'me, qama'le en di'yoq da'me yataqata ami Dios lec'oqo'te.

Nuevo Testamento Toba Sur

¹³ Qataq nataq'en da qoñiita co'ollaq chochi qan'axaÿaxañiÿa da n'aqtac mayi ÿoqta 'eesa mayi chigaqaigui da qadca'alqai, huaña, nachi qau'amaqchiñi so Cristo, nachi qan'ayiu'a somayi, nachi qami' qai'a'n da ÿataqta qami' lalamqa'te ñi Dios. Qaq damayi chigoqchigui so Espíritu Santo mayi ÿachaxanapec co'olloxochiyi ñi Dios.

La'aqtaqa Ñim Lo'onatac 'Enauacna 2013

¹³ Qataq nataqa'en da qoñiita co'ollaq choche qana'axaỹaxañiỹa da no'on na'axaỹaxac maye chegaqaigui da qarca'alaqai, huaña, nache qaua'amaqchiñi So Cristo, qataq chegoqchigui Somaye da qana'ayeeua'a nam lalamaxatpi Ñim Lo'onatac 'Enauacna, qataq qauacoñiiguet So Saqcha'a Na'añaxac Qui'itta maye qomi' ỹachaxanapeguema Ñimaye.

Efesios 1:13 Referans Kwoze

2 Corintios 1:22

Joote qo'mi 'yaneque jaga'me 'lanaĝanaqate, nataq'aen yanayelo naa'me qadai'li ñe'me Lepaqal 'me ja 'nalegue nach'eda 'nanaĝajet qoyen ga'me jo'ne qo'mi qoyanema qom'te.

Efesios 4:30

Ena'te aueñi totelegue joñe'me Dios Lepaqal jo'ne ja 'nalegue, qa'a naqaeñe joote ami 'yaneque da'me qoyen di'yoq queda'me ami lec'oqo'tepi joñe'me Dios. Nach'eñe jo'ne ami uetauelo chayovida'a qom yovita ga'me nolo' p'ategue qom Dios ami e'n uojotedañi.

2 Timoteo 2:19

Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”

1 Ts 2:13

Chane'eja da'me qo'mi, nach'e eta't da'me janemaĝam da'me qadamaic joñe'me Dios, yajouaĝat da'me auomachiiya ca'li ga'me qadapaĝaguenataĝanaĝac, jo'ne mach'e 'laqataqa ñe'me Dios, qama'le yataqata auacoñiyeguet ga'me, ja aueñetapega ta'le ch'e jiyaĝaua 'laqatac. Qa'a eja yataqata Dios mach'e 'laqataqa, qama'le yataqata eja 'uo joga'me ami chiyaqayilo, da'me ami jo'ne male yataqata eja auep'iiya'a.

Romanos 4:11

Qama'le ca'li yoĝo'yi da'me yaconeguet ga'me 'nanaĝajet ñe'me Abraham, ena'am ta'le 'nanec uotaĝa ena'am ta'le qo'yamelegue da'me joote Dios yateton da'me yataqatelegue nataq'aen chimaqachiñe qa'a chiyaqayi da'me lepe'e. Nach'eda naq'aeta da'me Abraham chiyoqotelegue da'me male let'a't ena'uaque jogaa'me jo'ne 'uo da'me lepe'e', mate mane'e ja yacoteguet da'me 'nanaĝajet; qama'le naq'aeta da'me Dios nach'e ena'am yatetonegueta da'me yataqatelo'te q'ae'n jogaa'me.

Tito 2:11

Naq'aeta da'me auapaĝagueneque ena'uaque joga'me p'etaqadaiquipi, qa'a joote yaloĝon da'me lichoĝodenataĝanaĝac joñe'me Dios, nach'eda ja qalaĝa q'aen da'me lec'alaĝa'j ena'uaque joga'me jiyaĝadipi.

