Colosenses 2:7 - Nuevo Testamento Toba Sombrero Negro

⁷ 'Noota qom gaa'me lepatadi' da'me at'oyaĝaqui yoqoteteda'aguet joñe'me, nataq'aen da'me adepi'i 'noota qom naqaloĝodije'ma joñe'me, naq'aeta da'me ami qoyapaĝagueneque ca'li, qama'le nach'e eta't auañem da'me adamaiqui joñe'me Dios.

Nuevo Testamento Toba Sur

⁷ cam lpa'a'q da qanachaalataxaqui n'attalec somayi, qataq n'oxootalec somayi da qadpi'iÿaxaqui. Cha'ayi nachida da qami' qaÿapaxaguenque co'ollaxa, yaqto' nachi 'eetai' da qai'añiitacot da qan'achiquiaxaqui ñi Dios.

La'aqtaqa Ñim Lo'onatac 'Enauacna 2013

⁷ Cha'aye mashe qami' napaxaguenataqa, qaq ỹoqo'oye qanquigaxachiitasheguem da qarpi'iỹaxaqui Somaye, qataq qaualaqaigueta naua lapaxaguenataxanaxaco yaqto' qanquiquiita'aguet da no'on da qarataxaqui, qataq nache 'eetai' da qaỹa'añiitacot da qana'achecỹaxaqui Ñim Lo'onatac 'Enauacna.

Colosenses 2:7 Referans Kwoze

Efesios 3:17

Qama'le ñachoĝodetapecot joñe'me Dios qaedi joñe'me Jesucristo uauelo naa'me adai'lidi', qa'a jouaĝat da'me yataqata auep'iiya'a joñe'me nataq'aen qaedi da'me adoqopich'i nach'eda da'me chiyaqayi yema ga'me auauoyi,

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

2 Ts 2:17

ñachoĝodenoqoto joñaa'me qaedi e'n jaqachiguilo naa'me adai'lidi' da'me adamaiqui, nataq'aen qaedi ami yanema da'me at'añaĝaqui, qaedi nach'e eta't a'uaĝachetac jena'me jenjo' 'noota nataq'aen da'me yataqata a'vichi na'me.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

Efesios 5:20

Nataq'aen nach'e eta't auañem da'me adamaiqui joñe'me Dios jo'ne mach'e Qadet'a, jouaĝat da'me ademii'teguet joñe'me Qadejaliaĝanec Jesucristo.

Romanos 16:25

'Noota qom 'ñonaĝataĝaye ñe'me Dios, jo'ne yaqanatet da'me ami t'añidañe q'ae'n. Nach'e naq'aeta da'me onaĝaic 'naqataĝanaĝac jo'ne ami ja'aĝatema nataq'aen da'me napaĝaguenataĝanaĝac jo'ne 'yaĝatetac ñe'me Jesucristo. Dojo' uaĝayet da'me jo'ne Dios yaloĝon, jo'ne ja yaloĝonapiye't, nach'eda qoyoĝochiñe chiyoqo'teguet joca'li maliaĝa qaya jena'me aleua.

Judas 1:24

Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Hebreos 13:15

Chane'eja nach'e eta't da'me 'ñonaĝataĝaye ñe'me Dios, da'me jenaq chiyaqayi ñe'me Jesucristo jenjo' qadi'yoĝodenataĝanaĝac jo'ne ena'am ta'le qadajaqajec da'me janemaĝam, qa'a nach'edaua daa'me qat'aqataqa mach'e qadajaqajec, nale jechoĝotaq da'me naqaeñe mach'e Qadejaliaĝanec.

Colosenses 3:17

Nataq'aen ena'uaque gaa'me jo'ne auauoyi uotaĝa anenaĝachiyegue, a'viche'tape nale jogaa'me qa'a jouaĝat da'me ademii'teguet joñe'me Qadejaliaĝanec Jesucristo. Nataq'aen auañem da'me adamaiqui ñe'me Dios nale, yajouaĝat da'me jo'ne Cristo ami yanema.

1 Ts 5:18

Auañem adamaiqui joñe'me Dios, qa'a nach'ena jena'me jenjo' yataqata paquetapega da'me ami, jouaĝat da'me ami p'etaqadayaqa, yataqata auep'iiya'a joñe'me Cristo Jesús.

Lucas 6:48

queda'me nach'egaua eda'am ga'me jiyaĝaua jo'ne jetaque 'noĝojeguem ga'me 'lemec, qama'le 'uaeñe q'aen da'me yataqachiñe en qaya'ñgui ga'me lejedec, qama'le en lamo ga'me qa' ga'me emec. Ca'li nayenegue ga'me ñache, ga'me noĝop ja yilae'teguet da'me 'lañaĝac da'me yauaĝanot ga'me emec, qalaĝaja ja yaqanatet ta'le yidaĝat, qa'a ja qoyalajaĝan da'me qo'nedijeguem.

Efesios 4:21

Qa'a ca'li yataqata auomachiiya da'me napaĝaguenataĝanaĝac jo'ne chiyoqo'ot ñe'me Cristo qama'le yataqata oquitapegue' da'me eja ladic jo'ne nach'ena nayi a'vichetac.

Judas 1:20

Qalaĝaja ami yaqaya'olqa, nach'e aueñeta't a'nañaĝachiyec da'me jo'ne ja 'nalegue 'me adepi'i, nataq'aen anajeñe'teguet ñe'me Dios Lepaqal da'me ami yauequeteda'ague joda'me anetamenaĝaqui.

2 Corintios 1:21

Dios nach'eñe qo'mi 'yañaqate't qaedi ja jaĝanaĝaye ñe'me Cristo, da'me jenaqa'ta nataq'aen ami nataq'aen ja qo'mi 'te 'nalo'te q'ae'n da'me qo'mi yiyota'alo.

Judas 1:12

Jogaa'me yataqata yauote da'me adepocoĝoqui nale yalegouelo gaa'me adiqui'yaĝaqui' 'me a'nonaĝachiguilo, qa'a ja yiyamaĝatetedac, dite da'me ch'e deque'y nataq'aen ch'e niyo'm. Ja yaloĝo'n ga'me lepocoĝo'j, qalaĝaja eetapela'ajalo made'tape, qa'a nach'egaua jo'ne najoĝola'te jo'ne mach'e netelela'ajalo. Nach'egaua yataqachiñe ja 'noe'n, qama'le ena'ama gaa'me piyem loje' jo'ne ja chiyaqayi ga'me uotep, qa'a ch'e layat layoĝonataqa. Nataq'aen ena'ama gaa'me ep'a 'me ja yauote jala nale yovita ga'me laloqo', yataqachiñe qaqa'te' qa'a joote ja netayelo gaa'me patadi.

1 Corintios 1:8

Nach'eñe ami 'yañaqate't chayovida'a ga'me p'ategue nolo', qaedi qaya'te ja no'en adejamaĝataĝaqui qom yovita ga'me nolo' da'me 'niyelaq joñe'me.

Hebreos 13:9

Qama'le ena'te auajeñeta ta'le ami qoyauequeteda'alo gaa'me napaĝaguenataĝanaĝaco jo'ne yodapecache 'me ja qoyateto'n. Nach'edata da'me lañoqotaĝanaĝac joñe'me Dios jo'ne yataqata 'yañaqate't naa'me mach'e adai'lidi'. Chane'eja ena'te oqui'teguelo naa'me namaĝajoĝonaĝaco jo'ne qoye'n ladiquiyaĝac da'me niqui'yaĝac, qa'a jogaa'me jo'ne quetede'egue da'me dojo' qaya'te ta'le 'uo ga'me naueguedela't.