Colosenses 2:12 - Nuevo Testamento Toba Sombrero Negro

¹² Ca'li ami qonachilaĝa'n qama'le ami qoyijediñijop joñe'me Cristo, nataq'aen ca'li 'niyelaĝajeguem qama'le nach'e ena'am a'niyelaqaejeguem, qa'a auep'iiya'a joñe'me Dios jo'ne 'uo da'me lañoqotaĝanaĝac qaedi 'niyelaĝachijeguem joñe'me.

Nuevo Testamento Toba Sur

¹² Cha'ayi co'ollaq qami' qanachilaxa'n, nachi 'eeta'am da qadÿaichiguiñi' so Cristo co'ollaq qailayiñi. Qataq co'ollaq qanca'alaxateec, nachi qaltaq qadÿaitchiguem, cha'ayi qami' ÿataqta qau'amaqchiñi da l'añaxac ñi Dios mayi nca'alaxateeguesop da nleuaxa somayi.

La'aqtaqa Ñim Lo'onatac 'Enauacna 2013

¹² Cha'aye co'ollaq qami' qanachelaxanguilo na 'etaxat, nache qoñiita'am So Cristo co'ollaq qailareñi, qaq co'ollaq qannoxoñiisheguem, nache qoñiita'am Somaye co'ollaq qanca'alaxateeguesop da l-leuaxa, cha'aye qami' ỹataqta qaua'amaqchiñi da la'añaxac Ñim Lo'onatac 'Enauacna.

Colosenses 2:12 Referans Kwoze

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

Gálatas 3:27

qa'a ca'li ami qonachilaĝa'n, nach'e ena'am ami qoyapetenegueta ñe'me Cristo, qama'le nayi da'me adajoĝoqui auañiya'am joñe'me.

Hechos 2:24

Qalaĝaja Dios 'niyelaĝachijeguem, yachiyoĝotaue da'me leco'yaĝac da'me leleuaĝa, qa'a da'me neleuaĝa ja yaqanatet ta'le nale'en nomat.

Efesios 3:17

Qama'le ñachoĝodetapecot joñe'me Dios qaedi joñe'me Jesucristo uauelo naa'me adai'lidi', qa'a jouaĝat da'me yataqata auep'iiya'a joñe'me nataq'aen qaedi da'me adoqopich'i nach'eda da'me chiyaqayi yema ga'me auauoyi,

Romanos 4:24

nach'e ena'am qo'mi nala'alo da'me qoyediñe. Qa'a Dios nach'e ena'am yatetoneguet da'me qadepe'e, qom jep'iyaqa ñe'me jo'ne 'niyelaĝachijeguem ca'li ñe'me Jesús, mach'e Qadejaliaĝanec,

Efesios 4:5

Onolec joñe'me Qadejaliaĝanec, nataq'aen onolec da'me qadepe'e ladic, chayovida'a da'me onolec da'me nachilaĝanataĝanaĝac.

Efesios 2:8

Chane'eja ami joote qonec'alaĝatedegue, jouaĝat da'me auacoñiyeguet da'me loqopich'i ñe'me Dios. Qaya'te da'me ami 'uo ga'me eetapega dajelaĝanec da'me nec'alaĝa; ja naq'aeta, yejamaq da'me ch'e qo'mi qoyanema, ñe'me Dios yataqata qo'mi paquetapegalo.

1 Corintios 15:20

Qalaĝaja yataqata eja queda'me Cristo 'niyelaĝajeguem, chiyaqauelo dia'me napa'lpi. Qama'le dojo' nach'eda naloĝonatac queda'me nach'e ena'am qo'niyelaĝachidijeguem qomle gaa'me joote yele'u.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Hebreos 6:2

Ja yitaĝa ta'le ji'iyelaĝajoĝolegue da'me ja'aĝataqatac da'me chilaĝanataĝanaĝac uotaĝa da'me jachaqalo'te naa'me qadoua' jogaa'me p'etaqadayaqa, uotaĝa da'me qo'niyelaĝachidijeguem jogaa'me joote yele'u, uotaĝa da'me Dios laloqotenaĝanaĝac jo'ne qaya'te loiquiaqa'.