Gálatas 3:14

Qo'che' da'me Dios 'yaĝatem ca'li di'me Abraham jo'ne 'nonaĝachigui qomle ñe'me, nach'e ena'am qoyeloĝonaĝachiguilo jogaa'me jo'ne ja judiopi. Chane'eja naq'aeta, qom jep'iyaqa ñe'me Cristo, nach'e ena'am jaconaĝaguet ñe'me Lepaqal, 'me Dios joote qo'mi 'yaĝatema.

Romanos 1:16

Ja jepocoĝolegue da'me dojo' onaĝaic 'naqataĝanaĝac, qa'a nach'eda lañoqotaĝanaĝac ñe'me Dios qaedi ena'uaque gaa'me jo'ne p'iida'a yededalegue da'me qonec'alaĝatedegue, nach'egaua joga'me judiopi jo'ne 'uaediñe, qama'le nach'e ena'ama yema joga'me jiyaĝadipi.

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

Juan 14:26

qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

Juan 1:17

Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

Lucas 24:49

Qama'le ami ñamaĝa'ñalo qomle ga'me jo'ne joote jayem 'yaĝatem ñe'me Taĝadena'. Qalaĝaja, ami cha'li ovi'ta jena'me jenjo' Jerusalén, chayovida'a auacoñiyeguet da'me nañoqotaĝanaĝac jo'ne chiyoĝogue di'me piyem.

1 Pedro 2:10

Da'me ami joca'li ja jalchi'ena ta'le ami noic laje', qalaĝaja nayi male ami noic jo'ne Dios lec'oqo'tepi. Joca'li ñe'me Dios cha'li ja ami 'te yichoĝode'n, qalaĝaja nayi male yataqata ami yichoĝode'n.

Romanos 6:17

Qalaĝaja yamaic janem ñe'me Dios yajouaĝat da'me ami, ca'li ami lelataqa daa'me adoecodi', nayi naa'me adai'lidi' yoqochideta da'me 'loyaĝac da'me napaĝaguenataĝanaĝac 'me auacoñiyeguet.

Hechos 1:4

Ca'li maliaĝa uetauelo gaa'me lamaĝa's, ñe'me Jesús uaqatalo jogaa'me, enaac: —Ena'te oquiya'e di'me Jerusalén, dite da'me cha'li auachiya'a ga'me jo'ne joote ami ja'aĝatapema, 'me jetaque ami yanema ñe'me Taĝadena'.

Juan 15:26

“Qalaĝaja novitequena qomle ñe'me anecochoqo't, ñe'me Dios Lepaqal jo'ne chiyoqo'ot joñe'me Taĝadena', qama'le 'yaĝatetac joñe'me jo'ne yataqatelegue. Ñamaĝaquena qomle qaedi chiyaqaue joñe'me Taĝadena' qama'le jayem 'yaĝatetac.

Hechos 13:26

“Ami yaqaya'olqa jo'ne Abraham c'oqo'tepi, nataq'aen ami jo'ne ja at'achaqadiyena nataq'aen jo'ne at'oiyapega joñe'me Dios: jenjo' qo'yaĝatetac 'me nec'alaĝa mach'e qo'mi nelo'talo.

Juan 6:27

Da'me ami, a'uonataĝañi, qalaĝaja ja a'uonataĝañetapiye ga'me nalic jo'ne di'yoq, dite ga'me niqui'yaĝat jo'ne nach'e eta't 'uo, 'me chiyaqayi da'me 'nec'alaĝa jo'ne qaya'te loiquiaqa', da'me jo'ne janegue, da'me jayem jo'ne jayem Jiyaĝaua Lec'oĝot, naqayem jo'ne jayem daloĝonataĝana ñe'me Qadet'a Dios, queda'me naqayem jo'ne jayem 'yamaqaten.

Lucas 11:13

Chane'eja, qom ami, jo'ne qaleuaĝayaqa, auayachiñe da'me auañema gaa'me uo'oe jo'ne onaĝayaqa naa'me ac'oqo'chedi', qama'le ¡yataqachiñe p'ajaye ñe'me Qadet'a jo'ne na'ague di'me piyem yanema jaĝa'te ñe'me Lepaqal jo'ne ja 'nalegue ena'uaque jogaa'me jo'ne yiyaĝadaque!”

Apocalipsis 7:2

Qama'le nach'e ena'am jauana jo'me piyem le'ec laqaya jo'ne chiyoĝogue jena'me nayapije'ma jañe'me ajeua, nach'ejo jo'ne ue'tajop jaga'me 'lanaĝanaqate joñe'me jo'ne nach'e eta't da'me nec'aletaye, nach'eñe joñe'me Dios. Qama'le joñe'me piyem le'ec neten da'me ya'uo da'me 'laqatac da'me yiyaĝalo'te jogaa'me cuatro piyem laje' laqaya' 'me joote qoyanema da'me lañoqotaĝanaĝac qaedi yauote ga'me 'yedetec jo'ne ja no'en jena'me aleua choqoga'me noĝop let'adaic,

Santiago 1:18

Qa'a naq'aeta da'me jo'ne mach'e lelnataĝac joñe'me, da'me qo'mi yanema da'me nec'alaĝa jo'ne chiyaqayilo naa'me 'laqataqa jo'ne ejoda, qaedi ena'am ta'le qo'mi jala jo'ne 'uaechidiñe da'me mach'e 'lonataĝanaĝac.

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

2 Timoteo 3:15

anetouetac ca'li am jaqayi, joote auayaten jaga'me Dios 'laqataqa lae't, jo'ne nach'aga am yaloĝo'tague ga'me jetaque aua'uo, nataq'aen male am yauedoue da'me nec'alaĝa jo'ne qaya'te loiquiaqa', jouaĝat da'me yataqata auep'iya'a ñe'me Cristo Jesús.

2 Timoteo 2:15

Nach'e eta't a'nañaĝat da'me a'uonataĝaneuo'o joñe'me Qadet'a, qaedi joñe'me yataqata am 'yamaqaten, da'me am onataĝanaĝaic jo'ne qaya'te adepocoĝoc, jo'ne yataqata auapaĝaguenataĝanec da'me lajoĝoc da'me eja.

Efesios 4:21

Qa'a ca'li yataqata auomachiiya da'me napaĝaguenataĝanaĝac jo'ne chiyoqo'ot ñe'me Cristo qama'le yataqata oquitapegue' da'me eja ladic jo'ne nach'ena nayi a'vichetac.

2 Corintios 6:7

Queda'me 'uo da'me qadañoqotaĝanaĝac 'me qo'mi yanema ñe'me Dios, male ja'aĝataqatac joda'me 'naqataĝanaĝac jo'ne yataqatelegue. Nale uo'oe ga'me qadaqalaico qama'le jajoyaqa'agueta, qama'le ena'am ta'le je'euoĝonaqatapecot da'me qat'oyaĝac 'me yataqatelegue queda'me je'etaqatac nataq'aen nach'e eta't ñenaĝataĝaye ga'me jo'ne chimaqachiñe.

Juan 3:33

Joga'me jo'ne yaconeguet da'me 'laqataĝanaĝac joñe'me, nach'ega en yataqatelegue q'aen joñe'me Dios;

Santiago 1:21

Chane'eja da'me ami, 'noota qom aniyochela't, aĝañidiñi yema gaa'me jo'ne paĝachiguilo, nach'e ena'ama gaa'me etaĝaloĝoco jo'ne ja najataĝayaqa, qama'le da'me ami ooyaĝayaqa, 'noota qom auacoñiyeguet da'me dojo' napaĝaguenataĝanaĝac jo'ne joote qoyaañi, qa'a da'me dojo' napaĝaguenataĝanaĝac nach'eda jo'ne 'uo da'me lañoqotaĝanaĝac qaedi ami e'n nec'alaĝategue.