Filipenses 1:29

Joote ami qoyaje'tema ta'le ami lalemaĝaje'te joñe'me Cristo, qama'le nayi male auep'iiya'a joñe'me, uotaĝa qom 'uo joga'me qoyen adachoĝodequi jouaĝat joñe'me.

Efesios 5:14

Qama'le 'uo jo'me nolo' ca'li qoyediñe jena'me jenjo': “¡Aneloye, am uochaĝaic! ¡A'niyelaĝajeguem, auachiyaqauelo na'me napa'lpi, Qaedi joñe'me Cristo am yecoyadelegue!”

Efesios 3:7

Dios yataqata onaĝaic da'me loec da'me yataqata jayem yichoĝoden, qama'le jayem yachetajop joda'me lañoqotaĝanaĝac, qaedi male jaqanatet ta'le ja'aĝa'tape jogaa'me 'laqataqa.

1 Corintios 12:13

Qa'a joca'li qo'mi qonachilaĝa'n, nach'eñe ñe'me Dios Lepaqal qo'mi 'yeteque da'me ena'am ta'le onolec da'me qat'oyaĝac, joga'me griegopi nach'e ena'am joga'me judiopi, jogaa'me nelataqa nataq'aen jogaa'me yiyamaqachidiñe, qama'le Dios qo'mi ena'uac yecodelo'te nach'eñe ñe'me mach'e Lepaqal.

Romanos 7:4

Nach'e ena'am naq'aeta, ami yaqaya'olqa, da'me auoqochiuo'o ñe'me Cristo oviyaue da'me leleuaĝa joñe'me, qaedi oquiya'e da'me namaĝajoĝonaĝac, qama'le uoja'ega anecoñiteguet, nach'eñe ñe'me jo'ne ca'li joote yem da'me yeleu, qama'le yitaĝa 'niyelaĝajeguem. Qama'le naq'aeta da'me onaĝaic ga'me jalayaĝac 'me janemaĝam ñe'me Dios.

Hechos 14:27

Ca'li yovideta di'me Antioquía, yemata'a'ajalo gaa'me jo'ne 'uo da'me lepe'e' qama'le 'yaĝatetapema ena'uaque gaa'me p'ajodaye uo'oe 'me Dios 'yetaĝanaĝaneque ca'li jogaa'me, nataq'aen da'me eeta ca'li ñe'me Jaliaĝanec ya'uo ladiideuo joga'me jo'ne ja judiopi, nach'e ena'am jogaa'me p'iida'a.

Lucas 17:5

Jogaa'me namaĝa's yiyaĝatot ñe'me Jaliaĝanec: —Qo'mi alecochiyalo qaedi yataqachiñe am jep'iyaqa.

Hechos 2:32

Chane'eja nach'eñe ñe'me Jesús da'me Dios 'niyelaĝachijeguem, qama'le ena'uaque qo'mi jechoĝotaqatac da'me dojo'.

Colosenses 1:29

Nach'eda chiyaqayi da'me jo'onataĝatac, qama'le 'ñañaĝatec yema da'me mach'e 'yañaĝac choqoda'me lañoqotaĝanaĝac ñe'me Cristo jo'ne jayem netaye.

Colosenses 2:13

Da'me ami ena'am ta'le joote adelevi joca'li gaa'me noloqo'ote jo'ne joote yenoĝodegue, yajouaĝa't daa'me adoecodi' nataq'aen da'me ja aĝañiyegue da'me at'oyaĝaqui 'me toijec jo'ne oiquiaĝaic; qalaĝaja nayi Dios ami yanema da'me at'oyaĝaqui dalaĝaic queda'me ademii'teguet ñe'me Cristo, qama'le yapalaĝa't ena'uaque da'me qadoeco.